10.28C Vancouver 10.28C VancouverOct 8, 2020 7:23 PM -
ਬੀ.ਸੀ. ਲਿਬਰਲ ਪਾਰਟੀ ਦੇ ਲੀਡਰ ਐਨਡਰੀਊ ਵਿਲਕਿਨਸਨ ਨੇ ਅੱਜ ਡੈਲਟਾ ਵਿੱਚ ਆਪਣੇ ਚੋਣ ਪ੍ਰਚਾਰ ਦੌਰਾਨ ਕਿਹਾ ਕਿ ਸੱਤਾ ਵਿੱਚ ਆਉਣ 'ਤੇ ਬੀ.ਸੀ. ਲਿਬਰਲ ਸਰਕਾਰ ਛੋਟੇ ਕਾਰੋਬਾਰਾਂ ਦੇ ਲਈ, 2% ਦੇ ਇਨਕਮ ਟੈਕਸ ਨੂੰ ਪੱਕੇ ਤੌਰ 'ਤੇ ਖ਼ਤਮ ਕਰ ਦੇਵੇਗੀ ਤਾਂ ਜੋ ਕਾਰੋਬਾਰ ਇਸ ਪੈਸੇ ਨਾਲ ਮੁੜ ਨਿਵੇਸ਼ ਕਰ ਸਕਣ ਅਤੇ ਵਧੇਰੇ ਲੋਕਾਂ ਨੂੰ ਨੌਕਰੀਆਂ ਦੇ ਸਕਣ।
ਵਿਲਕਿਨਸਨ ਨੇ ਕੋਵਿਡ-19 ਵੈਕਸੀਨ ਉਪਲਬਧ ਹੋਣ ਤੱਕ, ਟੂਰੀਜ਼ਮ ਅਤੇ ਹੌਸਪੀਟੈਲਿਟੀ ਉਦਯੋਗਾਂ ਨੂੰ ਬਰਿੱਜ ਫਾਇਨੈਨਸਿੰਗ ਮੁਹੱਈਆ ਕਰਵਾਉਣ ਦਾ ਚੋਣ ਵਾਅਦਾ ਵੀ ਕੀਤਾ।
ਸਰੀ-ਲੈਂਗਲੀ ਸਕਾਈਟ੍ਰੇਨ ਦੇ ਸੰਬੰਧ ਵਿੱਚ ਇੱਕ ਸਵਾਲ ਦਾ ਜਵਾਬ ਦਿੰਦਿਆਂ ਵਿਲਕਿਨਸਨ ਨੇ ਕਿਹਾ ਕਿ ਲੈਂਗਲੀ ਤੱਕ ਰੈਪਿਡ ਟ੍ਰਾਂਸਪੋਰਟ ਦਾ ਪ੍ਰੋਜੈਕਟ, 10 ਸਾਲ ਪਹਿਲਾਂ ਬੀ.ਸੀ. ਲਿਬਰਲਜ਼ ਦੁਆਰਾ ਬਣਾਇਆ ਗਿਆ ਸੀ।
ਵਿਲਕਿਨਸਨ ਨੇ ਕਿਹਾ ਕਿ ਅਸਲ ਮੁੱਦਾ ਲਾਗਤ ਵਿੱਚੋਂ ਮਿਊਂਨਸੀਪੈਲਿਟੀ ਦੇ ਹਿੱਸੇ ਦੀ ਅਦਾਇਗੀ ਦਾ ਹੈ ਅਤੇ ਜੇਕਰ ਬੀ.ਸੀ. ਐਨ.ਡੀ.ਪੀ. ਲੀਡਰ ਜੌਨ ਹੌਰਗਨ ਦੇ ਕੋਲ ਇਸ ਦਾ ਹੱਲ ਨਹੀਂ ਹੈ ਤਾਂ ਉਹ ਸਿਰਫ਼ ਬੀ.ਸੀ. ਲਿਬਰਲਜ਼ ਦੀਆਂ ਆਵਾਜਾਈ ਸਬੰਧੀ ਯੋਜਨਾਵਾਂ ਨੂੰ ਦੋਹਰਾ ਰਹੇ ਹਨ।ੈ
