12.32C Vancouver 12.32C VancouverMay 7, 2021 5:28 PM -
ਬੀ.ਸੀ. ਹਾਈਡ੍ਰੋ ਵੱਲੋਂ ਇੱਕ ਨਵੇਂ ਪ੍ਰਕਾਰ ਦੇ ਟਰੈਂਡ ਬਾਰੇ ਜਾਣਕਾਰੀ ਦਿੱਤੀ ਜਾ ਰਹੀ ਹੈ, ਜਿਸ ਅਨੁਸਾਰ ਸੂਬੇ 'ਚ ਕੋਵਿਡ-19 ਪਬੰਦੀਆਂ ਵਿਚਾਲੇ ਲੋਕਾਂ ਵੱਲੋਂ ਘਰਾਂ 'ਚ ਬੈਕਯਾਰਡ ਦੀ ਅਤੇ ਦਰਖਤਾਂ ਦੀ ਸਾਫ-ਸਫਾਈ ਸੰਬੰਧੀ ਧਿਆਨ ਦਿੱਤਾ ਜਾ ਰਿਹਾ ਹੈ।
ਕਰਾਊਨ ਯੂਟਿਲਿਟੀ ਦਾ ਕਹਿਣਾ ਹੈ ਕਿ ਦਰਖਤਾਂ ਦੀ ਟ੍ਰਿਮਿੰਗ ਦੌਰਾਨ, ਇਸ ਨਾਲ ਜੁੜੀਆਂ ਘਟਨਾਵਾਂ 'ਚ ਵੀ ਵਾਧਾ ਹੋਇਆ ਹੈ।
ਉਨ੍ਹਾਂ ਦੱਸਿਆ ਕਿ ਵੀਕਐਂਡ ਦੌਰਾਨ ਟ੍ਰੀ ਟ੍ਰਿਮਰਸ, ਗਾਰਡਨਰਸ ਅਤੇ ਲੈਂਡਸਕੇਪਰਸ ਨਾਲ ਜੁੜੀਆਂ ਘਟਨਾਵਾਂ ਦੇ ਮਾਮਲਿਆਂ 'ਚ 30% ਵਾਧਾ ਹੋਇਆ ਹੈ।
ਇਹ ਵਾਧਾ ਬੀਤੇ ਸਾਲ ਮਾਰਚ ਤੋਂ ਹੁਣ ਤਕ ਦੇ ਅੰਕੜੇ ਅਨੁਸਾਰ ਦੱਸਿਆ ਗਿਆ ਹੈ।
ਰਿਪੋਰਟ 'ਚ ਦੱਸਿਆ ਗਿਆ ਹੈ ਕਿ ਦਰਖਤਾਂ ਦੀ ਟ੍ਰਿਮਿੰਗ ਅਜਿਹਾ ਸਭ ਤੋਂ ਕਾਮਨ ਮਾਮਲਾ ਹੈ ਜਿਸ ਦੌਰਾਨ ਟਾਹਣੀਆਂ ਪਾਵਰ ਲਾਈਨਾਂ 'ਤੇ ਡਿੱਗੀਆਂ ਅਤੇ ਇਸ ਦੇ ਕਾਰਨ ਬੱਤੀ ਗੁਲ ਹੋਣ ਦੀ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪਿਆ।
ਮਾਰਚ 2020 ਤੋਂ 100 ਤੋਂ ਵਧੇਰੇ 'ਬੈਕਯਾਰਡ ਲੌਗਿੰਗ' ਦੀਆਂ ਸ਼ਿਕਾਇਤਾਂ ਰਿਪੋਰਟ ਹੋਈਆਂ ਦੱਸੀਆਂ ਗਈਆਂ ਹਨ।
ਰਿਹਾਇਸ਼ੀ ਇਲਾਕਿਆਂ 'ਚ ਡਿਸਟ੍ਰੀਬਿਊਸ਼ਨ ਲਾਈਨਜ਼ 'ਚ 25,000 ਵੌਲਟਸ ਤਕ ਦੀ ਬਿਜਲੀ ਦੌੜਦੀ ਹੋ ਸਕਦੀ ਹੈ ਜਦਕਿ ਘਰਾਂ 'ਚ 240 ਵੌਲਟ ਤਕ ਦੀ ਬਿਜਲੀ ਦੀਆਂ ਤਾਰਾਂ ਹੋ ਸਕਦੀਆਂ ਹਨ।
ਬੀ.ਸੀ. ਹਾਈਡ੍ਰੋ ਦਾ ਕਹਿਣਾ ਹੈ ਕਿ ਬਹੁਤੇ ਲੋਕ ਨਹੀਂ ਸਮਝਦੇ ਕਿ ਅਜਿਹੀਆਂ ਤਾਰਾਂ ਤੋਂ ਸੁਰੱਖਿਅਤ ਰਹਿਣ ਲਈ ਘਟੋ-ਘੱਟ 3 ਮੀਟਰ ਦੀ ਦੂਰੀ ਬਣਾ ਕੇ ਰੱਖਣਾ ਜ਼ਰੂਰੀ ਦੱਸਿਆ ਜਾਂਦਾ ਹੈ।
