12.8C Vancouver 12.8C VancouverDec 22, 2020 12:09 AM -
ਬ੍ਰਿਟਿਸ਼ ਪ੍ਰਧਾਨ ਮੰਤਰੀ ਬੌਰਿਸ ਜੌਨਸਨ ਨੇ ਕਿਹਾ ਹੈ ਕਿ ਫ੍ਰੈਂਚ ਅਧਿਕਾਰੀਆਂ ਨਾਲ ਗੱਲਬਾਤ ਕੀਤੀ ਜਾ ਰਹੀ ਹੈ, ਅਤੇ ਟਰੇਡ ਨੂੰ ਜਲਦੀ ਤੋਂ ਜਲਦੀ ਖੋਲ੍ਹਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।
ਇਹ ਬਿਆਨ ਉਸ ਵੇਲੇ ਆਇਆ ਹੈ, ਜਦ ਬ੍ਰਿਟੇਨ 'ਚ ਪੋਰਟ ਆਫ ਡੋਵਰ ਦੇ ਕੋਲ ਟਰੱਕਾਂ ਦੇ ਕਈ ਕਿਲੋਮੀਟਰ ਲੰਮੇ ਲਾਈਨ-ਅਪ ਲੱਗ ਗਏ ਹਨ।
ਇਹ ਟਰੱਕ ਬ੍ਰਿਟੇਨ ਤੋਂ ਨਿਕਲਣ ਦੀ ਉਡੀਕ ਕਰ ਰਹੇ ਹਨ।
ਫ੍ਰਾਂਸ ਨੇ 48 ਘੰਟੇ ਲਈ ਕੋਵਿਡ-19 ਦੇ ਨਵੇਂ ਸਟ੍ਰੇਨ ਕਾਰਨ ਟਰੱਕਾਂ ਦੀ ਐਂਟਰੀ 'ਤੇ ਬੈਨ ਲਗਾ ਦਿੱਤਾ ਹੈ।
ਇਸ ਨਵੇਂ ਸਟ੍ਰੇਨ ਦੇ ਫੈਲਾਅ ਦੀਆਂ ਰਿਪੋਰਟਸ ਦੱਖਣਪੂਰਬੀ ਇੰਗਲੈਂਡ ਤੋਂ ਆ ਰਹੀਆਂ ਹਨ।
ਯੂ.ਕੇ. ਤੋਂ ਹਵਾਈ ਯਾਤਰਾ 'ਤੇ ਪਬੰਦੀ ਲਗਾਉਣ ਵਾਲੇ ਦੇਸ਼ਾਂ ਦੀ ਸੂਚੀ 'ਚ ਕੈਨੇਡਾ ਵੀ ਸ਼ਾਮਿਲ ਹੋ ਗਿਆ ਹੈ।
ਕੈਨੇਡਾ 'ਚ 72 ਘੰਟੇ ਲਈ ਇੰਗਲੈਂਡ ਤੋਂ ਆਉਣ ਵਾਲੀਆਂ ਫਲਾਈਟਸ 'ਤੇ ਰੋਕ ਲਗਾਈ ਗਈ ਹੈ।
ਬੌਰਿਸ ਜੌਨਸਨ ਨੇ ਅੱਜ ਇਹ ਵੀ ਕਿਹਾ ਕਿ ਉਹ ਸਮਝਦੇ ਹਨ ਕਿ ਬਾਕੀ ਦੇਸ਼ਾਂ ਦੇ ਮਨ 'ਚ ਕੀ ਚੱਲ ਰਿਹਾ ਹੈ ਅਤੇ ਉਨ੍ਹਾਂ ਨੂੰ ਫਿਕਰ ਕਿਉਂ ਹੋ ਰਿਹਾ ਹੈ।
ਪਰ ਉਨ੍ਹਾਂ ਕਿਹਾ ਕਿ ਜਿਵੇਂ ਹੀ ਉਨ੍ਹਾਂ ਨੂੰ ਵਾਇਰਸ ਦੀ ਜਾਣਕਾਰੀ ਮਿਲੀ ਸੀ, ਇਸ ਨੂੰ ਵਰਲਡ ਹੈਲਥ ਔਰਗੇਨਾਈਜ਼ੇਸ਼ਨ ਨਾਲ ਸਾਂਝਾ ਕੀਤਾ ਗਿਆ ਸੀ।
