ਬੀ.ਸੀ. ਹਾਈਵੇਅ ਪੈਟਰੋਲ ਦੇ ਕਮਰਸ਼ਲ ਵਾਹਨ ਸੇਫਟੀ ਚੈੱਕ ਦੌਰਾਨ ਲੱਗੇ ਵੱਡੇ ਜੁਰਮਾਨੇ

ਬੀ.ਸੀ. ਹਾਈਵੇਅ ਪੈਟਰੋਲ ਨੇ ਦੋ ਦਿਨਾਂ ਵਪਾਰਕ ਵਾਹਨ ਦੀ ਸੁਰੱਖਿਆ ਜਾਂਚ ਦੌਰਾਨ ਡਰਾਈਵਰਾਂ ਨੂੰ ਕੁੱਲ $18,000 ਦਾ ਜੁਰਮਾਨਾ ਲਗਾਇਆ ਹੈ। ਇਹ ਕਾਰਵਾਈ 8 ਅਤੇ 9 ਜੁਲਾਈ ਨੂੰ ਕੀਤੀ ਗਈ। ਕਾਰਪੋਰਲ ਮਾਈਕਲ ਮੈਕਲਾਫਲਿਨ ਨੇ ਕਿਹਾ ਕਿ ਬਹੁਤ ਸਾਰੇ ਵਪਾਰਕ ਡਰਾਈਵਰ ਅਜੇ ਵੀ ਨੁਕਸ ਵਾਲੇ ਟਰੱਕ ਅਤੇ ਟ੍ਰੇਲਰ ਚਲਾ ਕੇ ਨਿਯਮਾਂ ਦੀ ਉਲੰਘਣਾ ਕਰ ਰਹੇ ਹਨ।

ਮੈਕਲਾਫਲਿਨ ਨੇ ਦੱਸਿਆ ਕਿ ਕੋਕੁਇਟਲਮ ਅਤੇ ਚਿਲੀਵੈਕ ਵਿਚ ਸੁਰੱਖਿਆ ਓਪਰੇਸ਼ਨ ਦੌਰਾਨ ਕੁੱਲ 109 ਵਾਹਨਾਂ ਦੀ ਜਾਂਚ ਕੀਤੀ ਗਈ, ਜਿਨ੍ਹਾਂ ਵਿਚੋਂ 58 ਵਾਹਨਾਂ ਵਿਚ defects ਪਾਏ ਜਾਣ 'ਤੇ ਉਨ੍ਹਾਂ ਨੂੰ ਸਰਵਿਸ ਤੋਂ ਬਾਹਰ ਕੀਤਾ ਗਿਆ। ਇਨ੍ਹਾਂ ਵਿਚ ਇੱਕ ਸਕੂਲ ਟਰੱਕ ਵੀ ਸ਼ਾਮਲ ਸੀ, ਜਿਸ ਦੀ ਫਰੰਟ ਬ੍ਰੇਕ ਠੀਕ ਕੰਮ ਨਹੀਂ ਕਰ ਰਹੀਆਂ ਸਨ, ਇੱਕ ਡੰਪ ਟਰੱਕ ਦੇ ਟਾਇਰ ਬੁਰੀ ਤਰ੍ਹਾਂ ਘਿਸੇ ਹੋਏ ਸਨ ਤੇ ਰਿਮ ਮੁੜੇ ਹੋਏ ਸਨ।

ਇਸ ਤੋਂ ਇਲਾਵਾ ਇਸ ਦੇ ਢੋਹਣ ਵਾਲੇ ਹਿੱਸੇ ਵਿਚ ਛੇਕ ਸਨ ਜਿਸ ਵਿਚੋਂ ਮਾਲ ਸੜਕ 'ਤੇ ਲੀਕ ਹੋ ਰਿਹਾ ਸੀ।ਬੀ.ਸੀ. ਹਾਈਵੇਅ ਪੈਟਰੋਲ ਨੇ ਕਿਹਾ ਕਿ ਉਸ ਨੇ ਬਰਨਬੀ ਆਰਸੀਐਮਪੀ, ਕੋਕੁਇਟਲਮ ਆਰਸੀਐਮਪੀ ਤੇ ਹੋਰ ਏਜੰਸੀਜ਼ ਨਾਲ ਮਿਲ ਕੇ 500 ਦੇ ਕਰੀਬ ਵਾਹਨ ਦੇ ਨੁਕਸ ਦਾ ਪਤਾ ਲਗਾਇਆ ਅਤੇ ਕਾਰਵਾਈ ਕੀਤੀ।