12.42C Vancouver 12.42C VancouverJun 24, 2021 9:10 PM -
ਕਰਾਊਨ ਇੰਡੀਜਨਸ ਰਿਲੇਸ਼ਨਸ ਮੰਤਰੀ ਕੈਰੋਲੀਨ ਬੈਨੇਟ ਨੇ ਇੰਡੀਪੈਂਡੈਂਟ ਐਮ.ਪੀ. ਜੋਡੀ ਵਿਲਸਨ ਰੇਬੋਲਡ ਤੋਂ ਮੁਆਫੀ ਮੰਗੀ ਹੈ।
ਅੱਜ ਬੀ.ਸੀ. ਦੀ ਮੈਂਬਰ ਆਫ ਪਾਰਲੀਅਮੈਂਟ ਨੂੰ ਇੱਕ ਵਿਅੰਗ ਭਰਿਆ ਟੈਕਸਟ ਕਰਨ ਤੋਂ ਬਾਅਦ ਉਨ੍ਹਾਂ ਮੁਆਫੀ ਮੰਗੀ ਹੈ।
ਬੈਨੇਟ ਨੇ ਇੱਕੋ ਸ਼ਬਦ ਦੇ ਟੈਕਸਟ ਵਿੱਚ ਲਿਖਿਆ ਸੀ, "ਪੈਨਸ਼ਨ" ਜਿਸ ਦੇ ਨਾਲ ਸਵਾਲੀਆ ਚਿੰਨ ਲਗਾਇਆ ਗਿਆ ਸੀ।
ਵਿਲਸਨ ਰੇਬੋਲਡ ਦੀ ਫੈਡਰਲ ਇਲੈਕਸ਼ਨ ਵਿੱਚ ਨਾ ਜਾਣ ਅਤੇ ਅਨਮਾਰਕਡ ਗ੍ਰੇਵਸ ਦੇ ਮਾਮਲੇ 'ਚ ਵਧਰੇ ਠੋਸ ਕਦਮ ਚੁੱਕਣ ਦੀ ਪ੍ਰਧਾਨ ਮੰਤਰੀ ਨੂੰ ਕੀਤੀ ਗਈ ਮੰਗ 'ਤੇ ਰਿਸਪਾਂਸ ਵਿੱਚ ਇਹ ਟੈਕਸਟ ਕੀਤਾ ਗਿਆ ਸੀ।
ਜੇਕਰ ਫੈਡਰਲ ਚੋਣਾਂ ਹੋ ਜਾਂਦੀਆਂ ਹਨ ਅਤੇ ਵਿਲਸਨ ਰੇਬੋਲਡ ਦੀ ਚੋਣ ਨਹੀਂ ਹੁੰਦੀ ਹੈ ਤਾਂ ਵਿਲਸਨ ਰੇਬੋਲਡ 6 ਸਾਲ ਦਾ ਸਮਾਂ ਪੂਰਾ ਨਹੀਂ ਕਰ ਸਕੇਗੀ ਜੋ ਕਿ ਪਾਰਲੀਅਮੈਂਟਰੀ ਪੈਨਸ਼ਨ ਲਈ ਜ਼ਰੂਰੀ ਹੈ।
ਵਿਲਸਨ ਰੇਬੋਲਡ ਨੇ ਬੈਨੇਟ ਦੇ ਮੈਸੇਜ ਨੂੰ ਨਸਲਵਾਦੀ ਦੱਸਿਆ।
ਹਾਲਾਂਕਿ ਬੈਨੇਟ ਦਾ ਕਹਿਣਾ ਹੈ ਕਿ ਉਨ੍ਹਾਂ ਸਿੱਧੇ ਤੌਰ 'ਤੇ ਵਿਲਸਨ ਰੇਬੋਲਡ ਤੋਂ ਆਪਣੀ ਬੇਲੋੜੀ ਟਿੱਪਣੀ ਲਈ ਮੁਆਫੀ ਮੰਗੀ ਹੈ।
