22.03C Vancouver 22.03C VancouverJul 14, 2021 7:19 PM -
ਵਿਕਟੋਰੀਆ ਦੇ ਰੋਮਨ ਕੈਥੋਲਿਕ ਡਾਇਓਸਿਜ਼ ਦੇ ਬਿਸ਼ੱਪ ਨੇ ਮੁਆਫੀ ਮੰਗੀ ਹੈ।
ਬੀਤੇ ਕੱਲ ਵੈਨਕੂਵਰ ਆਈਲੈਂਡ 'ਤੇ 160 ਤੋਂ ਵਧੇਰੇ ਅਨਮਾਰਕਡ ਗ੍ਰੇਵਸ ਮਿਲਣ ਤੋਂ ਬਾਅਦ ਬਿਸ਼ੱਪ ਨੇ ਮੁਆਫੀ ਮੰਗੀ ਹੈ।
ਬਿਸ਼ੱਪ ਗੈਰੀ ਗੋਰਡਨ ਨੇ ਕਿਹਾ ਕਿ ਡਾਇਓਸਿਜ਼ ਇਸ ਦੁੱਖ ਦੀ ਘੜੀ 'ਚ ਪੀੜਤਾਂ ਦੇ ਨਾਲ ਹੈ ਅਤੇ ਅਜਿਹੇ ਆਪ੍ਰੇਸ਼ਨ 'ਚ ਆਪਣੀ ਭੂਮਿਕਾ ਲਈ ਮੁਆਫੀ ਮੰਗੀ ਜਾ ਰਹੀ ਹੈ।
ਉਨ੍ਹਾਂ ਇੱਕ ਬਿਆਨ 'ਚ ਕਿਹਾ ਕਿ ਉਹ ਇਸ ਤੋਂ ਉਭਰਨ ਦੀ ਪ੍ਰੀਕਿਰਿਆ 'ਚ ਆਪਣੇ ਯੋਗਦਾਨ ਲਈ ਵਚਨਬੱਧ ਹਨ ਅਤੇ ਇਸ ਭਿਆਨਕ ਇਤਿਹਾਸ ਲਈ ਰੀਕਨਸੀਲੀਏਸ਼ਨ ਅਤੇ ਐਜੂਕੇਸ਼ਨ ਪ੍ਰਦਾਨ ਕਰਨੀ ਜਰੂਰੀ ਹੈ।
ਯਾਦ ਰਹੇ ਇੱਕ ਸਾਬਕਾ ਰੈਜ਼ੀਡੈਂਸ਼ੀਅਲ ਸਕੂਲ ਕੋਲ 160 ਤੋਂ ਵਧੇਰੇ ਅਨਮਾਰਕਡ ਗ੍ਰੇਵਸ ਮਿਲੀਆਂ ਹਨ।
ਪੈਨੇਲਾਕੁਤ ਟ੍ਰਾਈਬ ਨੇ ਇਸ ਦੀ ਪੁਸ਼ਟੀ ਕੀਤੀ ਹੈ।
ਦੱਖਣੀ ਗਲਫ ਆਈਲੈਂਡਸ 'ਤੇ ਸਥਿਤ 'ਕੂਪਰ ਆਈਲੈਂਡ ਇੰਡੀਅਨ ਰੈਜ਼ੀਡੈਂਸ਼ੀਅਲ ਸਕੂਲ ਦੇ ਸਾਲ 1889 ਤੋਂ 1975 ਤਕ ਜਾਰੀ ਰਹਿਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਇਸ ਨੂੰ ਫੈਡਰਲ ਸਰਕਾਰ ਅਤੇ ਰੋਮਨ ਕੈਥੋਲਿਕ ਚਰਚ ਵੱਲੋਂ ਚਲਾਇਆ ਜਾਂਦਾ ਸੀ।
ਇਸ ਇਮਾਰਤ ਨੂੰ 1980 ਦੇ ਦਹਾਕੇ 'ਚ ਢਾਹ ਦਿੱਤਾ ਗਿਆ ਸੀ ਅਤੇ ਸਾਲ 2010 'ਚ ਕੂਪਰ ਆਈਲੈਂਡ ਨੂੰ ਪੈਨੇਲਾਕੁਤ ਦਾ ਨਾਮ ਦਿੱਤਾ ਗਿਆ ਸੀ।
