17.57C Vancouver 17.57C VancouverApr 30, 2025 3:46 PM - The Canadian Press
ਬੀ. ਸੀ. ਦੇ ਵਿਸਲਰ ਵਿਚ ਸੋਮਵਾਰ ਰਾਤ ਇਕ ਔਰਤ ਰਿੱਛ ਦੇ ਹਮਲੇ ਦੀ ਸ਼ਿਕਾਰ ਹੋ ਗਈ,ਜਿਸ ਦਾ ਹਸਪਤਾਲ ਵਿਚ ਇਲਾਜ ਚੱਲ ਰਿਹਾ ਹੈ। ਬੀ.ਸੀ. ਕੰਜ਼ਰਵੇਸ਼ਨ ਅਫਸਰ ਸਰਵਿਸ ਨੇ ਲੋਕਾਂ ਨੂੰ ਅਲਰਟ ਕੀਤਾ ਹੈ ਕਿ ਗਰਮੀ ਵਧਣ ਕਾਰਨ ਰਿੱਛ ਬਾਹਰਲੇ ਇਲਾਕਿਆਂ ਵਿਚ ਘੁੰਮਣਾ ਸ਼ੁਰੂ ਹੋ ਗਏ ਹਨ, ਇਸ ਲਈ ਉਨ੍ਹਾਂ ਨੂੰ ਵਧੇਰੇ ਚੌਕਸ ਰਹਿਣ ਦੀ ਜ਼ਰੂਰਤ ਹੈ।
ਜਾਣਕਾਰੀ ਮੁਤਾਬਕ ਔਰਤ ਵਿਸਲਰ ਕ੍ਰੀਕਸਾਈਡ ਨੇੜਲੇ ਕੇਡਨਵੁੱਡ ਇਲਾਕੇ ਵਿਚ ਰਾਤ ਕਰੀਬ 8.30 ਵਜੇ ਆਪਣੇ ਕੁੱਤੇ ਨੂੰ ਘੁੰਮਾ ਰਹੀ ਸੀ। ਇਸ ਦੌਰਾਨ ਰਿੱਛ ਨੇ ਉਸ 'ਤੇ ਹਮਲਾ ਕੀਤਾ । ਉਸ ਨੂੰ ਜ਼ਖਮੀ ਹਾਲਤ ਵਿਚ ਐਂਬੂਲੈਂਸ ਰਾਹੀਂ ਹਸਪਤਾਲ ਲੈ ਜਾਇਆ ਗਿਆ। ਉਸ ਦੀ ਹਾਲਤ ਖਤਰੇ ਤੋਂ ਬਾਹਰ ਦੱਸੀ ਜਾ ਰਹੀ ਹੈ। ਇਸ ਦੇ ਬਾਅਦ ਰਿੱਛ ਦੀ ਭਾਲ ਕੀਤੀ ਗਈ ਅਤੇ ਜਨਤਕ ਸੁਰੱਖਿਆ ਨੂੰ ਦੇਖਦਿਆਂ ਉਸ ਨੂੰ ਮਾਰ ਦਿੱਤਾ ਗਿਆ।
ਲੋਕਾਂ ਨੂੰ ਅਪੀਲ ਕੀਤੀ ਗਈ ਹੈ ਕਿ ਉਹ ਆਪਣੇ ਪਾਲਤੂ ਜਾਨਵਰਾਂ ਨੂੰ ਘੁੰਮਾਉਣ ਸਮੇਂ ਉਨ੍ਹਾਂ ਨੂੰ ਖੁੱਲ੍ਹਾ ਨਾ ਛੱਡਣ ਅਤੇ ਉੱਚੀ ਆਵਾਜ਼ ਕਰਦੇ ਹੋਏ ਜਾਣ ਤਾਂ ਕਿ ਰਿੱਛ ਉਸ ਇਲਾਕੇ ਵਿਚ ਨਾ ਆਉਣ।
