15.78C Vancouver 15.78C VancouverJun 4, 2025 7:55 PM - The Canadian Press
ਬੀ.ਸੀ. ਸਰਕਾਰ ਨੇ ਸੂਬੇ ਵਿਚ ਵਸਨੀਕਾਂ ਅਤੇ ਇੰਡਸਟਰੀਜ਼ ਵਲੋਂ ਪੀਕ ਡਿਮਾਂਡ ਦੌਰਾਨ ਬਿਜਲੀ ਦੀ ਮੰਗ ਨੂੰ ਪੂਰਾ ਕਰਨ ਦੇ ਇਰਾਦੇ ਨਾਲ ਬੀ.ਸੀ. ਹਾਈਡਰੋ ਨੂੰ ਭੂ-ਤਾਪਮਾਨ ਅਤੇ ਪਣ-ਬਿਜਲੀ ਪ੍ਰੋਜੈਕਟ ਲਈ ਕੰਪਨੀਆਂ ਤੋਂ ਰੁਚੀ ਦੇ ਪ੍ਰਗਟਾਵੇ ਲਈ ਬੇਨਤੀ ਮੰਗੇ ਜਾਣ ਦੀ ਮਨਜ਼ੂਰੀ ਦਿੱਤੀ ਹੈ। ਇਸ ਦੀ ਘੋਸ਼ਣਾ ਅੱਜ ਊਰਜਾ ਮੰਤਰੀ ਐਡਰੀਅਨ ਡਿਕਸ ਨੇ ਕੀਤੀ।
ਬੀਸੀ ਹਾਈਡਰੋ ਨੇ ਇਸ ਦੇ ਨਾਲ ਹੀ ਇੱਕ ਹੋਰ ਬੇਨਤੀ ਵੀ ਲੌਂਚ ਕੀਤੀ ਹੈ, ਜਿਸ ਵਿਚ ਅਜਿਹੇ ਸਾਥੀ ਦੀ ਤਲਾਸ਼ ਕੀਤੀ ਜਾ ਰਹੀ ਹੈ, ਜੋ ਸੂਬੇ ਵਿਚ ਘਰਾਂ ਤੇ ਹੋਰ ਇਮਾਰਤਾਂ ਵਿਚ ਬਿਜਲੀ ਦੀ ਸੰਭਾਲ ਨੂੰ ਬੂਸਟ ਦੇਣ ਲਈ ਮਾਰਕੀਟ ਲਈ ਤਿਆਰ ਤਕਨਾਲੋਜੀਆਂ ਡਿਲਿਵਰ ਕਰ ਸਕਦੇ ਹਨ।
ਡਿਕਸ ਨੇ ਕਿਹਾ ਕਿ ਇਨ੍ਹਾਂ ਦੋਵਾਂ ਕਦਮਾਂ ਦਾ ਮਕਸਦ ਮੰਗ ਨਾਲ ਮੇਲ ਖਾਂਦੀ ਸਥਿਰ ਅਤੇ ਕਿਫਾਇਤੀ ਬਿਜਲੀ ਦੀ ਸਪਲਾਈ ਨੂੰ ਯਕੀਨੀ ਬਣਾਉਣਾ ਹੈ। ਗੌਰਤਲਬ ਹੈ ਕਿ ਬੀਸੀ ਹਾਈਡਰੋ ਨੇ ਪਿਛਲੇ ਸਾਲ ਨਵਿਆਉਣਯੋਗ ਸਰੋਤ ਤੋਂ ਬਿਜਲੀ ਲਈ 9 ਹਵਾ ਤੇ ਇੱਕ ਸੋਲਰ ਪ੍ਰਾਜੈਕਟ ਚੁਣਿਆਂ ਸੀ ਪਰ ਇਹ ਬੇਸਲੋਡ ਲਈ ਪ੍ਰਭਾਵੀ ਨਹੀਂ ਹਨ ਕਿਉਂਕਿ ਮੌਸਮੀ ਸੰਕਟ ਵਿਚ ਇਨ੍ਹਾਂ ਤੋਂ ਬਿਜਲੀ ਦੀ ਪੂਰਤੀ ਨਹੀਂ ਕੀਤੀ ਜਾ ਸਕਦੀ।
