9.18C Vancouver 9.18C VancouverJun 26, 2025 1:31 PM - The Canadian Press
ਕਿਊਬੈਕ ਦੇ ਨੌਰਥ ਸ਼ੌਰ ਵਿਚ ਇੱਕ ਮੈਡੀਕਲ ਟ੍ਰਾਂਸਪੋਰਟ ਹੈਲੀਕਾਪਟਰ ਦੇ ਹਾਦਸਾਗ੍ਰਸਤ ਹੋਣ ਤੋਂ ਬਾਅਦ ਲਾਪਤਾ ਤਿੰਨ ਲੋਕਾਂ ਦੀਆਂ ਲਾਸ਼ਾਂ ਗੋਤਾਖੋਰਾਂ ਨੇ ਬੁੱਧਵਾਰ ਰਾਤ ਲੇਕ ਵਿਚ ਬਰਾਮਦ ਕੀਤੀਆਂ।ਮਾਂਟਰੀਅਲ-ਖੇਤਰ ਦੀ ਕੰਪਨੀ ਏਅਰਮੈਡੀਕ ਨੇ ਕਿਹਾ ਕਿ ਇਹ ਲਾਸ਼ਾਂ ਵਾਟਸ਼ੀਸ਼ੋ ਝੀਲ ਵਿਚ ਮਿਲੀਆਂ,ਜੋ ਕਿ ਮਾਂਟਰੀਅਲ ਸ਼ਹਿਰ ਤੋਂ 1,000 ਕਿਲੋਮੀਟਰ ਉੱਤਰ-ਪੂਰਬ ਵਿਚ ਸਥਿਤ ਹੈ। ਮਰਨ ਵਾਲਿਆਂ ਵਿਚ ਇੱਕ ਮਰੀਜ਼ ਅਤੇ ਦੋ ਕਰੂ ਮੈਂਬਰ ਸਨ।
ਕੰਪਨੀ ਨੇ ਕਿਹਾ ਕਿ ਪਿਛਲੇ ਸ਼ੁੱਕਰਵਾਰ ਨੂੰ ਜਦੋਂ ਇਹ ਹੈਲੀਕਾਪਟਰ ਹਾਦਸਾਗ੍ਰਸਤ ਹੋਇਆ ਤਾਂ ਚਾਲਕ ਦਲ ਇੱਕ ਮਰੀਜ਼ ਨੂੰ ਲੈ ਕੇ ਜਾ ਰਿਹਾ ਸੀ। ਇਸ ਹਾਦਸੇ ਵਿਚ ਇੱਕ ਕਰੂ ਮੈਂਬਰ ਦੀ ਜਾਨ ਬਚੀ। ਕੰਪਨੀ ਨੇ ਕਿਹਾ ਕਿ ਪਰਿਵਾਰ ਵਲੋਂ ਸਹਿਮਤੀ ਲੈਣ ਤੋਂ ਬਾਅਦ ਕੋਰੋਨਰ ਦਫ਼ਤਰ ਮ੍ਰਿਤਕਾਂ ਦੀ ਪਛਾਣ ਸਾਂਝੀ ਕਰੇਗਾ।
