11.16C Vancouver 11.16C VancouverJul 21, 2022 12:29 AM - Connect News
ਸਰੀ 'ਚ ਪੁਲਿਸ ਦਾ ਕਹਿਣਾ ਹੈ ਕਿ ਗਿਲਫੋਰਡ ਇਲਾਕੇ 'ਚ ਸਥਿਤ ਇੱਕ ਚਰਚ ਤੋਂ ਇੱਕ ਕਾਂਸੀ ਦਾ ਸਟੈਚੂ ਚੋਰੀ ਕਰ ਲਿਆ ਗਿਆ ਹੈ।
ਮਾਮਲਾ ਬੀਤੇ ਹਫ਼ਤੇ ਦਾ ਦੱਸਿਆ ਗਿਆ ਹੈ ਅਤੇ ਪੁਲਿਸ ਜਾਂਚ 'ਚ ਜੁਟੀ ਹੈ।
ਘਟਨਾ ਬੀਤੇ ਹਫ਼ਤੇ 13 ਜੁਲਾਈ ਨੂੰ ਤੜਕੇ ਕਰੀਬ 4.30 ਵਜੇ ਵਾਪਰੀ ਦੱਸੀ ਗਈ ਹੈ।
ਸਰਵੇਲੈਂਸ ਵੀਡੀਓ ਅਨੁਸਾਰ 2 ਲੋਕਾਂ ਨੇ 102 ਐਵੀਨਿਊ ਅਤੇ 161 ਸਟ੍ਰੀਟ ਕੋਲ ਸਥਿਤ ਸੇਂਟ ਐਂਡਰਿਊ ਕਿਮ ਪੈਰਿਸ਼ ਤਕ ਪਹੁੰਚ ਕੀਤੀ।
ਇਸੇ ਵੀਡੀਓ 'ਚ ਦੋਵੇਂ ਸ਼ੱਕੀਆਂ ਨੂੰ ਚਰਚ ਦੇ ਵਿੱਚੋਂ ਇੱਕ ਬੁੱਤ ਨੂੰ ਘੜੀਸ ਕੇ ਬਾਹਰ ਲਿਆਉਂਦੇ ਵੇਖਿਆ ਜਾ ਸਕਦਾ ਹੈ।
ਸਰੀ ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਸ਼ੱਕੀਆਂ ਨੇ ਇੱਕ ਡੌਲੀ ਦੀ ਵਰਤੋਂ ਕਰ ਬੁੱਤ ਨੂੰ ਇੱਕ ਕੈਂਪਰ ਵੈਨ 'ਚ ਧਰ ਲਿਆ ਸੀ।
ਇਸ ਬੁੱਤ ਦੀ ਲੰਬਾਈ 2 ਮੀਟਰ ਦੱਸੀ ਗਈ ਹੈ।
ਪੁਲਿਸ ਅਨੁਸਾਰ ਇਹ ਬੁੱਤ ਸੇਂਟ ਐਂਡਰਿਊ ਕਿਮ ਦਾ ਹੈ।
ਉਨ੍ਹਾਂ ਦਾ ਸਾਲ 1846 'ਚ 25 ਸਾਲ ਦੀ ਉਮਰ 'ਚ ਕਤਲ ਹੋ ਗਿਆ ਸੀ।
ਸਰੀ ਆਰ.ਸੀ.ਐਮ.ਪੀ. ਦੀ ਬੁਲਾਰੀ ਕਾਂਸਟੇਬਲ ਸਰਬਜੀਤ ਸੰਘਾ ਨੇ ਕਿਹਾ ਕਿ ਇਸ ਪ੍ਰਕਾਰ ਦੀ ਚੋਰੀ ਨੂੰ ਸਿਰਫ ਮੌਨਿਟਰੀ ਕੀਮਤ ਅਨੁਸਾਰ ਨਹੀਂ ਵੇਖਿਆ ਜਾ ਸਕਦਾ ਅਤੇ ਇਸ ਦੀ ਸੈਂਟੀਮੈਂਟਲ ਵੈਲਿਊ ਨੂੰ ਧਿਆਨ 'ਚ ਰੱਖਣਾ ਜਰੂਰੀ ਹੈ।
ਚੋਰੀ ਦਾ ਵੀਡੀਓ ਵੇਖਣ ਲਈ ਲਿੰਕ ਕਲਿਕ ਕਰੋ:
https://bc-cb.rcmp-grc.gc.ca/ViewPage.action?siteNodeId=2126&languageId=1&contentId=75823
