9.6C Vancouver 9.6C VancouverJun 14, 2021 10:33 AM -
ਕੇਂਦਰੀ ਰਸਾਇਣ ਅਤੇ ਖਾਦ ਮੰਤਰੀ ਡੀਵੀ ਸਦਾਨੰਦ ਗੌੜਾ ਨੇ ਅੱਜ ਸੋਮਵਾਰ ਨੂੰ ਆਖਿਆ ਕਿ ਸੂਬਿਆਂ, ਕੇਂਦਰ ਸ਼ਾਸਿਤ ਪ੍ਰਦੇਸ਼ਾਂ ਅਤੇ ਕੇਂਦਰੀ ਅਦਾਰਿਆਂ ਨੂੰ ਬਲੈਕ ਫੰਗਸ ਦੀ ਦਵਾਈ ਐਮਫੋਟੈਰਿਸਿਨ-ਬੀ ਦੀਆਂ 1,06,300 ਸ਼ੀਸ਼ੀਆਂ ਜਾਰੀ ਕਰ ਦਿੱਤੀਆਂ ਗਈਆਂ ਹਨ।
ਸਦਾਨੰਦ ਗੌੜਾ ਨੇ ਟਵੀਟ ਕਰਕੇ ਦੱਸਿਆ,"ਲਿਪੋਸੋਮਲ #ਐਮਫੋਟੈਰਿਸਿਨ-ਬੀ ਦੀ ਉਪਲਬਧਤਾ ਦੀ ਅਹਿਮੀਅਤ ਨੂੰ ਯਕੀਨੀ ਕਰਦਿਆਂ, ਅੱਜ ਦਵਾਈ ਦੀਆਂ ਵਾਧੂ 106300 ਸ਼ੀਸ਼ੀਆਂ ਸਾਰੇ ਸੂਬਿਆਂ/ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਅਤੇ ਕੇਂਦਰੀ ਅਦਾਰਿਆਂ ਨੂੰ ਵੰਡ ਦਿੱਤੀਆਂ ਗਾਈਂ ਹਨ।"
ਮੰਤਰੀ ਨੇ ਆਖਿਆ ਕਿ ਅੱਜ ਰਵਾਇਤੀ ਐਮਫੋਟੈਰਿਸਿਨ-ਬੀ ਦੀਆਂ ਕੁਲ 53,000 ਸ਼ੀਸ਼ੀਆਂ ਵਿੱਚੋਂ ਸਾਰੇ ਸੂਬਿਆਂ, ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਅਤੇ ਕੇਂਦਰੀ ਅਦਾਰਿਆਂ ਨੂੰ ਵੰਡੀਆਂ ਗਈਆਂ ਹਨ।
ਇੱਕ ਹੋਰ ਟਵੀਟ ਕਰਦਿਆਂ ਉਨ੍ਹਾਂ ਲਿਖਿਆ,"ਅੱਜ ਸਾਰੇ ਸੂਬਿਆਂ, ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਅਤੇ ਕੇਂਦਰੀ ਅਦਾਰਿਆਂ ਨੂੰ ਰਵਾਇਤੀ #ਐਮਫੋਟੈਰਿਸਿਨ-ਬੀ ਦੀਆਂ ਕੁਲ 53,000 ਸ਼ੀਸ਼ੀਆਂ ਜਾਰੀ ਕੀਤੀਆਂ ਗਈਆਂ। #ਰਵਾਇਤੀਐਮਫੋਟੈਰਿਸਿਨ-ਬੀ ਦੀ ਇਹ ਵੰਡ ਇਸਦੀ ਨਿਰਵਿਘਨ ਸਪਲਾਈ ਅਤੇ ਮਰੀਜ਼ਾਂ ਦੇ ਸਮੇਂ ਸਰ ਸਹੀ ਇਲਾਜ ਲਈ ਕੀਤੀ ਜਾ ਰਹੀ ਹੈ।"
ਉਹਨਾਂ ਅੱਗੇ ਆਖਿਆ ਕਿ ਲਿਪੋਸੋਮਲ ਐਮਫੋਟੈਰਿਸਿਨ-ਬੀ ਦੀਆਂ ਵਾਧੂ 9,400 ਸ਼ੀਸ਼ੀਆਂ ਅਤੇ ਰਵਾਇਤੀ ਐਮਫੋਟੈਰਿਸਿਨ-ਬੀ ਦੀਆਂ 4,680 ਸ਼ੀਸ਼ੀਆਂ ਅੱਜ ਕਰਨਾਟਕ ਨੂੰ ਦਿੱਤੀਆਂ ਜਾ ਚੁੱਕੀਆਂ ਹਨ।
"ਲਿਪੋਸੋਮਲ ਐਮਫੋਟੈਰਿਸਿਨ-ਬੀ ਦੀਆਂ ਵਾਧੂ 9,400 ਸ਼ੀਸ਼ੀਆਂ ਅੱਜ ਕਰਨਾਟਕ ਨੂੰ ਜਾਰੀ ਕੀਤੀਆਂ ਜਾ ਚੁੱਕੀਆਂ ਹਨ| ਇਸ ਤਰਾਂ, ਦਵਾਈ ਦੀਆਂ ਕੁਲ 49,870 ਸ਼ੀਸ਼ੀਆਂ, ਸੂਬੇ ਨੂੰ ਦਿੱਤੀਆਂ ਜਾ ਚੁੱਕੀਆਂ ਹਨ। ਇਸ ਦੇ ਨਾਲ ਹੀ, ਰਵਾਇਤੀ ਐਮਫੋਟੈਰਿਸਿਨ-ਬੀ ਦੀਆਂ 4,680 ਸ਼ੀਸ਼ੀਆਂ ਅੱਜ ਕਰਨਾਟਕ ਨੂੰ ਜਾਰੀ ਕੀਤੀਆਂ ਗਈਆਂ ਹਨ,"ਉਹਨਾਂ ਅੱਗੇ ਆਖਿਆ।
ਦੱਸਣਯੋਗ ਹੈ ਕਿ 27 ਮਈ ਨੂੰ, ਕੇਂਦਰ ਸਰਕਾਰ ਵੱਲੋਂ ਪੰਜ ਕੰਪਨੀਆਂ ਨੂੰ ਲਿਪੋਸੋਮਲ ਐਮਫੋਟੈਰਿਸਿਨ-ਬੀ, ਜੋ ਕਿ ਬਲੈਕ ਫੰਗਸ ਜਾਂ ਮਿਊਕੋਰਮਾਇਕੋਸਿਸ ਦੇ ਇਲਾਜ ਲਈ ਵਰਤੀ ਜਾਂਦੀ ਹੈ, ਉਸ ਟੀਕੇ ਦੇ ਉਤਪਾਦਨ ਨੂੰ ਵਧਾਉਣ ਲਈ ਲਾਇਸੈਂਸ ਜਾਰੀ ਕੀਤੇ ਸਨ।
