ਹਰਿਆਣਾ ਵਿੱਚ ਬਲੈਕ ਫੰਗਸ ਅਧਿਕਾਰਿਤ ਬਿਮਾਰੀ ਐਲਾਨ

ਹਰਿਆਣਾ ਦੇ ਸੂਬਾਈ ਸਿਹਤ ਮੰਤਰੀ ਅਨਿਲ ਵਿੱਜ ਨੇ ਅੱਜ ਸ਼ਨੀਵਾਰ ਨੂੰ 'ਬਲੈਕ ਫੰਗਸ' ਨੂੰ ਅਧਿਕਾਰਿਤ ਬਿਮਾਰੀ ਐਲਾਨ ਦਿੱਤਾ ਹੈ।

ਉਨ੍ਹਾਂ ਅੱਗੇ ਆਖਿਆ ਕਿ ਪੋਸਟ ਗਰੈਜੂਏਟ ਇੰਸਟੀਚਿਊਟ ਰੋਹਤਕ ਦੇ ਸੀਨੀਅਰ ਡਾਕਟਰਾਂ ਵੱਲੋਂ ਸੂਬੇ ਦੇ ਸਾਰੇ ਡਾਕਟਰਾਂ ਨਾਲ ਕੋਰੋਨਾਵਾਇਰਸ ਅਤੇ ਇਸਦੇ ਇਲਾਜ ਦੇ ਸੰਦਰਭ ਵਿੱਚ ਇੱਕ ਵੀਡੀਓ ਕਾਨਫਰੰਸ ਕੀਤੀ ਜਾਵੇਗੀ।

ਅਨਿਲ ਵਿਜ ਨੇ ਟਵੀਟ ਕਰਕੇ ਕਿਹਾ,"ਬਲੈਕ ਫੰਗਸ ਨੂੰ ਹਰਿਆਣਾ ਵਿੱਚ ਇੱਕ ਅਧਿਕਾਰਿਤ ਬਿਮਾਰੀ ਐਲਾਨ ਦਿੱਤਾ ਗਿਆ ਹੈ। ਹੁਣ ਡਾਕਟਰਾਂ ਨੂੰ ਕਿਸੇ ਵੀ ਬਲੈਕ ਫੰਗਸ ਦੇ ਮਾਮਲੇ ਦੇ ਮਿਲਣ 'ਤੇ ਜ਼ਿਲੇ ਦੇ ਸੀਐੱਮਓ ਨੂੰ ਸੂਚਿਤ ਕਰਨਾ ਪਵੇਗਾ| ਪੋਸਟ ਗਰੈਜੂਏਟ ਇੰਸਟੀਚਿਊਟ ਰੋਹਤਕ ਦੇ ਸੀਨੀਅਰ ਡਾਕਟਰਾਂ ਵੱਲੋਂ ਸੂਬੇ ਦੇ ਸਾਰੇ ਡਾਕਟਰਾਂ ਨਾਲ ਕੋਰੋਨਾਵਾਇਰਸ ਅਤੇ ਇਸਦੇ ਇਲਾਜ ਦੇ ਸੰਦਰਭ ਵਿੱਚ ਇੱਕ ਵੀਡੀਓ ਕਾਨਫਰੰਸ ਕੀਤੀ ਜਾਵੇਗੀ।"

ਦੱਸਣਯੋਗ ਹੈ ਕਿ ਇਹ ਬਿਮਾਰੀ (ਬਲੈਕ ਫੰਗਸ) ਕੋਵਿਡ-19 ਦੇ ਇਲਾਜ ਵੇਲੇ ਵਰਤੇ ਗਏ ਸਟੀਰੌਇਡ ਕਰਕੇ ਹੋ ਰਹੀ ਹੈ।
ਇਸ ਤੋਂ ਪਹਿਲਾਂ ਓਡੀਸ਼ਾ ਦੀ ਸਰਕਾਰ ਨੇ ਵੀ ਸੂਬੇ ਵਿੱਚ ਅਜਿਹੇ ਮਾਮਲਿਆਂ ਦੀ ਨਿਗਰਾਨੀ ਲਈ ਇੱਕ ਸੱਤ ਮੈਂਬਰੀ ਕਮੇਟੀ ਬਣਾਈ ਹੈ।

ਸੂਬੇ ਦੀਆਂ ਸਿਹਤ ਖਬਰਾਂ ਮੁਤਾਬਕ ਸੂਬੇ ਵਿੱਚ ਕੋਵਿਡ-19 ਦੇ 10,608 ਨਵੇਂ ਮਾਮਲੇ ਮਿਲੇ ਹਨ ਅਤੇ ਬੀਤੇ 24 ਘੰਟਿਆਂ ਵਿੱਚ ਸ਼ੁੱਕਰਵਾਰ ਨੂੰ 164 ਮੌਤਾਂ ਹੋਈਆਂ ਹਨ।