22.2C Vancouver 22.2C VancouverAug 16, 2021 10:31 PM -
ਅਫਗਾਨਿਸਤਾਨ ਵਿੱਚ ਤਖਤਾ ਪਲਟ ਤੋਂ ਬਾਅਦ ਅਮਰੀਕੀ ਰਾਸ਼ਟਰਪਤੀ ਜੋ ਬਾਈਡਨ ਨੇ ਮਾਮਲੇ 'ਚ ਚੁੱਪੀ ਤੋੜੀ ਹੈ।
ਉਨ੍ਹਾਂ ਕਿਹਾ ਕਿ ਉਹ ਅਫਗਾਨਿਸਤਾਨ ਵਿੱਚੋਂ ਅਮਰੀਕੀ ਫੌਜਾਂ ਨੂੰ ਹਟਾਏ ਜਾਣ ਦੇ ਆਪਣੇ ਫੈਸਲੇ ਦੇ ਨਾਲ ਖੜੇ ਹਨ।
ਉਨ੍ਹਾਂ ਕਿਹਾ ਕਿ ਇਹ ਗਲਤ ਹੋਵੇਗਾ ਕਿ ਅਮਰੀਕੀ ਫੌਜਾਂ ਨੂੰ ਤਾਲੀਬਾਨ ਨਾਲ ਟੱਕਰ ਲੈਣ ਲਈ ਖੜਾ ਕੀਤਾ ਜਾਵੇ ਜਦਕਿ ਅਫਗਾਨ ਫੌਜਾਂ ਅਜਿਹਾ ਕਰਨ ਨੂੰ ਤਿਆਰ ਨਾ ਹੋਣ।
ਬਾਈਡਨ ਨੇ ਕਿਹਾ ਕਿ ਉਨ੍ਹਾਂ ਸਾਹਮਣੇ 2 ਰਸਤੇ ਸਨ ਜਿਸ ਤਹਿਤ ਇੱਕ ਪਾਸੇ ਇੱਕ ਹੋਰ ਦਹਾਕੇ ਲਈ ਹਜ਼ਾਰਾਂ ਦੀ ਗਿਣਤੀ 'ਚ ਅਮਰੀਕੀ ਫੌਜਾਂ ਨੂੰ ਅਫਗਾਨਿਸਤਾਨ ਭੇਜਿਆ ਜਾਂਦਾ ਜਾਂ ਫਿਰ ਅਮਰੀਕੀ ਫੌਜਾਂ ਨੂੰ ਹਟਾਉਣ ਦਾ ਕਰਾਰ ਕੀਤਾ ਜਾਂਦਾ।
ਬਾਈਡਨ ਨੇ ਇਹ ਟਿੱਪਣੀਆਂ ਉਸ ਵੇਲੇ ਕੀਤੀਆਂ ਹਨ ਜਦ ਅਮਰੀਕੀ ਫੌਜਾਂ ਨੂੰ ਹਟਾਏ ਜਾਣ ਤੋਂ ਬਾਅਦ ਦੇਸ਼ 'ਚ ਤਖਤਾ ਪਲਟ ਹੋਇਆ ਹੈ ਅਤੇ ਅੱਜ ਕਾਬੁਲ ਦੇ ਹਵਾਈ ਅੱਡੇ 'ਤੇ ਹਜ਼ਾਰਾਂ ਦੀ ਗਿਣਤੀ ਵਿੱਚ ਲੋਕਾਂ ਨੇ ਹਵਾਈ ਜਹਾਜ਼ 'ਤੇ ਚੜ੍ਹਨ ਦੀ ਕੋਸ਼ਿਸ਼ ਕੀਤੀ।
