18.88C Vancouver 18.88C VancouverJun 16, 2021 7:39 PM -
ਅਮਰੀਕਾ ਦੇ ਰਾਸ਼ਟਰਪਤੀ ਜੋ ਬਾਈਡਨ ਅਤੇ ਰੂਸ ਦੇ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਦੀ ਬੈਠਕ ਹੋਈ ਹੈ।
ਜਿਨੀਵਾ 'ਚ ਹੋਈ ਇਸ ਬੈਠਕ ਬਾਰੇ ਅਮਰੀਕੀ ਰਾਸ਼ਟਰਪਤੀ ਨੇ ਕਿਹਾ ਹੈ ਕਿ ਉਨ੍ਹਾਂ ਸਾਈਬਰ ਸਿਕਿਉਰਿਟੀ ਅਤੇ ਆਰਮਸ ਕੰਟਰੋਲ ਜਿਹੇ ਮਸਲਿਆਂ 'ਤੇ ਚਰਚਾ ਕੀਤੀ ਹੈ।
ਬਾਈਡਨ ਨੇ ਦੱਸਿਆ ਕਿ ਸੀਰੀਆ ਦੇ ਮਾਨਵਤਾਵਾਦੀ ਸੰਕਟ 'ਤੇ ਵੀ ਚਰਚਾ ਹੋਈ ਹੈ।
ਇਸ ਤੋਂ ਇਲਾਵਾ ਅੱਤਵਾਦ ਸੰਬੰਧੀ ਵੀ ਗੱਲਬਾਤ ਹੋਈ।
ਹਾਲਾਂਕਿ ਬਾਈਡਨ ਨੇ ਇਹ ਵੀ ਕਿਹਾ ਕਿ ਬੀਤੇ ਕੁਝ ਸਮੇਂ 'ਚ ਦੋਵੇਂ ਦੇਸ਼ਾਂ ਵਿਚਾਲੇ ਜਿਸ ਪ੍ਰਕਾਰ ਦਾ ਮਾਹੌਲ ਰਿਹਾ ਹੈ ਉਸ ਦੇ ਵਿਪਰੀਤ ਅੱਜ ਦੀ ਗੱਲਬਾਤ ਬੇਹੱਦ ਚੰਗੇ ਢੰਗ ਨਾਲ ਸਿਰੇ ਚੜ੍ਹੀ ਹੈ।
ਉਨ੍ਹਾਂ ਕਿਹਾ ਕਿ ਜੇਕਰ ਕਿਸੇ ਗੱਲ 'ਤੇ ਪੁਤਿਨ ਨੂੰ ਲੱਗਿਆ ਕਿ ਉਹ ਅਸਹਿਮਤ ਹਨ ਤਾਂ ਉਨ੍ਹਾਂ ਨੇ ਚੰਗੇ ਢੰਗ ਨਾਲ ਦੱਸਿਆ ਅਤੇ ਅਜਿਹਾ ਹੀ ਉਨ੍ਹਾਂ ਖੁਦ ਵੀ ਕੀਤਾ।
ਪੁਤਿਨ ਨੇ ਵੀ ਕਿਹਾ ਹੈ ਕਿ ਅੱਜ ਦੀ ਗੱਲਬਾਤ ਬੇਹੱਦ ਕੰਸਟ੍ਰਕਟਿਵ ਰਹੀ ਹੈ।
ਪੁਤਿਨ ਨੇ ਦੱਸਿਆ ਕਿ ਦੋਵਾਂ ਦੇਸ਼ਾਂ ਨੇ ਆਪਣੇ ਅੰਬੈਸਡਰਾਂ ਨੂੰ ਉਨ੍ਹਾਂ ਦੀਆਂ ਪੋਸਟਸ 'ਤੇ ਵਾਪਿਸ ਭੇਜਣ 'ਤੇ ਸਹਿਮਤੀ ਬਣਾਈ ਹੈ ਜਿਸ ਨਾਲ ਦੋਵਾਂ ਦੇਸ਼ਾਂ ਵਿਚਾਲੇ ਜਾਰੀ ਤਣਾਅ ਨੂੰ ਕੁਝ ਘਟਾਇਆ ਜਾ ਸਕੇ।
ਅੱਜ ਬਾਈਡਨ ਨੇ ਕਿਹਾ ਕਿ ਉਨ੍ਹਾਂ ਲਈ ਪੁਤਿਨ ਨੂੰ ਆਹਮੋ-ਸਾਹਮਣੇ ਮਿਲਣਾ ਬੇਹੱਦ ਅਹਿਮ ਸੀ ਤਾਂ ਜੋ ਦੋਵਾਂ ਵਿਚਾਲੇ ਦੇ ਸੰਵਾਦ 'ਚ ਕੋਈ ਗਲਤਫਹਿਮੀ ਨਾ ਰਹਿ ਜਾਵੇ।
