17.69C Vancouver 17.69C VancouverApr 7, 2020 9:24 PM -
ਬ੍ਰਿਟਿਸ਼ ਪ੍ਰਧਾਨ ਮੰਤਰੀ ਬੌਰੀਸ ਜੌਨਸਨ ਦੀ ਸਿਹਤ ਸਥਿਰ ਦੱਸੀ ਜਾ ਰਹੀ ਹੈ।
ਓਹ ਕੱਲ ਤੋਂ ਹੀ ਆਈ.ਸੀ.ਯੂ. 'ਚ ਦਾਖਿਲ ਹਨ ਪਰ ਦੱਸਿਆ ਗਿਆ ਹੈ ਕਿ ਉਨ੍ਹਾਂ ਨੂੰ ਵੈਂਟੀਲੇਟਰ 'ਤੇ ਨਹੀਂ ਰੱਖਿਆ ਗਿਆ ਹੈ।
ਬੁਲਾਰੇ ਜੇਮਸ ਸਲੈਕ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਦੀ ਬੀਤੀ ਰਾਤ ਵੀ ਸਿਹਤ ਠੀਕ ਰਹੀ ਅਤੇ ਉਨ੍ਹਾਂ ਦੇ ਹੌਂਸਲੇ ਮਜਬੂਤ ਹਨ।
ਉਨ੍ਹਾਂ ਨੂੰ ਸਟੈਂਡਰਡ ਆਕਸੀਜਨ ਟ੍ਰੀਟਮੈਂਟ ਮਿਲ ਰਿਹਾ ਹੈ, ਅਤੇ ਓਹ ਬਿਨਾ ਕਿਸੇ ਹੋਰ ਸਹਾਇਤਾ ਦੇ ਸਾਹ ਲੈ ਰਹੇ ਹਨ।
ਉਨ੍ਹਾਂ ਦੱਸਿਆ ਕਿ ਪ੍ਰਧਾਨ ਮੰਤਰੀ ਨੂੰ ਨਿਮੋਨੀਆ ਨਹੀਂ ਹੈ।
ਯਾਦ ਰਹੇ ਪ੍ਰਧਾਨ ਮੰਤਰੀ ਜੌਨਸਨ ਨੂੰ ਐਤਵਾਰ ਨੂੰ ਲੰਡਨ ਦੇ ਸੇਂਟ ਥੌਮਸ ਹਸਪਤਾਲ ਲਿਜਾਇਆ ਗਿਆ ਸੀ ਅਤੇ ਬਾਅਦ ਵਿਚ ਸੋਮਵਾਰ ਨੂੰ ਉਨ੍ਹਾਂ ਨੂੰ ਆਈ.ਸੀ.ਯੂ. 'ਚ ਦਾਖਿਲ ਕਰ ਲਿਆ ਗਿਆ ਸੀ।
ਵਿਦੇਸ਼ ਸਕੱਤਰ ਡੌਮਿਨਿਕ ਰਾਬ ਨੂੰ, ਹਾਲ ਦੀ ਘੜੀ ਪ੍ਰਧਾਨ ਮੰਤਰੀ ਦੇ ਕੰਮਾਂ ਦਾ ਧਿਆਨ ਕਰਨ ਲਈ ਕਿਹਾ ਗਿਆ ਹੈ।
