ਬੀ.ਸੀ. ਵਿਚ ਟੇਲਰ ਸਵਿਫਟ ਦੇ ਸ਼ੋਅ ਲਈ ਵਧੀ ਸਖਤਾਈ

ਵੈਨਕੂਵਰ ਵਿਚ ਟੇਲਰ ਸਵਿਫਟ ਦੇ ਸਮਾਰੋਹ ਦੌਰਾਨ ਬੀ.ਸੀ. ਪਲੇਸ ਸਟੇਡੀਅਮ ਦੇ ਆਸਪਾਸ ਖੇਤਰਾਂ ਵਿਚ ਵੀ ਸਿਰਫ ਟਿਕਟ ਧਾਰਕ ਨੂੰ ਹੀ ਦਾਖਲ ਹੋਣ ਦੀ ਇਜਾਜ਼ਤ ਮਿਲੇਗੀ। ਅਧਿਕਾਰੀਆਂ ਵਲੋਂ ਇਸ ਦੀ ਪੁਸ਼ਟੀ ਕੀਤੀ ਗਈ ਹੈ। ਪੁਲਿਸ, ਸ਼ਹਿਰ, ਸਟੇਡੀਅਮ ਅਤੇ ਟਰਾਂਸਪੋਰਟ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ 6, 7 ਅਤੇ 8 ਦਸੰਬਰ ਨੂੰ ਹੋਣ ਵਾਲੇ ਸ਼ੋਅ ਲਈ 160,000 ਪ੍ਰਸ਼ੰਸਕਾਂ ਕੋਲ ਟਿਕਟਾਂ ਹਨ ਅਤੇ ਉਨ੍ਹਾਂ ਵਿਚੋਂ 40 ਫੀਸਦੀ ਤੱਕ ਅੰਤਰਰਾਸ਼ਟਰੀ ਯਾਤਰੀ ਹਨ।

ਅਧਿਕਾਰੀਆਂ ਨੇ ਕਿਹਾ ਕਿ ਬੀ.ਸੀ.ਪਲੇਸ ਸਟੇਡੀਅਮ ਦੇ ਬਾਹਰ ਕੈਂਪਿੰਗ ’ਤੇ ਰੋਕ ਲਗਾ ਦਿੱਤੀ ਗਈ ਹੈ। ਸ਼ੋਅ ਦੇ ਦਿਨਾਂ ਦੌਰਾਨ ਦੁਪਿਹਰ ਤੋਂ ਅੱਧੀ ਰਾਤ ਤੱਕ ਸਟੇਡੀਅਮ ਦੇ ਆਸਪਾਸ ਦੀਆਂ ਸੜਕਾਂ ਬੰਦ ਰਹਿਣਗੀਆਂ ਅਤੇ ਅਗਲੇ ਹਫ਼ਤੇ ਦੇ ਸ਼ੁਰੂ ਵਿਚ ਸਟੇਡੀਅਮ ਦੇ ਚਾਰੇ ਪਾਸੇ ਵਾੜ ਲਗਾ ਦਿੱਤੀ ਜਾਵੇਗੀ।