14.55C Vancouver 14.55C VancouverOct 30, 2023 6:45 PM - The Canadian Press
ਓਨਟੇਰਿਓ ਵਿੱਚ ਛਾਤੀ ਦੇ ਕੈਂਸਰ ਦੀ ਸਕ੍ਰੀਨਿੰਗ ਲਈ ਉਮਰ 50 ਤੋਂ ਘਟਾ ਕੇ 40 ਕੀਤੀ ਜਾ ਰਹੀ ਹੈ, ਜਿਸ ਬਾਰੇ ਸਿਹਤ ਮੰਤਰੀ ਸਿਲਵੀਆ ਜੋਨਜ਼ ਨੇ ਕਿਹਾ ਕਿ ਇਸਦਾ ਉਦੇਸ਼ ਹੈ ਕਿ ਕੈਂਸਰ ਦਾ ਛੇਤੀ ਪਤਾ ਲਗਾਉਣ ਵਿੱਚ ਮਦਦ ਮਿਲੇਗੀ।
ਉਨ੍ਹਾਂ ਦਾ ਕਹਿਣਾ ਹੈ ਕਿ ਇਸ ਦੇ ਵਿਸਥਾਰ ਨਾਲ ਸੂਬੇ ਵਿੱਚ ਹਰ ਸਾਲ 130,000 ਮੈਮੋਗਰਾਮ ਕੀਤੇ ਜਾਣਗੇ।
ਨਿਊਜ਼ ਰਿਲੀਜ਼ ਵਿੱਚ ਮਿਨਿਸਟਰ ਜੋਨਜ਼ ਨੇ ਕਿਹਾ ਹਰ ਸਾਲ ਲਗਭਗ 12,000 ਔਰਤਾਂ ਵਿੱਚ ਛਾਤੀ ਦੇ ਕੈਂਸਰ ਦਾ ਪਤਾ ਲਗਾਇਆ ਜਾਂਦਾ ਹੈ।
ਉਨ੍ਹਾਂ ਨੇ ਕਿਹਾ ਕਿ ਕੈਂਸਰ ਸਕ੍ਰੀਨਿੰਗ ਨਾਲ ਇਸਦਾ ਜਲਦ ਪਤਾ ਲੱਗੇਗਾ ਤੇ ਕਈ ਜਾਨਾਂ ਬਚਣਗੀਆਂ। 2024 ਦੇ ਫ਼ੌਲ ਤੋਂ 40 ਤੋਂ 74 ਸਾਲ ਦੀ ਉਮਰ ਦੀਆਂ ਯੋਗ ਔਰਤਾਂ, ਨੌਨ ਬਾਇਨਰੀ, ਟ੍ਰਾਂਸ ਅਤੇ ਦੋਹਰੀ-ਸ਼ਨਾਖ਼ਤ ਵਾਲੇ ਲੋਕ ਹਰ ਦੋ ਸਾਲਾਂ ਵਿੱਚ ਇੱਕ ਵਾਰੀ ਖ਼ੁਦ ਨੂੰ ਸਕ੍ਰੀਨਿੰਗ ਲਈ ਰੈਫ਼ਰ ਕਰ ਸਕਣਗੇ।
ਮੰਤਰਾਲੇ ਦਾ ਕਹਿਣਾ ਹੈ ਕਿ ਹੁਣ ਅਤੇ ਅਗਲੀ ਫ਼ੌਲ ਦੇ ਵਿਚਕਾਰ, ਛਾਤੀ ਦੇ ਕੈਂਸਰ ਦੀ ਸਕ੍ਰੀਨਿੰਗ ਵਾਲੀਆਂ ਸਾਈਟਾਂ ਨਵਾਂ ਸਟਾਫ਼ ਭਰਤੀ ਕਰਨਗੀਆਂ ਅਤੇ ਇੱਕ ਜਨਤਕ ਰਿਪੋਰਟਿੰਗ ਪ੍ਰਣਾਲੀ ਵਿਕਸਿਤ ਕਰਨ ਲਈ ਸਰਕਾਰ ਨਾਲ ਕੰਮ ਕਰਨਗੀਆਂ ਤਾਂ ਜੋ ਮਰੀਜ਼ ਸੂਬੇ ਭਰ ਵਿੱਚ ਸਕ੍ਰੀਨਿੰਗ ਲਈ ਉਡੀਕ ਸਮਾਂ ਦੇਖ ਸਕਣ।
