18.09C Vancouver 18.09C VancouverNov 10, 2021 5:40 PM - The Canadian Press
ਵ੍ਹਾਈਟ ਹਾਊਸ ਨੇ ਅੱਜ ਐਲਾਨ ਕੀਤਾ ਕਿ ਯੂ ਐਸ ਰਾਸ਼ਟਰਪਤੀ ਜੋ ਬਾਈਡਨ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਅਤੇ ਮੇਕਸਿਕੋ ਦੇ ਰਾਸ਼ਟਰਪਤੀ ਅੰਦਰੇਸ ਮਨਊਏਲ ਲੋਪੇਜ਼ ਨੂੰ ਅਗਲੇ ਵੀਰਵਾਰ ਵਾਸ਼ਿੰਗਟਨ ਵਿੱਚ ਹੋਸਟ ਕਰਨਗੇ।
2016 ਵਿੱਚ ਹੋਈ ਉਤਰੀ ਅਮੇਰਿਕਾ ਦੇ ਲੀਡਰਸ ਦੀ ਮੀਟਿੰਗ ਤੋਂ ਬਾਅਦ ਪਹਿਲੀ ਵਾਰ ਇਹ ਲੀਡਰਸ ਇੱਕ ਦੂਸਰੇ ਦੇ ਮੁਖਾਤਿਬ ਹੋਣਗੇ।
ਜਨਵਰੀ ਵਿੱਚ ਬਾਈਡਨ ਦੇ ਰਾਸ਼ਟਰਪਤੀ ਬਣਨ ਤੋਂ ਬਾਅਦ ਟਰੂਡੋ ਦਾ ਇਹ ਯੂ ਐਸ ਦਾ ਪਹਿਲਾ ਦੌਰ ਵੀ ਹੋਵੇਗਾ।
ਵ੍ਹਾਈਟ ਹਾਊਸ ਵੱਲੋਂ ਜਾਰੀ ਜਾਣਕਾਰੀ ਦੇ ਮੁਤਾਬਿਕ 18 ਨਵੰਬਰ ਨੂੰ ਹੋਣ ਵਾਲੀ ਇਸ ਮੀਟਿੰਗ ਵਿੱਚ ਤਿਨੋਂ ਲੀਡਰਸ ਕੈਨੇਡਾ, ਯੂ ਐਸ ਅਤੇ ਮੇਕਸਿਕੋ ਨਾਲ ਜੁੜੇ ਕਈ ਮੁੱਦਿਆਂ ਤੇ ਚਰਚਾ ਕਰਨਗੇ।
ਇਹਨਾਂ ਵਿੱਚ ਕੋਵਿਡ 19 ਮਹਾਂਮਾਰੀ, ਵਾਤਾਵਰਣ ਵਿੱਚ ਆ ਰਹੀ ਤਬਦੀਲੀ ਅਤੇ ਮਾਈਗਰੇਸ਼ਨ ਅਹਿਮ ਮੁੱਦੇ ਰਹਿਣਗੇ।
