11.62C Vancouver 11.62C VancouverDec 17, 2022 1:41 AM - Connect News
ਬੀ.ਸੀ. ਆਰ.ਸੀ.ਐਮ.ਪੀ. ਵੱਲੋਂ ਬਰਨਬੀ 'ਚ ਵਾਪਰੀ ਇੱਕ ਘਟਨਾ ਸੰਬੰਧੀ ਇੰਡੀਪੈਂਡੈਂਟ ਇਨਵੈਸਟੀਗੇਸ਼ਨਸ ਆਫਿਸ/ਆਈ.ਆਈ.ਓ. ਆਫ ਬੀ.ਸੀ. ਨੂੰ ਇੱਕ ਆਦਮੀ ਦੀ ਮੌਤ ਸੰਬੰਧੀ ਨੋਟੀਫਾਈ ਕੀਤਾ ਗਿਆ ਹੈ।
ਅੱਜ ਸਵੇਰ ਦੇ ਸਮੇਂ ਕਰੀਬ 5.57 ਵਜੇ ਬਰਨਬੀ ਆਰ.ਸੀ.ਐਮ.ਪੀ. ਨੂੰ ਐਮਰਜੈਂਸੀ ਹੈਲਥ ਸਰਵਿਸਿਸ ਵੱਲੋਂ ਸੱਦਿਆ ਗਿਆ ਸੀ ਅਤੇ ਇੱਕ ਓਵਰਡੋਜ਼ ਹੁੰਦੇ ਵਿਅਕਤੀ ਬਾਰੇ ਜਾਣਕਾਰੀ ਦਿੱਤੀ ਗਈ ਸੀ।
ਕਥਿਤ ਤੌਰ 'ਤੇ ਇਸ ਆਦਮੀ ਦੀ ਨੇੜੇ ਹੀ ਕਿਸੇ ਵਪਾਰ 'ਚ ਇੱਕ ਕਰਮਚਾਰੀ ਨਾਲ ਕੁਝ ਤਕਰਾਰ ਵੀ ਹੋਈ ਸੀ।
ਜਦ ਆਦਮੀ ਨੂੰ ਕਾਬੂ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ ਤਾਂ ਉਸ ਦੀ ਸਿਹਤ ਵਿਗੜ ਗਈ।
ਐਮਰਜੈਂਸੀ ਹੈਲਥ ਸਰਵਿਸਿਸ ਅਤੇ ਐਡਵਾਂਸ ਲਾਈਫ ਸੱਪੋਰਟ ਵੱਲੋਂ ਆਦਮੀ ਨੂੰ ਬਚਾਉਣ ਦੀਆਂ ਕੋਸ਼ਿਸ਼ਾਂ ਨਾਕਾਮ ਰਹੀਆਂ ਅਤੇ ਉਸ ਨੇ ਮੌਕੇ 'ਤੇ ਹੀ ਦਮ ਤੋੜ ਦਿੱਤਾ।
ਆਈ.ਆਈ.ਓ. ਬੀ.ਸੀ. ਵੱਲੋਂ ਜਾਂਚ ਕੀਤੀ ਜਾਵੇਗੀ ਕਿ ਪੁਲਿਸ ਦੇ ਐਕਸ਼ਨ ਦਾ ਆਦਮੀ ਦੀ ਮੌਤ ਨਾਲ ਸੰਬੰਧ ਸੀ ਜਾਂ ਨਹੀਂ।
ਯਾਦ ਰਹੇ ਘਟਨਾ ਤੋਂ ਬਾਅਦ ਇਲਾਕੇ 'ਚ ਵੱਡੀ ਗਿਣਤੀ 'ਚ ਪੁਲਿਸ ਦੀ ਮੌਜੂਦਗੀ ਵੇਖਣ ਨੂੰ ਮਿਲੀ ਸੀ।
