30.85C Vancouver 30.85C VancouverJun 21, 2021 3:42 PM -
ਪੂਰੀ ਤਰ੍ਹਾਂ ਵੈਕਸੀਨੇਟ ਹੋ ਚੁੱਕੇ ਉਹ ਕਨੇਡੀਅਨ ਲੋਕ ਜਿਨ੍ਹਾਂ ਦਾ ਕੋਵਿਡ -19 ਟੈਸਟ ਨੈਗੇਟਿਵ ਆਉਂਦਾ ਹੈ, ਬਹੁਤ ਹੀ ਜਲਦ ਬਿਨਾਂ ਕੁਆਰੰਟੀਨ ਕੀਤਿਆਂ, ਹਵਾਈ ਸਫ਼ਰ ਜਾਂ ਸੜਕ ਰਾਹੀਂ ਦੇਸ਼ ਵਿੱਚ ਦਾਖ਼ਲ ਹੋ ਸਕਣਗੇ।
ਫੈਡਰਲ ਸਰਕਾਰ ਵਲੋਂ ਸੋਮਵਾਰ ਸਵੇਰ ਨੂੰ ਇਹ ਐਲਾਨ ਕੀਤਾ ਗਿਆ ਹੈ।
ਸਰਕਾਰ ਅਨੁਸਾਰ ਨਿਯਮਾਂ ਵਿੱਚ ਇਹ ਢਿੱਲ ਉਨ੍ਹਾਂ ਲੋਕਾਂ ’ਤੇ ਲਾਗੂ ਹੁੰਦੀ ਹੈ ਜੋ ਫਾਈਜ਼ਰ, ਮੋਡਰਨਾ ਜਾਂ ਐਸਟ੍ਰਾਜ਼ੇਨਕਾ ਦੀਆਂ ਦੋ ਖੁਰਾਕਾਂ ਅਤੇ ਜੈਨਸੇਨ ਦੀ ਇੱਕ ਖੁਰਾਕ ਹਾਸਲ ਕਰ ਚੁੱਕੇ ਹਨ।
ਇਹ ਨਵਾਂ ਨਿਯਮ 5 ਜੁਲਾਈ ਨੂੰ ਰਾਤ 11:59 ਤੋਂ ਲਾਗੂ ਹੋਵੇਗਾ।
ਇਹ ਨਿਯਮ ਸਿਰਫ ਉਹਨਾਂ ਲੋਕਾਂ ਲਈ ਲਾਗੂ ਹੁੰਦੇ ਹਨ ਜੋ ਪਹਿਲਾਂ ਹੀ ਕੈਨੇਡਾ ਦੀ ਯਾਤਰਾ ਦੇ ਯੋਗ ਹਨ, ਨਾਗਰਿਕ, ਸਥਾਈ ਨਿਵਾਸੀ ਹਨ ਜਾਂ ‘ਇੰਡੀਅਨ ਐਕਟ’ ਦੇ ਤਹਿਤ ਰਜਿਸਟਰ ਹੋਏ ਹਨ।
ਫੈਡਰਲ ਸਰਕਾਰ ਮੁਤਾਬਕ ਮੁਸਾਫਰਾਂ ਨੂੰ ਵੈਕਸੀਨ ਸੰਬੰਧੀ ਜਾਣਕਾਰੀ ਬਾਰਡਰ ’ਤੇ ਪਹੁੰਚਣ ਤੋਂ ਪਹਿਲਾਂ ‘ਅਰਾਈਵਕੈਨ’ ਐਪ ਰਾਹੀਂ ਸਾਂਝੀ ਕਰਨੀ ਲਾਜ਼ਮੀ ਹੋਵੇਗੀ ਅਤੇ ਬਾਰਡਰ ’ਤੇ ਪਹੁੰਚਣ ਤੋਂ 72 ਘੰਟੇ ਪਹਿਲਾਂ ਕੋਵਿਡ -19 ਲਈ ਟੈਸਟ ਵੀ ਲੈਣਾ ਪਵੇਗਾ।
ਜੇ ਤੁਹਾਡਾ ਟੈਸਟ ਨੈਗੇਟਿਵ ਆਉਂਦਾ ਹੈ ਤਾਂ ਤੁਹਾਨੂੰ ਹੋਟਲ ਵਿੱਚ ਕੁਆਰੰਟੀਨ ਨਹੀਂ ਕਰਨਾ ਪਵੇਗਾ।
ਜਿਹੜੇ ਬੱਚਿਆਂ ਨੇ ਟੀਕਾ ਨਹੀਂ ਲਾਇਆ, ਉਹ ਆਪਣੇ ਮਾਪਿਆਂ ਨਾਲ ਘਰ ਵਾਪਸ ਆਉਣ ਦੇ ਯੋਗ ਹੋਣਗੇ, ਪਰ ਦੋ ਹਫ਼ਤਿਆਂ ਲਈ ਉਨ੍ਹਾਂ ਨੂੰ ਘਰ ਵਿੱਚ ਕੁਆਰੰਟੀਨ ਕਰਨਾ ਪਵੇਗਾ।
