22.5C Vancouver 22.5C VancouverJan 4, 2021 9:23 PM -
ਯੂ.ਕੇ ਦੇ ਪ੍ਰਧਾਨ ਮੰਤਰੀ ਬੌਰੀਸ ਜੌਨਸਨ ਨੇ ਰਾਸ਼ਟਰੀ ਲੌਕਡਾਊਨ ਦਾ ਐਲਾਨ ਕਰ ਦਿੱਤਾ ਹੈ।
ਬ੍ਰਿਟੇਨ 'ਚ ਕੋਰੋਨਾ ਵਾਇਰਸ ਪੈਂਡੇਮਿਕ ਦੇ ਖਤਰਨਾਕ ਰੂਪ ਧਾਰਨ ਦੀਆਂ ਖਬਰਾਂ ਵਿਚਾਲੇ ਇਹ ਫੈਸਲਾ ਲਿਆ ਗਿਆ ਹੈ।
ਯਾਦ ਰਹੇ ਅੱਜ ਸਵੇਰੇ ਹੀ ਇੱਕ ਹਸਪਤਾਲ 'ਚ ਪਹੁੰਚੇ ਬੌਰੀਸ ਜੌਨਸਨ ਨੇ ਜਾਣਕਾਰੀ ਦਿੱਤੀ ਸੀ ਕਿ ਸਖਤ ਹਿਦਾਇਤਾਂ ਜਾਰੀ ਕੀਤੀਆਂ ਜਾ ਸਕਦੀਆਂ ਹਨ।
ਇਹ ਖਬਰ ਉਸ ਵੇਲੇ ਉਜਾਗਰ ਹੋਈ ਹੈ, ਜਦ ਅੱਜ ਬ੍ਰਿਟੇਨ 'ਚ ਕੋਵਿਡ-19 ਲਈ ਔਕਸਫਰਡ ਯੂਨੀਵਰਸਿਟੀ ਅਤੇ ਡਰੱਗ ਬਣਾਉਣ ਵਾਲੀ ਕੰਪਨੀ, ਐਸਟ੍ਰਾਜ਼ੈਨਕਾ ਵੱਲੋਂ ਵਿਕਸਿਤ ਕੀਤੀ ਗਈ ਵੈਕਸੀਨ ਦੀ ਵਰਤੋਂ ਸ਼ੁਰੂ ਹੋ ਗਈ ਹੈ।
ਯੂ.ਕੇ., ਵਿਸ਼ਵ ਦਾ ਪਹਿਲਾ ਅਜਿਹਾ ਦੇਸ਼ ਬਣ ਗਿਆ ਹੈ ਜਿੱਥੇ ਇਸ ਵੈਕਸੀਨ ਦੀ ਵਰਤੋਂ ਸ਼ੁਰੂ ਹੋਈ ਹੈ।
ਡਾਇਲੈਸਿਸ ਦੇ ਮਰੀਜ਼ ਨੂੰ ਮਿਲੀ ਪਹਿਲੀ ਵੈਕਸੀਨ ਡੋਜ਼
ਇਸ ਦੀ ਪਹਿਲੀ ਡੋਜ਼ ਅੱਜ ਬ੍ਰਾਇਨ ਪਿੰਕਰ ਨਾਮ ਦੇ ਵਿਅਕਤੀ ਨੂੰ ਦਿੱਤੀ ਗਈ ਹੈ। ਇਹ ਵਿਅਕਤੀ ਇੱਕ ਡਾਇਲੈਸਿਸ ਮਰੀਜ਼ ਦੱਸਿਆ ਗਿਆ ਹੈ। ਪਿੰਕਰ ਦਾ ਕਹਿਣਾ ਹੀ ਕਿ, ਸ਼ੌਟ ਹਾਸਿਲ ਕਰਨ 'ਤੇ ਖੁਦ ਨੂੰ ਖੁਸ਼ਕਿਸਮਤ ਸਮਝ ਰਿਹਾ ਹੈ। ਇਸ ਵਿਅਕਤੀ ਦਾ ਕਹਿਣਾ ਹੈ ਕਿ, ਹੁਣ ਉਸ ਨੂੰ ਵਧੇਰੇ ਉਮੀਦ ਬੱਝ ਗਈ ਹੈ ਕਿ, ਉਹ ਆਪਣੀ ਪਤਨੀ ਸ਼ਰਲੀ ਨਾਲ 48ਵੀਂ ਵਿਆਹ ਦੀ ਸਲਗਿਰਾਹ ਮਨਾ ਸਕੇਗਾ।
