14C Vancouver 14C VancouverSep 12, 2025 6:49 PM - The Canadian Press
ਐਡਮਿੰਟਨ ਦੇ ਸ਼ੇਰਵੁੱਡ ਪਾਰਕ ਦੇ ਇਕ ਹਾਈ ਸਕੂਲ ਵਿਚ ਬੀਤੇ ਦਿਨ ਹੈਂਡਗੰਨ ਲੈ ਕੇ ਦਾਖਲ ਹੋਣ ਵਾਲੇ 14 ਸਾਲਾ ਲੜਕੇ ਨੂੰ imitation firearm ਵਰਤਣ, ਹਥਿਆਰ ਨਾਲ ਹਮਲਾ ਕਰਨ ਅਤੇ ਖਤਰਨਾਕ ਤਰੀਕੇ ਨਾਲ ਹਥਿਆਰ ਰੱਖਣ ਦੇ ਦੋਸ਼ ਵਿਚ ਚਾਰਜ ਕੀਤਾ ਗਿਆ ਹੈ।
ਆਰਕ ਬਿਸ਼ਪ ਜੌਰਡਨ ਕੈਥੋਲਿਕ ਹਾਈ ਸਕੂਲ ਦੇ ਇਕ ਟੀਚਰ ਨੇ ਦੱਸਿਆ ਕਿ ਉਸ ਨੇ ਪੁਲਿਸ ਨੂੰ ਜਾਣਕਾਰੀ ਦਿੱਤੀ ਸੀ ਕਿ ਇਕ ਵਿਦਿਆਰਥੀ ਕਲਾਸ ਵਿਚ ਗੰਨ ਲੈ ਕੇ ਆਇਆ ਹੈ। ਇਸ ਦੌਰਾਨ ਕਿਸੇ ਦੇ ਵੀ ਜ਼ਖਮੀ ਹੋਣ ਤੋਂ ਬਚਾਅ ਰਿਹਾ।
ਸਟ੍ਰੈਥਕੋਨਾ ਕਾਉਂਟੀ ਆਰ.ਸੀ.ਐਮ.ਪੀ. ਮੁਤਾਬਕ ਵੀਰਵਾਰ ਦੁਪਹਿਰ ਕਰੀਬ 1.50 ਵਜੇ ਐਮਰਾਲਡ ਡਰਾਈਵ ‘ਤੇ ਬਣੇ ਆਰਕ ਬਿਸ਼ਪ ਜੌਰਡਨ ਕੈਥੋਲਿਕ ਹਾਈ ਸਕੂਲ ਵਿੱਚ ਗੰਨ ਹੋਣ ਸਬੰਧੀ ਉਨ੍ਹਾਂ ਨੂੰ ਜਾਣਕਾਰੀ ਮਿਲੀ ਸੀ। ਔਫੀਸਰਜ਼ ਨੇ ਇੱਥੇ ਪੁੱਜ ਕੇ ਲੜਕੇ ਨੂੰ ਹਿਰਾਸਤ ਵਿਚ ਲੈ ਕੇ ਗੰਨ ਨੂੰ ਆਪਣੇ ਕਬਜ਼ੇ ਵਿਚ ਲੈ ਲਿਆ ਜੋ ਕਿ ਨਕਲੀ ਦੱਸੀ ਜਾ ਰਹੀ ਹੈ। ਲੜਕੇ ਦੀ ਪਛਾਣ ਅਜੇ ਸਾਂਝੀ ਨਹੀਂ ਕੀਤੀ ਗਈ।
