10.7C Vancouver 10.7C VancouverNov 9, 2023 6:37 PM - The Canadian Press
ਕੈਨੇਡਾ ਸਰਕਾਰ ਨੇ ਫੈਡਰਲੀ ਨਿਯੰਤ੍ਰਿਤ ਸੈਕਟਰ ਵਿੱਚ ਹੜਤਾਲਾਂ ਦੌਰਾਨ ਰਿਪਲੇਸਮੈਂਟ ਵਰਕਰਾਂ ਨੂੰ ਬੈਨ ਕਰਨ ਲਈ ਵੀਰਵਾਰ ਨੂੰ ਹਾਊਸ ਆਫ ਕਾਮਨਜ਼ ਵਿੱਚ ਬਿੱਲ ਪੇਸ਼ ਕਰ ਦਿੱਤਾ ਹੈ।
ਇਹ ਐੱਨਡੀਪੀ ਨਾਲ ਹੋਏ ਉਸ ਦੇ ਸਮਝੌਤੇ ਦਾ ਹਿੱਸਾ ਹੈ।
ਲੇਬਰ ਮੰਤਰੀ ਸੀਮਸ ਓ ਰੇਗਨ ਨੇ ਕਿਹਾ ਕਿ ਬਿੱਲ C-58 ਜੇ ਕਾਨੂੰਨ ਬਣ ਜਾਂਦਾ ਹੈ ਤਾਂ ਹੜਤਾਲ ਜਾਂ ਤਾਲਾਬੰਦੀ ਦੌਰਾਨ ਫੈਡਰਲੀ ਰੈਗੂਲੇਟਿਡ ਵਰਕਪਲੇਸ ਤੇ ਰੁਜ਼ਗਾਰਦਾਤਾ ਕਿਸੇ ਵੀ ਵਿਅਕਤੀ ਦਾ ਕੰਮ ਕਰਨ ਲਈ ਕਿਸੇ ਹੋਰ ਨੂੰ ਹਾਇਰ ਨਹੀਂ ਕਰ ਸਕਣਗੇ, ਅਜਿਹਾ ਕਰਨਾ ਗੈਰਕਾਨੂੰਨੀ ਹੋਵੇਗਾ।
ਇਹ ਕਾਨੂੰਨ ਫੈਡਰਲ ਕਰਾਊਨ ਕਾਰਪੋਰੇਸ਼ਨਾਂ, ਹਵਾਈ ਅੱਡੇ, ਬੰਦਰਗਾਹਾਂ ਅਤੇ ਫੈਡਰਲ ਪਬਲਿਕ ਸਰਵਿਸ ਸਮੇਤ ਵੱਖ-ਵੱਖ ਕੰਮ ਦੀਆਂ ਥਾਵਾਂ 'ਤੇ ਲਾਗੂ ਹੋਵੇਗਾ।
ਸਿਰਫ ਕੁਝ ਖਾਸ ਹਾਲਾਤ ਵਿੱਚ ਹੀ ਸਕੈਬ ਵਰਕਰ ਲਈ ਛੋਟ ਹੋਵੇਗੀ ਪਰ ਜੇ ਯੂਨੀਅਨ ਨੂੰ ਲੱਗਦਾ ਹੈ ਕਿ ਰੁਜ਼ਗਾਰਦਾਤਾ ਰਿਪਲੇਸਮੈਂਟ ਵਰਕਰਾਂ ਦੀ ਵਰਤੋਂ ਨਾਜ਼ਾਇਜ ਕਰ ਰਿਹਾ ਹੈ ਤਾਂ ਇਸ ਦੀ ਸ਼ਿਕਾਇਤ ਕੈਨੇਡਾ ਇੰਡਸਟਰੀਅਲ ਰਿਲੇਸ਼ਨ ਬੋਰਡ ਕੋਲ ਸ਼ਿਕਾਇਤ ਦਰਜ ਕਰਵਾਈ ਜਾ ਸਕਦੀ ਹੈ, ਜੋ ਫਿਰ ਇਸ ਮੁੱਦੇ ਦੀ ਜਾਂਚ ਕਰੇਗਾ।
ਓ ਰੇਗਨ ਨੇ ਕਿਹਾ ਕਿ ਸਰਕਾਰ ਰਿਪਲੇਸਮੈਂਟ ਵਰਕਰਾਂ ਨੂੰ ਬੈਨ ਕਰ ਰਹੀ ਹੈ ਕਿਉਂਕਿ ਸਾਡਾ ਮੰਨਣਾ ਹੈ ਕਿ ਰੁਜ਼ਗਾਰਦਾਤਾ ਅਤੇ ਵਰਕਰਾਂ ਦੇ ਮਸਲੇ ਟੇਬਲ 'ਤੇ ਸਹਿਮਤੀ ਨਾਲ ਹੱਲ ਹੋਣੇ ਚਾਹੀਦੇ ਹਨ।
