ਬ੍ਰਿਟਿਸ਼ ਕੋਲੰਬੀਆ: ਇਮਰਜਿੰਗ ਇਕਾਨਮੀ ਟਾਸਕ ਫੋਰਸ ਦੀ ਰਿਪੋਰਟ ਰਿਲੀਜ਼

ਇਮਰਜਿੰਗ ਇਕਾਨਮੀ ਟਾਸਕ ਫੋਰਸ (Emerging Economy Task Force) ਦੀ ਫਾਈਨਲ ਰਿਪੋਰਟ ਅਨੁਸਾਰ, ਬੀ.ਸੀ. ਇੱਕ ਬੇਹਤਰ ਮੁਕਾਮ 'ਤੇ ਹੈ, ਜਿਸਦੇ ਨਾਲ ਸੂਬੇ ਲਈ ਇੱਕ ਲੰਮੇ ਸਮੇਂ ਦਾ ਨਜ਼ਰੀਆ ਰੱਖਿਆ ਜਾ ਸਕਦਾ ਹੈ।

14 ਮੈਂਬਰੀ ਟਾਸਕ ਫੋਰਸ ਨੇ 25 ਸਿਫਾਰਿਸ਼ਾਂ ਕੀਤੀਆਂ ਹਨ, ਜਿਸਦੇ ਨਾਲ ਬੀ.ਸੀ. ਨੂੰ ਅੱਗੇ ਦੇ 10 ਤੋਂ 25 ਸਾਲ ਦਰਮਿਆਨ ਗਲੋਬਲ ਟਰੈਂਡਸ ਅਤੇ ਟੈਕਨੋਲੌਜੀਕਲ ਐਡਵਾਂਸਮੈਂਟਸ ਬਾਰੇ ਧਿਆਨ ਰੱਖਣ ਸੰਬੰਧੀ ਮਦਦ ਮਿਲ ਸਕੇ।

ਇਸ ਰਿਪੋਰਟ ਆਸਰੇ ਸੂਬੇ ਦੀ ਕੋਵਿਡ-19 ਦੇ ਵਿੱਤੀ ਪ੍ਰਭਾਵਾਂ ਤੋਂ ਬਾਹਰ ਆਉਣ ਸੰਬੰਧੀ ਵੀ ਮਦਦ ਮਿਲ ਸਕੇਗੀ।

ਰਿਪੋਰਟ ਦੀਆਂ ਸਿਫਾਰਿਸ਼ਾਂ ਮੁੱਖ ਤੌਰ 'ਤੇ 5 ਤਰਜੀਹਾਂ 'ਤੇ ਨਿਰਭਰ ਹਨ:

* ਟੈਕਨੌਜਲੋਜੀ ਅਤੇ ਇਨੋਵੇਸ਼ਨ ਨੂੰ ਕਬੂਲਣਾ

* ਬੀ.ਸੀ. ਦੀ ਗਰੀਨ ਇਕਾਨਮੀ ਨੂੰ ਹੁਲਾਰਾ ਦੇਣਾ

* ਇੱਕ ਬੇਹਤਰ ਸਕਿੱਲ ਵਾਲੀ ਅਤੇ ਸਥਿਤੀਆਂ ਅਨੁਸਾਰ ਖੁਦ ਨੂੰ ਢਾਲ ਸਕਣ ਵਾਲੀ ਵਰਕਫੋਰਸ ਸਥਾਪਿਤ ਕਰਨਾ

* ਇੱਕ ਚੰਗਾ ਇਕੋਸਿਸਟਮ ਸਥਾਪਿਤ ਕਰਨਾ

* ਪਬਲਿਕ ਸੈਕਟਰ ਲੀਡਰਸ਼ਿਪ ਨੂੰ ਬੇਹਤਰ ਬਣਾਉਣਾ

ਮਾਮਲੇ ਨੂੰ ਲੈਕੇ ਮਿਨਸਟਰ ਔਫ ਜੌਬਸ, ਇਕਨਾਮਿਕ ਡਵੈਲਪਮੈਂਟ ਅਤੇ ਕੰਪਿਟਿਟਵਨੈਸ, ਮਿਸ਼ੈਲ ਮੰਗਲ ਦਾ ਕਹਿਣਾ ਹੈ ਕਿ, 'ਇਮਰਜਿੰਗ ਇਕਾਨਮੀ ਟਾਸਕ ਫੋਰਸ ਨੇ ਹਾਲ ਦੇ ਸਮੇਂ ਦੀਆਂ ਇਨੋਵੇਸ਼ਨਸ, ਉਪਭੋਗਤਾ ਰਵਈਆ ਅਤੇ ਵਿੱਤੀ ਖੇਤਰਾਂ ਦਾ ਜਾਇਜ਼ਾ ਲਿਆ, ਜਿਸਦੇ ਆਸਤੇ ਅਨੁਮਾਨ ਲਗਾਏ ਗਏ ਹਨ ਕਿ ਬੀ.ਸੀ. ਭਵਿੱਖ 'ਚ ਕਿਸ ਪਾਸੇ ਜਾ ਰਿਹਾ ਹੈ।

ਉਨ੍ਹਾਂ ਕਿਹਾ ਕਿ ਇਹ ਕੰਮ ਬੇਹਦ ਅਹਿਮ ਸੀ ਅਤੇ ਇਸ ਰਿਪੋਰਟ ਦੇ ਸਿੱਟੇ ਇਸਤੋਂ ਬੇਹਤਰ ਸਮੇਂ 'ਤੇ ਨਹੀਂ ਆ ਸਕਦੇ ਸਨ, ਜਦ ਬੀ.ਸੀ. ਨੂੰ ਕੋਵਿਡ-19 ਦੇ ਕਾਰਨ ਲੱਗੇ ਝਟਕੇ ਤੋਂ ਉਭਾਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।

ਉਨ੍ਹਾਂ ਕਿਹਾ ਕਿ ਸੂਬੇ ਦੀ ਇਕਨਾਮਿਕ ਰਿਕਵਰੀ ਨੂੰ ਇਸ ਅੱਗੇ ਦੀ ਬੇਹਤਰ ਸੋਚ ਦੀ ਲੋੜ ਹੋਵੇਗੀ, ਜਿਸਦੇ ਨਾਲ ਕਿ ਪਰਿਵਾਰਾਂ ਨੂੰ ਸਹਿਯੋਗ ਪ੍ਰਦਾਨ ਕਰਨ ਲਈ ਨੌਕਰੀਆਂ ਸਥਾਪਿਤ ਕੀਤੀਆਂ ਜਾ ਸਕਣ।