18.33C Vancouver 18.33C VancouverNov 7, 2020 5:55 PM -
ਪੈਨਸਿਲਵੇਨੀਆ ਵਿੱਚ ਜਿੱਤ ਹਾਸਲ ਹੋਣ ਸਦਕਾ ਡੈਮੋਕਰੈਟ ਉਮੀਦਵਾਰ ਜੋ ਬਾਈਡਨ, 270 ਏਲੈਕਟੋਰਲ ਵੋਟਾਂ ਦਾ ਅੰਕੜਾ ਪਾਰ ਕਰਕੇ, ਅਮਰੀਕਾ ਦੇ 46ਵੇਂ ਰਾਸ਼ਟਰਪਤੀ ਬਣਨ ਜਾ ਰਹੇ ਹਨ।
ਬਾਈਡਨ ਐਰੀਜ਼ੋਨਾ, ਵਿਸਕੌਨਸਿਨ ਅਤੇ ਮਿਸ਼ੀਗਨ ਵਿੱਚ ਵੀ ਜਿੱਤ ਹਾਸਲ ਕਰਨ ਵਿੱਚ ਕਾਮਯਾਬ ਰਹੇ ਹਨ। ਜ਼ਿਕਰਯੋਗ ਹੈ ਕਿ 2016 ਵਿੱਚ ਇਹਨਾਂ ਰਾਜਾਂ ਨੇ ਡੌਨਲਡ ਟ੍ਰੰਪ ਦੇ ਹੱਕ ਵਿੱਚ ਵੋਟ ਪਾਈ ਸੀ।
ਟ੍ਰੰਪ ਦੇ ਦੋਬਾਰਾ ਰਾਸ਼ਟਰਪਤੀ ਬਣਨ ਲਈ, ਉਹਨਾਂ ਲਈ ਪੈਨਸਿਲਵੇਨੀਆ ਵਿੱਚ ਹਰ-ਹਾਲ ਵਿੱਚ ਜਿੱਤ ਜ਼ਰੂਰੀ ਸੀ।
77 ਵਰ੍ਹਿਆਂ ਦੇ ਜੋ ਬਾਈਡਨ ਦਾ ਜਨਮ ਸਕ੍ਰੈਂਟਨ, ਪੈਨਸਿਲਵੇਨੀਆ ਵਿੱਚ ਹੋਇਆ ਸੀ ਅਤੇ ਡੌਨਲਡ ਟ੍ਰੰਪ ਦੀ ਧਨਾਢ ਵਿਅਕਤੀ ਦੀ ਛਵੀ ਦੇ ਮੁਕਾਬਲੇ ਉਹਨਾਂ ਨੇ ਚੋਣ ਮੁਹਿੰਮ ਦੌਰਾਨ ਆਪਣੇ ਆਪ ਨੂੰ ਸਕ੍ਰੈਂਟਨ ਦੇ ਇੱਕ ਵਰਕਿੰਗ-ਕਲਾਸ ਪੁੱਤ ਵਜੋਂ ਪੇਸ਼ ਕੀਤਾ।
ਚੋਣਾਂ ਵਿੱਚ ਵੋਟਿੰਗ ਬੰਦ ਹੋਣ ਤੋਂ ਬਾਅਦ, ਵੋਟਾਂ ਦੀ ਗਿਣਤੀ ਵੇਲੇ ਤਿੰਨ ਦਿਨਾਂ ਦੀ ਅਨਿਸ਼ਚਿਤਤਾ ਦੌਰਾਨ, ਡਾਕ ਰਾਹੀਂ ਆਈਆਂ ਵੋਟਾਂ ਰਾਹੀਂ ਭਰਵਾਂ ਹੁੰਗਾਰਾ ਮਿਲਣ ਸਦਕਾ ਆਖਰਕਾਰ, ਬਾਈਡਨ ਨੂੰ ਇਹ ਜਿੱਤ ਹਾਸਲ ਹੋਈ ਹੈ।
1992 ਵਿੱਚ ਜੌਰਜ ਬੁਸ਼ ਸੀਨੀਅਰ ਦੀ ਹਾਰ ਤੋਂ ਬਾਅਦ, ਰੀ-ਏਲੇਕਸ਼ਨ ਹਾਰਨ ਵਾਲੇ ਡੌਨਲਡ ਟ੍ਰੰਪ ਪਹਿਲੇ ਅਮਰੀਕੀ ਰਾਸ਼ਟਰਪਤੀ ਹਨ।
