8.03C Vancouver 8.03C VancouverMar 13, 2020 11:35 PM -
ਬ੍ਰਿਟਿਸ਼ ਕੋਲੰਬੀਆ ਵਿੱਚ ਕੋਵਿਡ-19 ਦੇ 11 ਹੋਰ ਮਾਮਲੇ ਉਜਾਗਰ ਹੋਏ ਹਨ।
ਹੁਣ ਸੂਬੇ 'ਚ ਵਾਇਰਸ ਸੰਬੰਧੀ ਮਾਮਲਿਆਂ ਦੀ ਗਿਣਤੀ 64 ਤਕ ਪਹੁੰਚ ਗਈ ਹੈ।
ਸ਼ੁੱਕਰਵਾਰ ਦੁਪਹਿਰ ਕਰੀਬ 3.30 ਵਜੇ, ਸਿਹਤ ਅਧਿਕਾਰੀਆਂ ਨੇ ਇਨ੍ਹਾਂ ਨਵੇਂ ਮਾਮਲਿਆਂ ਨੂੰ ਲੈਕੇ ਵਿਸਤਾਰ ਵਿੱਚ ਜਾਣਕਾਰੀ ਸਾਂਝੀ ਕੀਤੀ ਹੈ।
ਅੱਜ ਬੀ.ਸੀ. 'ਚ 11 ਹੋਰ ਕੋਰੋਨਾ ਵਾਇਰਸ ਦੇ ਮਾਮਲੇ ਉਜਾਗਰ ਹੋਣ ਬਾਰੇ ਦੱਸਿਆ ਗਿਆ ਹੈ।
ਸੂਬੇ ਦੀ ਸਿਹਤ ਅਫਸਰ ਡਾ. ਬੌਨੀ ਹੈਨਰੀ, ਅਤੇ ਸੂਬੇ ਦੇ ਸਿਹਤ ਮੰਤਰੀ, ਐਡਰੀਅਨ ਡਿਕਸ ਨੇ ਮੀਡੀਆ ਦੇ ਰੂਬਰੂ ਹੁੰਦੇ ਹੋਏ, ਇਨ੍ਹਾਂ ਮਾਮਲਿਆਂ ਬਾਰੇ ਜਾਣਕਾਰੀ ਦਿੱਤੀ ਹੈ।
ਖਾਸ ਗੱਲ ਇਹ ਹੈ ਕਿ, ਵੈਨਕੂਵਰ 'ਚ ਲਿਨ ਵੈਲੀ ਕੇਅਰ ਸੈਂਟਰ 'ਚ ਇੱਕ ਹੋਰ ਮਾਮਲਾ ਉਜਾਗਰ ਹੋਣ ਬਾਰੇ ਦੱਸਿਆ ਗਿਆ ਹੈ।
5 ਮਾਮਲੇ ਯਾਤਰਾ ਸੰਬੰਧੀ ਦੱਸੇ ਗਏ ਹਨ।
ਨੌਰਥ ਵੈਨਕੂਵਰ ਦੇ ਵਿੱਚ ਲਾਇੰਸ ਗੇਟ ਹਸਪਤਾਲ ਦੇ 3 ਐਡਮਿਨਿਸਟ੍ਰੇਟਿਵ ਕਾਮਿਆਂ ਨੂੰ ਕੋਵਿਡ-19 ਦੇ ਨਾਲ ਪੀੜਤ ਪਾਇਆ ਗਿਆ ਹੈ।
ਵੈਨਕੂਵਰ ਕੋਸਟਲ ਹੈਲਥ ਦਾ ਕਹਿਣਾ ਹੈ ਕਿ, ਇਨ੍ਹਾਂ ਨੂੰ ਘਰ ਵਿੱਚ ਹੀ ਇਕੱਲਿਆਂ 'ਚ ਰੱਖਿਆ ਗਿਆ ਹੈ।
ਜਾਣਕਾਰੀ ਦਿੱਤੀ ਗਈ ਕਿ ਇਨ੍ਹਾਂ ਕਾਮਿਆਂ ਨੇ ਹਸਪਤਾਲ ਦੇ ਕਲੀਨੀਕਲ ਇਲਾਕਿਆਂ 'ਚ ਕੰਮ ਨਹੀਂ ਕੀਤਾ ਸੀ।
ਜਨਤਕ ਥਾਵਾਂ 'ਤੇ ਵੱਡੇ ਇਕੱਠ ਨਾ ਹੋਣ, ਇਸ ਸੰਬੰਧੀ ਨਿਰਦੇਸ਼ ਵੀ ਜਾਰੀ ਕੀਤੇ ਜਾ ਰਹੇ ਹਨ।
