14.57C Vancouver 14.57C VancouverJul 27, 2021 9:31 PM -
ਅਮਰੀਕਾ ਦੀ ਨਾਮੀ ਜਿਮਨਾਸਟ ਸੀਮੋਨ ਬਾਈਲਸ ਨੇ ਓਲੰਪਿਕਸ ਵਿੱਚੋਂ ਹਟਣ ਦਾ ਫੈਸਲਾ ਲਿਆ ਹੈ।
ਬਾਈਲਸ ਨੂੰ ਓਲੰਪਿਕ ਇਤਿਹਾਸ ਦੀ ਸਭ ਤੋਂ ਬੇਹਤਰੀਨ ਜਿਮਨਾਸਟਸ ਵਿੱਚ ਗਿਣਿਆ ਜਾਂਦਾ ਹੈ।
ਬਾਈਲਸ ਦਾ ਕਹਿਣਾ ਹੈ ਕਿ ਉਹ ਆਪਣੀ ਮਾਨਸਿਕ ਸਿਹਤ ਕਾਰਨ ਓਲੰਪਿਕਸ ਤੋਂ ਹਟਣ ਦਾ ਫੈਸਲਾ ਲੈ ਰਹੀ ਹੈ।
ਉਨ੍ਹਾਂ ਕਿਹਾ ਕਿ ਓਲੰਪਿਕਸ ਤੋਂ ਪਹਿਲਾਂ ਉਸ ਨੂੰ ਲੱਗਿਆ ਸੀ ਕਿ ਉਹ ਖੇਡਾਂ ਦਾ ਦਬਾਅ ਝੱਲਣ ਲਈ ਤਿਆਰ ਹੈ ਪਰ ਹੁਣ ਉਸ ਨੂੰ ਇਹ ਦਬਾਅ ਲੋੜ ਨਾਲੋਂ ਵਧੇਰੇ ਜਾਪ ਰਿਹਾ ਹੈ ਅਤੇ ਉਹ ਇਸ ਲਈ ਤਿਆਰ ਨਹੀਂ ਹੈ।
ਉਨ੍ਹਾਂ ਕਿਹਾ ਕਿ ਆਪਣੇ ਮਾਨਸਿਕ ਅਤੇ ਸ਼ਰੀਰਕ ਤੰਦਰੁਸਤੀ ਦਾ ਧਿਆਨ ਰੱਖਣਾ ਜ਼ਰੂਰੀ ਹੈ।
24 ਸਾਲਾ ਬਾਈਲਸ ਨੇ ਕਿਹਾ ਕਿ ਹੋਰ ਅਥਲੀਟਾਂ ਨੂੰ ਵੀ ਆਪਣੀ ਮਾਨਸਿਕ ਸਿਹਤ 'ਤੇ ਦਬਾਅ ਬਣਾ ਕੇ ਟੂਰਨਾਮੈਂਟਸ ਵਿੱਚ ਹਿੱਸਾ ਨਹੀਂ ਲੈਣਾ ਚਾਹੀਦਾ ਅਤੇ ਕਿਸੇ ਮੌਕੇ ਲੱਗੇ ਕਿ ਮਾਨਸਿਕ ਸਿਹਤ ਪ੍ਰਭਾਵਿਤ ਹੋ ਰਹੀ ਹੈ ਤਾਂ ਕੁਝ ਸਮਾਂ ਆਰਾਮ ਕਰ ਲੈਣਾ ਚਾਹੀਦਾ ਹੈ।
ਉਨ੍ਹਾਂ ਕਿਹਾ ਕਿ ਉਸ ਨੂੰ ਆਪਣੀ ਸਾਥੀ ਜਿਮਨਾਸਟਸ 'ਤੇ ਭਰੋਸਾ ਹੈ ਅਤੇ ਉਹ ਚੰਗਾ ਪ੍ਰਦਰਸ਼ਨ ਕਰਕੇ ਵਿਖਾਉਣਗੀਆਂ।
ਬਾਈਲਸ ਨੇ ਕਿਹਾ ਕਿ ਉਨ੍ਹਾਂ ਦਾ ਇਹ ਫੈਸਲਾ ਟੀਮ ਲਈ ਵੀ ਚੰਗਾ ਹੈ ਅਤੇ ਟੀਮ 'ਚ ਉਸ ਦੀ ਰਿਪਲੇਸਮੈਂਟ ਲਈ ਚੰਗੇ ਜਿਮਨਾਸਟ ਹਨ।
