20.55C Vancouver 20.55C VancouverJun 30, 2022 8:33 PM - The Canadian Press
ਅੱਜ ਬੀ.ਸੀ. ਫੈਰੀਸ ਦੀ ਨਨਾਈਮੋ ਅਤੇ ਵੈਸਟ ਵੈਨਕੂਵਰ ਵਿਚਾਲੇ ਦੀਆਂ ਕੁਝ ਸੇਲਿੰਗਸ ਰੱਦ ਹੋਣ ਕਾਰਨ ਉਡੀਕ 'ਚ ਖੜੇ ਲੋਕਾਂ ਦੀਆਂ ਕਤਾਰਾਂ ਹਾਈਵੇਅ 99 ਤਕ ਪਹੁੰਚਣ ਦੀ ਜਾਣਕਾਰੀ ਉਜਾਗਰ ਹੋਈ ਹੈ।
ਮੀਡੀਆ ਰਿਪੋਰਟਸ ਅਨੁਸਾਰ ਮੌਕੇ 'ਤੇ ਉਡੀਕ ਕਰਦੇ ਯਾਤਰੀਆਂ ਦੀਆਂ ਕਤਾਰਾਂ ਸਵੇਰ 6 ਵਜੇ ਤੋਂ ਬਾਅਦ ਹੀ ਲੱਗਣ ਲਗ ਗਈਆਂ ਸਨ।
ਬੀ.ਸੀ. ਫੈਰੀਸ ਦਾ ਕਹਿਣਾ ਹੈ ਕਿ ਨਨਾਈਮੋ ਅਤੇ ਵੈਸਟ ਵੈਨਕੂਵਰ ਵਿਚਾਲੇ ਕੁਝ ਫੈਰੀ ਯਾਤਰਾਵਾਂ ਰੱਦ ਕੀਤੀਆਂ ਜਾ ਰਹੀਆਂ ਹਨ।
ਬੀ.ਸੀ. ਫੈਰੀਸ ਅਨੁਸਾਰ ਕਵੀਨ ਆਫ ਐਲਬਰਨੀ ਨੂੰ ਅੱਜ ਸੇਵਾ ਤੋਂ ਹਟਾਉਣਾ ਪੈ ਰਿਹਾ ਹੈ।
ਇਸ ਜਹਾਜ ਨਾਲ ਸੰਬੰਧਤ ਮਰੱਮਤ ਦੇ ਕੰਮ ਨੂੰ ਜਰੂਰੀ ਦੱਸਿਆ ਗਿਆ ਹੈ ਅਤੇ ਆਸਾਰ ਹਨ ਕਿ ਸ਼ੁੱਕਰਵਾਰ ਨੂੰ ਵੀ ਫੈਰੀ ਸੇਵਾ ਪ੍ਰਭਾਵਿਤ ਹੋ ਸਕਦੀ ਹੈ।
ਅਜਿਹੇ 'ਚ ਕੁਝ ਹੋਰ ਟਰਮਿਨਲਸ 'ਤੇ ਫੈਰੀ ਸੇਵਾ ਲਈ ਪਹੁੰਚਣ ਵਾਲੇ ਯਾਤਰੀਆਂ ਕਾਰਨ ਭੀੜ ਲੱਗਣ ਦੇ ਆਸਾਰ ਵੀ ਬਣ ਗਏ ਹਨ।
ਅੱਜ ਕਵੀਨ ਆਫ ਐਲਬਰਨੀ ਦੀ ਡਿਪਾਰਚਰ ਬੇਅ ਤੋਂ ਸਵੇਰ 7.40, ਦੁਪਹਿਰ 12.25, ਸ਼ਾਮ 5 ਅਤੇ ਦੇਰ ਸ਼ਾਮ 9.30 ਵਜੇ ਦੀ ਸੇਲਿੰਗ ਰੱਦ ਕੀਤੀ ਗਈ ਹੈ।
ਇਸ ਤੋਂ ਇਲਾਵਾ ਇਸੇ ਜਹਾਜ ਦੀ ਹੌਰਸਸ਼ੂ ਬੇਅ ਤੋਂ ਡਿਪਾਰਚਰ ਬੇਅ ਲਈ ਸਵੇਰ 10, ਦੁਪਹਿਰ 2.45, ਸ਼ਾਮ 7.20 ਅਤੇ ਰਾਤ 11.40 ਵਜੇ ਦੀ ਸੇਲਿੰਗ ਰੱਦ ਕੀਤੀ ਗਈ ਹੈ।
