12.98C Vancouver 12.98C VancouverNov 8, 2024 7:38 PM - Connect Newsroom
ਬ੍ਰਿਟਿਸ਼ ਕੋਲੰਬੀਆ ਦੀ ਰੈਸਟੋਰੈਂਟ ਇੰਡਸਟਰੀ ਨੇ ਟਰੂਡੋ ਸਰਕਾਰ ਵਲੋਂ ਅਸਥਾਈ ਵਿਦੇਸ਼ੀ ਕਰਮਚਾਰੀ ਪ੍ਰੋਗਰਾਮ ’ਤੇ ਸਖ਼ਤੀ ਨੂੰ ਲੈ ਕੇ ਚਿੰਤਾ ਜਤਾਈ ਹੈ ਅਤੇ ਕਿਹਾ ਹੈ ਕਿ ਇਸ ਕਦਮ ਨਾਲ ਰੈਸਟੋਰੈਂਟ ਵਿਚ ਖਾਣ-ਪੀਣ ਦੀਆਂ ਕੀਮਤਾਂ ਵਿਚ ਵਾਧਾ ਹੋਵੇਗਾ।
ਦਰਅਸਲ, ਸਰਕਾਰ ਨੇ 6 ਫੀਸਦੀ ਤੋਂ ਵੱਧ ਬੇਰੁਜ਼ਗਾਰੀ ਦਰ ਵਾਲੇ ਇਲਾਕਿਆਂ ਵਿਚ ਘੱਟ ਤਨਖਾਹ ਵਾਲੇ ਅਸਥਾਈ ਵਿਦੇਸ਼ੀ ਕਾਮੇ ਰੱਖਣ ’ਤੇ ਪਾਬੰਦੀ ਲਗਾ ਦਿੱਤੀ ਹੈ ਅਤੇ ਉੱਚ-ਤਨਖ਼ਾਹ ਵਾਲੀ ਧਾਰਾ ਤਹਿਤ ਰੱਖੇ ਜਾਣ ਵਾਲੇ ਅਸਥਾਈ ਕਰਮਚਾਰੀਆਂ ਲਈ ਬੀਸੀ ਵਿਚ ਘੱਟੋ-ਘੱਟ ਪ੍ਰਤੀ ਘੰਟਾ ਮਜ਼ਦੂਰੀ ਵਧਾ ਕੇ 34.62 ਕਰ ਦਿੱਤੀ ਹੈ, ਤਾਂ ਜੋ ਕੈਨੇਡੀਅਨ ਕਾਮਿਆਂ ਨੂੰ ਰੁਜ਼ਗਾਰ ਮਿਲ ਸਕੇ ਪਰ ਬੀਸੀ ਰੈਸਟੋਰੈਂਟ ਅਤੇ ਫੂਡ ਸਰਵਿਸਿਜ਼ ਐਸੋਸੀਏਸ਼ਨ ਦਾ ਕਹਿਣਾ ਹੈ ਕਿ ਰੈਸਟੋਰੈਂਟ ਸੈਕਟਰ ਦੀ ਤਨਖਾਹ ਇਨ੍ਹਾਂ ਤਬਦੀਲੀਆਂ ਨਹੀਂ ਕਰ ਸਕਦਾ।
ਵੈਨਕੂਵਰ ਦੇ ਚਾਈਨਾਟਾਊਨ ਵਿਚ ਸਥਿਤ ਲੋਵਾਈ ਦੇ ਮਾਲਕ ਲੇਵਿਸ ਹਾਰਟ ਨੇ ਕਿਹਾ ਕਿ ਸਾਨੂੰ ਤਨਖਾਹਾਂ ਕਾਰਨ ਵਧੀ ਲਾਗਤ ਗਾਹਕਾਂ ਨੂੰ ਪਾਸ ਕਰਨੀ ਪਵੇਗੀ ਅਤੇ ਮੈਨੂੰ ਕੋਈ ਹੈਰਾਨੀ ਨਹੀਂ ਹੋਵੇਗੀ ਜੇ ਅਗਲੇ 6 ਮਹੀਨਿਆਂ ਵਿਚ ਬਰਗਰ ਹੀ $30 ਦਾ ਦੇਖਣ ਨੂੰ ਮਿਲੇ।
