13.4C Vancouver 13.4C VancouverMay 6, 2021 2:35 AM -
ਬੀ.ਸੀ. ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਸੂਬੇ 'ਚ ਜਾਰੀ ਗੈਰ-ਜਰੂਰੀ ਯਾਤਰਾ ਸੰਬੰਧੀ ਪਬੰਦੀਆਂ ਦੀ ਉਲੰਘਣਾ ਕਰਨ ਵਾਲੇ ਲੋਕਾਂ ਦਾ 4 ਰੋਡ-ਚੈੱਕ ਲੋਕਸ਼ਨਾਂ 'ਤੇ ਪੁਲਿਸ ਨਾਲ ਸਾਹਮਣਾ ਹੋ ਸਕਦਾ ਹੈ।
ਆਪਣੇ ਟਰੈਵਲ ਰਿਜਨ ਦੇ ਬਾਹਰ ਦਾ ਸਫਰ ਕਰਨ ਵਾਲੇ ਲੋਕਾਂ ਨੂੰ ਇਹਨਾਂ ਰੋਡ-ਚੈੱਕਸ 'ਤੇ ਸਵਾਲਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।
ਇਸ ਬਾਰੇ ਬੀਤੇ ਹਫ਼ਤੇ ਹੀ ਪਬਲਿਕ ਸੇਫਟੀ ਮੰਤਰੀ, ਮਾਈਕ ਫਾਰਨਵਰਥ ਨੇ ਨੋਟੀਫਾਈ ਕਰ ਦਿੱਤਾ ਸੀ। ਅੱਜ ਜਾਰੀ ਜਾਣਕਾਰੀ ਅਨੁਸਾਰ ਬੀ.ਸੀ. ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਬੌਸਟਨ ਬਾਰ ਇਲਾਕੇ 'ਚ ਹਾਈਵੇਅ 1 ਦੇ ਕੋਲ, ਮੈਨਿੰਗ ਪਾਰਕ ਕੋਲ ਹਾਈਵੇਅ 3, ਹਾਈਵੇਅ 5 'ਤੇ ਓਲਡ ਟੌਲ ਬੂਥ ਏਰੀਆ ਅਤੇ ਲੀਲੋਏਟ ਦੇ ਕੋਲ ਹਾਈਵੇਅ 99 'ਤੇ ਰੋਡ ਚੈੱਕ ਲਗਾਏ ਜਾਣਗੇ।
ਕਿਸੇ ਗੈਰ-ਜ਼ਰੂਰੀ ਕੰਮ ਕਾਰਨ 3 ਜ਼ੋਨਸ ਵਿੱਚ ਯਾਤਰਾ ਕਰਦੇ ਪਾਏ ਜਾਣ ਵਾਲੇ ਵਿਅਕਤੀ 'ਤੇ $575 ਦਾ ਜੁਰਮਾਨਾ ਲਗਾਇਆ ਜਾ ਸਕਦਾ ਹੈ।
ਕਿਸੇ ਰੋਡ ਚੈੱਕ 'ਤੇ ਅਫ਼ਸਰਾਂ ਦੇ ਨਿਰਦੇਸ਼ ਨਾ ਮੰਨਣ ਲਈ 230 ਡਾਲਰ ਦਾ ਜੁਰਮਾਨਾ ਹੋ ਸਕਦਾ ਹੈ।
ਕਿਸੇ ਰੋਡ ਚੈੱਕ 'ਤੇ ਵਾਹਨ ਚਾਲਕ ਦਾ ਨਾਮ, ਲਾਈਸੈਂਸ ਅਤੇ ਘਰ ਦੇ ਪਤੇ ਬਾਰੇ ਪੁੱਛਿਆ ਜਾ ਸਕਦਾ ਹੈ।
ਜੇਕਰ ਅਫ਼ਸਰ ਨੂੰ ਲਗਦਾ ਹੈ ਕਿ ਵਾਹਨ ਚਾਲਕ ਆਪਣੇ ਹੈਲਥ ਅਥਾਰਿਟੀ ਜ਼ੋਨ ਤੋਂ ਕਿਸੇ ਹੋਰ ਜ਼ੋਨ 'ਚ ਦਾਖਿਲ ਹੋਣ ਜਾ ਰਿਹਾ ਹੈ ਤਾਂ ਉਨ੍ਹਾਂ ਨੂੰ ਅਜਿਹਾ ਨਾ ਕਰਨ ਦੇ ਨਿਰਦੇਸ਼ ਦਿੱਤੇ ਜਾ ਸਕਦੇ ਹਨ।
ਵਾਹਨ ਚਾਲਕ ਤੋਂ ਉਨ੍ਹਾਂ ਦੇ ਯਾਤਰਾ ਕਰਨ ਦੇ ਕਾਰਨ ਬਾਰੇ ਪੁੱਛਿਆ ਜਾ ਸਕਦਾ ਹੈ।
