10.89C Vancouver 10.89C VancouverJun 5, 2025 5:22 PM - Connect Newsroom
ਬੀ.ਸੀ. ਵਿਚ 6 ਸਾਲਾਂ ਵਿਚ ਪਹਿਲੀ ਵਾਰ ਵਿਕਟੋਰੀਆ ਡੇਅ ਦੇ ਲੌਂਗ ਵੀਕਐਂਡ ਦੌਰਾਨ ਸੜਕ ਦੁਰਘਟਨਾ ਵਿਚ ਇੱਕ ਵੀ ਮੌਤ ਨਹੀਂ ਹੋਈ। ਬੀ.ਸੀ. ਹਾਈਵੇਅ ਪੈਟਰੋਲ ਨੇ ਅੱਜ ਰਿਲੀਜ਼ ਵਿਚ ਇਸ ਦਾ ਸਿਹਰਾ ਮਈ ਲਈ ਚਲਾਈ ਗਈ ਆਪਣੀ ਹਾਈ ਰਿਸਕ ਡਰਾਈਵਿੰਗ ਅਤੇ ਮੋਟਰਸਾਈਕਲ ਜਾਗਰੂਕਤਾ ਮੁਹਿੰਮਾਂ ਨੂੰ ਦਿੱਤਾ।
ਏਜੰਸੀ ਨੇ ਕਿਹਾ ਕਿ ਘੱਟੋ-ਘੱਟ 6 ਸਾਲਾਂ ਵਿਚ ਇਹ ਸਭ ਤੋਂ ਸੁਰੱਖਿਅਤ ਲੌਂਗ ਵੀਕਐਂਡ ਰਿਹਾ ਪਰ ਟਿਕਟਾਂ ਤੋਂ ਪਤਾ ਲੱਗਦਾ ਹੈ ਕਿ ਸਾਨੂੰ ਸਾਰਿਆਂ ਨੂੰ ਅਜੇ ਵੀ ਹਾਈਵੇਅ ਸੁਰੱਖਿਅਤ ਬਣਾਉਣ ਲਈ ਕੰਮ ਕਰਨਾ ਹੋਵੇਗਾ।
ਡਿਪਾਰਟਮੈਂਟ ਨੇ ਦੱਸਿਆ ਕਿ ਵਿਕਟੋਰੀਆ ਡੇਅ ਦੇ ਲੌਂਗ ਵੀਕਐਂਡ ਦੌਰਾਨ ਸੂਬੇ ਭਰ ਵਿਚ 1,900 ਤੇਜ਼ ਰਫ਼ਤਾਰ ਵਾਲੀਆਂ ਟਿਕਟਾਂ ਅਤੇ 79 ਵਾਹਨ ਜ਼ਬਤ ਕੀਤੇ ਗਏ, ਜਦੋਂ ਕਿ ਮਈ ਦੇ ਪੂਰੇ ਮਹੀਨੇ ਵਿਚ ਤੇਜ਼ ਰਫ਼ਤਾਰ ਲਈ 9,600 ਤੋਂ ਵੱਧ ਚਾਲਾਨ ਕੱਟ ਗਏ। ਬੀ.ਸੀ. ਹਾਈਵੇਅ ਪੈਟਰੋਲ ਨੇ ਕੁਝ ਅਜਿਹੀਆਂ ਘਟਨਾਵਾਂ ਦਾ ਵੀ ਜ਼ਿਕਰ ਕੀਤਾ, ਜਿਨ੍ਹਾਂ ਵਿਚ ਡਰਾਈਵਰਾਂ 'ਤੇ ਮਹੀਨਿਆਂ ਤੱਕ ਦੀ ਡਰਾਈਵਿੰਗ ਪਾਬੰਦੀ ਲਗਾਈ ਗਈ ਹੈ।
