13.86C Vancouver 13.86C VancouverOct 5, 2022 12:23 AM - The Canadian Press
ਬੀ.ਸੀ. ਦੇ ਡੌਸਨ ਕਰੀਕ ਇਲਾਕੇ 'ਚ 2 ਔਰਤਾਂ ਨਾਲ ਰਿੱਛ ਦੇ ਹਮਲੇ ਸੰਬੰਧੀ ਭਿਆਨਕ ਘਟਨਾ ਵਾਪਰ ਗਈ ਹੈ।
ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ 2 ਔਰਤਾਂ ਨੂੰ ਰਿੱਛ ਦੇ ਹਮਲੇ 'ਚ ਜਾਨਲੇਵਾ ਸੱਟਾਂ ਲੱਗੀਆਂ ਹਨ।
ਪਹਿਲਾਂ ਰਿੱਛ ਨੇ ਇੱਕ ਪਰਿਵਾਰ 'ਤੇ ਹਮਲਾ ਕਰ ਦਿੱਤਾ ਅਤੇ ਫਿਰ ਮੌਕੇ 'ਤੇ ਪਹੁੰਚੇ ਅਫਸਰਾਂ ਨੂੰ ਪੀੜਤਾਂ ਤਕ ਪਹੁੰਚਣ ਤੋਂ ਅੜਿੱਕਾ ਪੇਸ਼ ਕੀਤਾ।
ਬੀ.ਸੀ. ਕੰਜ਼ਰਵੇਸ਼ਨ ਆਫਿਸਰ ਸਰਵਿਸ ਦਾ ਕਹਿਣਾ ਹੈ ਕਿ 4 ਲੋਕਾਂ ਦਾ ਪਰਿਵਾਰ ਹਾਈਕਿੰਗ ਲਈ ਗਿਆ ਸੀ ਅਤੇ ਜਦ ਇੱਕ ਰਿੱਛ ਉਨ੍ਹਾਂ ਵੱਲ ਵਧਿਆ ਤਾਂ ਉਨ੍ਹਾਂ ਭੱਜ ਕੇ ਬਚਣ ਦੀ ਕੋਸ਼ਿਸ਼ ਕੀਤੀ।
ਇਸੇ ਦੌਰਾਨ ਰਿੱਛ ਨੇ 2 ਔਰਤਾਂ 'ਤੇ ਹਮਲਾ ਕੀਤਾ ਅਤੇ ਫਿਰ ਇੱਕ ਟੀਨੇਜਰ ਲੜਕੇ ਨੂੰ ਵੀ ਜਖਮੀ ਕਰ ਦਿੱਤਾ।
ਪੁਲਿਸ ਮੌਕੇ 'ਤੇ ਪਹੁੰਚੀ ਤਾਂ ਉਨ੍ਹਾਂ 30 ਸਾਲ ਅਤੇ 48 ਸਾਲ ਦੀਆਂ 2 ਔਰਤਾਂ ਨੂੰ ਬੁਰੀ ਤਰ੍ਹਾਂ ਜਖਮੀ ਪਾਇਆ।
ਰਿੱਛ ਮੌਕੇ ਤੋਂ ਜਾ ਨਹੀਂ ਰਿਹਾ ਸੀ ਅਤੇ ਉਸ ਨੂੰ ਢੇਰ ਕਰ ਦਿੱਤਾ ਗਿਆ।
ਇੱਕ ਔਰਤ ਨੂੰ ਏਅਰਲਿਫਟ ਕਰ ਹਸਪਤਾਲ ਪਹੁੰਚਾਇਆ ਗਿਆ ਅਤੇ 2 ਹੋਰ ਪੀੜਤਾਂ ਨੂੰ ਡੌਸਨ ਕਰੀਕ ਦੇ ਹਸਪਤਾਲ ਪਹੁੰਚਾਇਆ ਗਿਆ।
