15.56C Vancouver 15.56C VancouverJun 26, 2021 12:43 AM -
ਬੀ.ਸੀ. ਸੁਪ੍ਰੀਮ ਕੋਰਟ ਦੇ ਇੱਕ ਜੱਜ ਦਾ ਕਹਿਣਾ ਹੈ ਕਿ ਉਹ 7 ਜੁਲਾਈ ਨੂੰ ਉਸ ਮਾਮਲੇ 'ਚ ਸਜ਼ਾ ਸੁਣਾਵੇਗੀ ਜਿਸ ਦੌਰਾਨ ਐਬਟਸਫੋਰਡ ਦੇ ਇੱਕ ਸਕੂਲ 'ਚ 2 ਲੜਕੀਆਂ 'ਤੇ ਚਾਕੂ ਨਾਲ ਹਮਲਾ ਹੋਇਆ ਸੀ।
ਇਸ ਹਮਲੇ 'ਚ ਇੱਕ ਪੀੜਤ ਦੀ ਮੌਤ ਹੋ ਗਈ ਸੀ।
ਇਸ ਮਾਮਲੇ 'ਚ ਗੈਬਰੀਅਲ ਕਲੇਨ ਨੂੰ ਸੈਕਿੰਡ ਡਿਗਰੀ ਕਤਲ ਦਾ ਦੋਸ਼ੀ ਪਾਇਆ ਜਾ ਚੁੱਕਿਆ ਹੈ।
ਉਸ ਨੂੰ 13 ਸਾਲਾ ਲਤੀਸ਼ਾ ਰੇਮਰ ਦੇ ਕਤਲ ਦਾ ਦੋਸ਼ੀ ਅਤੇ ਉਸ ਦੀ ਦੋਸਤ 'ਤੇ ਹਮਲੇ ਦਾ ਦੋਸ਼ੀ ਪਾਇਆ ਗਿਆ ਹੈ।
ਕਤਲ ਦਾ ਦੋਸ਼ੀ ਪਾਏ ਜਾਣ ਨਾਲ ਉਮਰ ਕੈਦ ਹੋਣਾ ਤੈਅ ਹੈ ਪਰ ਜੱਜ ਨੇ ਇਹ ਫੈਸਲਾ ਕਰਨਾ ਹੈ ਕਿ ਕਲੇਨ ਨੂੰ ਪੈਰੋਲ ਲਈ ਕਦੋਂ ਐਲੀਜੀਬਲ ਮੰਨਿਆ ਜਾ ਸਕਦਾ ਹੈ।
ਡਿਫੈਂਸ ਦਾ ਕਹਿਣਾ ਹੈ ਕਿ ਕਲੇਨ ਨੂੰ 12 ਸਾਲ ਬਾਅਦ ਪੈਰੋਲ ਦੀ ਇਜਾਜ਼ਤ ਹੋਣੀ ਚਾਹੀਦੀ ਹੈ ਪਰ ਕਰਾਊਨ ਦਾ ਕਹਿਣਾ ਹੈ ਕਿ 18 ਸਾਲ ਤਕ ਪੈਰੋਲ ਦੀ ਇਜਾਜ਼ਤ ਨਹੀਂ ਹੋਣੀ ਚਾਹੀਦੀ।
