24.44C Vancouver 24.44C VancouverDec 8, 2021 10:37 PM - The Canadian Press
ਸ਼ਿਕਾਗੋ ਬਲੈਕਹੌਕਸ ਦੇ ਫਾਰਵਰਡ ਖਿਡਾਰੀ ਜੁਝਾਰ ਖੈਰਾ ਨੂੰ ਮੰਗਲਵਾਰ ਦੀ ਰਾਤ ਹਸਪਤਾਲ 'ਚ ਗੁਜ਼ਾਰਨੀ ਪਈ।
ਨਿਊ ਯਾਰਕ ਰੇਂਜਰਸ ਨਾਲ ਖੇਡੇ ਗਏ ਮੁਕਾਬਲੇ 'ਚ ਜੈਕਬ ਟਰੂਬਾ ਨੇ ਜੁਝਾਰ ਖੈਰਾ ਨੂੰ ਮੋਢਾ ਮਾਰ ਕੇ ਡੇਗ ਦਿੱਤਾ ਸੀ।
ਨਿਊ ਯਾਰਕ ਰੇਂਜਰਸ ਨੂੰ ਇਸ ਮੁਕਾਬਲੇ 'ਚ 6-2 ਦੇ ਫਰਕ ਨਾਲ ਜਿੱਤ ਹਾਸਿਲ ਹੋਈ।
ਟੀਮ ਫਿਜ਼ਿਸ਼ੀਅਨ ਮਾਈਕਲ ਟੈਰੀ ਨੇ ਕਿਹਾ ਕਿ ਖਹਿਰਾ ਨੂੰ ਬੁੱਧਵਾਰ ਦੀ ਸਵੇਰ ਹਸਪਤਾਲ ਤੋਂ ਜਾਣ ਦੀ ਇਜਾਜਤ ਦੇ ਦਿੱਤੀ ਗਈ।
ਟੈਰੀ ਨੇ ਇੱਕ ਬਿਆਨ 'ਚ ਕਿਹਾ ਕਿ ਇੰਜਰੀ ਬੇਹੱਦ ਜ਼ਬਰਦਸਤ ਸੀ ਪਰ ਇਸ ਦੇ ਬਾਵਜੂਦ ਉਨ੍ਹਾਂ ਦੀ ਪੂਰੀ ਰਿਕਵਰੀ ਦੀ ਆਸ ਹੈ।
ਹਾਲਾਂਕਿ ਉਨ੍ਹਾਂ ਕਿਹਾ ਕਿ ਹਾਲ ਦੀ ਘੜੀ ਇਸ ਸੰਬੰਧੀ ਕੋਈ ਟਾਈਮਲਾਈਨ ਨਹੀਂ ਦਿੱਤੀ ਜਾ ਸਕਦੀ ਕਿ ਉਹ ਫਿਰ ਤੋਂ ਮੈਦਾਨ 'ਤੇ ਕਦ ਵਾਪਸੀ ਕਰ ਪਾਉਣਗੇ।
ਖਹਿਰਾ ਆਪਣੇ ਕੋਲੋਂ ਨਿਕਲਦੇ ਪੱਕ ਵੱਲ ਵੇਖ ਰਹੇ ਸਨ ਜਦ ਅਚਾਨਕ ਉਨ੍ਹਾਂ ਦੇ ਸਾਹਮਣੇ ਤੋਂ ਆਏ ਟਰੂਬਾ ਨੇ ਉਨ੍ਹਾਂ ਦੀ ਠੋਡੀ 'ਚ ਮੋਢਾ ਮਾਰਿਆ।
ਖਹਿਰਾ ਪਿੱਠ ਦੇ ਭਾਰ ਜਮੀਨ 'ਤੇ ਜਾ ਡਿੱਗੇ ਅਤੇ ਉਨ੍ਹਾਂ ਦਾ ਸਿਰ ਵੀ ਬਰਫ 'ਤੇ ਟਕਰਾਉਣ ਤੋਂ ਬਾਅਦ ਬੁੜਕਦਾ ਵਿਖਾਈ ਦਿੱਤਾ।
ਇਸ ਤੋਂ ਬਾਅਦ ਜੁਝਾਰ ਖਹਿਰਾ ਮੁੜ ਪੈਰਾਂ 'ਤੇ ਖੜਾ ਨਹੀਂ ਹੋਇਆ।
ਉਸ ਨੂੰ ਸਟਰੈਚਰ 'ਤੇ ਬਾਹਰ ਲਿਜਾਇਆ ਗਿਆ ਅਤੇ ਫਿਰ ਉਸ ਨੂੰ ਹਸਪਤਾਲ ਪਹੁੰਚਾਇਆ ਗਿਆ।
