10.19C Vancouver 10.19C VancouverJun 18, 2020 10:27 PM -
ਬਲੌਕ ਕੁਬੈਕੁਆ ਦੇ ਲੀਡਰ, ਈਵ ਫ੍ਰਾਂਸੂਆ ਬਲੈਂਚੈਟ ਨੇ ਆਪਣੇ ਇੱਕ ਐਮ.ਪੀ. ਦਾ ਬਚਾਅ ਕੀਤਾ ਹੈ।
ਉਨ੍ਹਾਂ ਆਪਣੀ ਪਾਰਟੀ ਦੇ ਐਮ.ਪੀ. ਨੂੰ ਸਹੀ ਠਿਹਰਾਉਂਦੇ ਹੋਏ ਐਨ.ਡੀ.ਪੀ. ਲੀਡਰ ਜਗਮੀਤ ਸਿੰਘ ਤੋਂ ਕੱਲ ਕੀਤੀਆਂ ਟਿੱਪਣੀਆਂ ਲਈ ਮੁਆਫੀ ਮੰਗਣ ਦੀ ਮੰਗ ਕੀਤੀ ਹੈ।
ਜਗਮੀਤ ਸਿੰਘ ਨੇ ਇੱਕ ਬਲੌਕ ਐਮ.ਪੀ. ਨੂੰ ਨਸਲਵਾਦੀ ਆਖਿਆ ਸੀ।
ਹਾਲਾਂਕਿ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਜਗਮੀਤ ਸਿੰਘ ਦਾ ਬਚਾਅ ਕੀਤਾ ਹੈ, ਅਤੇ ਕਿਹਾ ਹੈ ਕਿ ਜਗਮੀਤ ਸਿੰਘ, ਐਮ.ਪੀ. ਐਲੇਨ ਥੈਰੀਅਨ 'ਤੇ ਟਿੱਪਣੀ ਕਰਦਿਆਂ ਆਪਣੇ ਅਧਿਕਾਰਾਂ ਦੇ ਦਾਇਰੇ ਤੋਂ ਬਾਹਰ ਨਹੀਂ ਗਏ ਸਨ।
ਥੈਰੀਅਨ ਨੇ ਜਗਮੀਤ ਸਿੰਘ ਦੇ ਆਰ.ਸੀ.ਐਮ.ਪੀ, ਸੰਬੰਧੀ ਮਤੇ ਨੂੰ ਸਹਿਯੋਗ ਨਹੀਂ ਦਿੱਤਾ ਸੀ।
ਇਸ ਤੋਂ ਬਾਅਦ ਜਗਮੀਤ ਸਿੰਘ ਨੂੰ ਹਾਊਸ ਤੋਂ ਬਾਹਰ ਕਰ ਦਿੱਤਾ ਗਿਆ ਸੀ।
ਹਾਲਾਂਕਿ ਅੱਜ ਫਿਰ ਜਗਮੀਤ ਸਿੰਘ ਨੇ ਮੁਆਫੀ ਮੰਗਣ ਤੋਂ ਇਨਕਾਰ ਕਰ ਦਿੱਤਾ ਹੈ।
