15.25C Vancouver 15.25C VancouverAug 5, 2021 7:23 PM -
ਬੀ.ਸੀ. ਵਾਸੀਆਂ ਨੂੰ ਸੱਦਾ ਦਿੱਤਾ ਗਿਆ ਹੈ ਕਿ 'ਮੇਡ ਇਨ ਬੀ.ਸੀ. ਪਰਮਾਨੈਂਟ ਪੇਡ ਸਿਕ ਲੀਵ' ਨੂੰ ਸਥਾਪਿਤ ਕਰਨ 'ਚ ਯੋਗਦਾਨ ਪਾਇਆ ਜਾਵੇ ਜਿਸ ਨਾਲ ਵਰਕਰਾਂ ਨੂੰ ਸਹਿਯੋਗ ਦਿੱਤਾ ਜਾ ਸਕੇ ਅਤੇ ਕੰਮ ਦੀਆਂ ਥਾਵਾਂ ਨੂੰ ਵਧੇਰੇ ਸੁਰੱਖਿਅਤ ਬਣਾਇਆ ਜਾ ਸਕੇ।
ਲੇਬਰ ਮੰਤਰੀ ਹੈਰੀ ਬੈਂਸ ਨੇ ਕਿਹਾ ਕਿ ਪੈਂਡੈਮਿਕ ਨਾਲ ਸੰਬੰਧਤ ਇੱਕ ਅਹਿਮ ਮਸਲਾ ਸੀ ਕਿ ਜਦ ਲੋਕ ਬਿਮਾਰ ਸਨ ਤਾਂ ਉਹ ਘਰ ਰੁਕ ਰਹੇ ਸਨ ਜਿਸ ਨਾਲ ਬਿਮਾਰੀ ਦੇ ਫੈਲਾਅ ਤੋਂ ਬਚਾਅ ਕੀਤਾ ਜਾ ਸਕਿਆ ਅਤੇ ਕੰਮ ਦੀਆਂ ਥਾਵਾਂ ਨੂੰ ਸੁਰੱਖਿਅਤ ਰੱਖਿਆ ਜਾ ਸਕਿਆ।
ਪਰ ਉਨ੍ਹਾਂ ਕਿਹਾ ਕਿ ਬਹੁਤ ਸਾਰੇ ਕਰਮਚਾਰੀ ਅਜਿਹੇ ਹਨ ਜੋ ਕਿ ਕੰਮ 'ਤੇ ਨਾ ਜਾ ਕੇ ਤਨਖਾਹ ਦੀ ਕਟੌਤੀ ਨਹੀਂ ਝੱਲ ਸਕਦੇ।
ਹੈਰੀ ਬੈਂਸ ਨੇ ਕਿਹਾ ਕਿ ਇਸੇ ਕਾਰਨ ਇਹ ਪੇਡ ਸਿੱਕ ਲੀਵ ਸਥਾਪਿਤ ਕੱਟਣ ਦੀ ਲੋੜ ਹੈ।
ਉਨ੍ਹਾਂ ਦੱਸਿਆ ਕਿ ਇਸ ਦੇ ਲਈ ਪਬਲਿਕ ਕੰਸਲਟੇਸ਼ਨ ਪ੍ਰੀਕਿਰਿਆ ਸ਼ੁਰੂ ਕੀਤੀ ਜਾ ਰਹੀ ਹੈ।
ਇਸ ਦੇ ਪਹਿਲੇ ਪੜ੍ਹਾਅ ਦੌਰਾਨ 5 ਅਗਸਤ ਤੋਂ 14 ਸਿਤੰਬਰ ਵਿਚਾਲੇ ਐਂਪਲਾਇਰਸ ਅਤੇ ਵਰਕਰਾਂ ਨਾਲ ਹਾਲ ਦੀ ਘੜੀ ਜਾਰੀ ਪੇਡ ਇਲਨੈਸ ਅਤੇ ਸੱਟਾਂ ਸੰਬੰਧੀ ਛੁੱਟੀਆਂ 'ਤੇ ਗੱਲ ਕੀਤੀ ਜਾਵੇਗੀ ਅਤੇ ਜਾਣਿਆ ਜਾਵੇਗਾ ਕਿ ਇਸ 'ਤੇ ਕਿਵੇਂ ਦਾ ਕੰਮ ਹੋ ਰਿਹਾ ਹੈ।
ਦੂਜੇ ਪੜ੍ਹਾਅ 'ਚ 20 ਸਿਤੰਬਰ ਤੋਂ 25 ਅਕਤੂਬਰ ਤਕ ਸਰਵੇਖਣ ਕੀਤੇ ਜਾਣਗੇ ਅਤੇ ਲੋਕਾਂ ਦੀ ਫੀਡਬੈਕ ਅਤੇ ਇਨਪੁਟ ਲਈ ਜਾਵੇਗੀ।
