18.33C Vancouver 18.33C VancouverNov 9, 2020 6:31 PM -
ਅਮਰੀਕਾ 'ਚ ਪ੍ਰੈਜ਼ੀਡੈਂਟ ਇਲੈਕਟ, ਜੋ ਬਾਈਡਨ ਨੇ ਅੱਜ ਡੈਲਾਵੇਅਰ 'ਚ ਦੇਸ਼ ਨੂੰ ਸੰਬੋਧਨ ਕਰਦੇ ਹੋਏ ਦੱਸਿਆ ਕਿ ਕੋਵਿਡ-19 ਟਾਸਕ ਫੋਰਸ ਦਾ ਗਠਨ ਕਰ ਦਿੱਤਾ ਗਿਆ ਹੈ।
ਉਨ੍ਹਾਂ ਦੇਸ਼ਵਾਸੀਆਂ ਨੂੰ ਮਾਸਕ ਪਹਿਨਣਾ ਜਾਰੀ ਰੱਖਣ ਦੀ ਸਲਾਹ ਦਿੱਤੀ।
ਬਾਈਡਨ ਨੇ ਕਿਹਾ ਕਿ ਫਾਈਜ਼ਰ ਵੱਲੋਂ ਮਿਲੀ ਵੈਕਸੀਨ ਦੀ ਸ਼ੁਰੂਆਤੀ ਕਾਮਯਾਬੀ ਦੀ ਖਬਰ ਬੇਹੱਦ ਚੰਗੀ ਹੈ।
ਪਰ ਬਾਈਡਨ ਨੇ ਆਪਣੇ ਨਵੇਂ ਕੋਰੋਨਾ ਵਾਇਰਸ ਐਡਵਾਈਜ਼ਰੀ ਬੋਰਡ ਨਾਲ ਬੈਠਕ ਤੋਂ ਬਾਅਦ, ਦੇਸ਼ਵਾਸੀਆਂ ਨੂੰ ਕਿਹਾ ਕਿ ਫ਼ਿਲਹਾਲ ਠੰਡ ਦੀ ਰੁੱਤ ਦੀ ਚੇਤਾਵਨੀ ਸਾਹਮਣੇ ਖੜੀ ਹੈ।
ਜੋ ਬਾਈਡਨ ਨੇ ਅੱਜ ਕੋਵਿਡ-19 ਐਡਵਾਈਜ਼ਰੀ ਬੋਰਡ ਵੀ ਐਲਾਨਿਆ ਅਤੇ ਨਾਲ ਹੀ ਕੋਵਿਡ-19 ਪ੍ਰਤੀ ਸਾਇੰਟਿਫਿਕ ਐਪਰੋਚ ਦਾ ਵਾਅਦਾ ਕੀਤਾ ਹੈ।
ਉਨ੍ਹਾਂ ਕਿਹਾ ਕਿ ਜ਼ਰੂਰੀ ਹੈ ਕਿ ਮਾਸਕ ਪਹਿਨਣ ਜਾਂ ਸੋਸ਼ਲ ਡਿਸਟੈਨਸਿੰਗ ਦੀ ਪ੍ਰੀਕਿਰਿਆ 'ਚ ਢਿੱਲ ਨਾ ਵਰਤੀ ਜਾਵੇ।
ਬਾਈਡਨ ਨੇ ਕਿਹਾ ਕਿ ਜੇਕਰ ਫਾਈਜ਼ਰ ਦੀ ਵੈਕਸੀਨ ਨੂੰ ਐਪਰੂਵਲ ਮਿਲ ਜਾਂਦਾ ਹੈ, ਤਾਂ ਵੀ ਕਈ ਮਹੀਨੇ ਦਾ ਸਮਾਂ ਲਗ ਸਕਦਾ ਹੈ, ਜਦ ਤੱਕ ਇਹ ਵੈਕਸੀਨ ਸਭ ਲਈ ਉਪਲਬਧ ਹੋ ਸਕੇ।
