18.33C Vancouver 18.33C VancouverNov 16, 2020 9:21 PM -
ਸਿਟੀ ਆਫ ਸਰੀ ਦੇ ਪ੍ਰਪੋਜ਼ ਕੀਤੇ ਬਜਟ 2021 'ਚ, 2.9% ਦਾ ਜਨਰਲ ਪ੍ਰਾਪਰਟੀ ਟੈਕਸ ਵਾਧਾ ਰੱਖਿਆ ਗਿਆ ਹੈ।
ਬੀਤੇ ਦੋ ਬਜਟਾਂ 'ਚ ਕਾਉਂਸਿਲ ਵੱਲੋਂ ਸੈੱਟ ਕੀਤੇ ਰੇਟ ਦੇ ਨਾਲ ਇਸ ਨੂੰ ਮੇਲ ਖਾਂਦਾ ਦੱਸਿਆ ਗਿਆ ਹੈ।
ਕੋਵਿਡ-19 ਪੈਂਡੇਮਿਕ ਦਰਮਿਆਨ ਸਾਹਮਣੇ ਖੜੀਆਂ ਚੁਣੌਤੀਆਂ ਦੇ ਬਾਵਜੂਦ, ਸਰੀ ਦੇ ਬਜਟ 2021 ਨੂੰ ਲੋਕਲ ਗਵਰਨਮੈਂਟ ਐਕਟ ਅਤੇ ਕਮਿਊਨਿਟੀ ਚਾਰਟਰ ਦੇ ਹਿਸਾਬ ਨਾਲ ਠੀਕ ਹੋਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਮੇਅਰ ਡਗ ਮੈਕੁਲਮ ਨੇ ਕਿਹਾ ਕਿ ਕਾਉਂਸਿਲ ਦੀ ਇਹੀ ਪਹੁੰਚ ਰਹੀ ਹੈ ਕਿ ਪਬਲਿਕ ਡਾਲਰਾਂ ਦੀ ਸਹੀ ਵਰਤੋਂ ਕੀਤੀ ਜਾਵੇ, ਅਤੇ ਇਸੇ ਕਾਰਨ ਪ੍ਰਾਪਰਟੀ ਟੈਕਸਾਂ 'ਤੇ ਖਰਾ ਉਤਰਣ ਵਾਲਾ ਬਜਟ ਲਿਆਂਦਾ ਗਿਆ ਹੈ।
ਮੈਕੁਲਮ ਨੇ ਕਿਹਾ ਕਿ 2019 ਅਤੇ 2020 ਦੇ ਬਜਟ 'ਚ 2.9% ਦਾ ਰੇਟ ਰੱਖਿਆ ਗਿਆ ਸੀ ਅਤੇ 2021 ਦੇ ਬਜਟ 'ਚ ਵੀ ਇਹੀ ਰੇਟ ਪੇਸ਼ ਕੀਤਾ ਗਿਆ ਹੈ।
ਬਜਟ 2021 'ਚ ਕੈਪੀਟਲ ਪਾਰਸਲ ਟੈਕਸ 'ਚ $200 ਦੇ ਵਾਧੇ ਦੀ ਪ੍ਰਪੋਜ਼ਲ ਵੀ ਸ਼ਾਮਿਲ ਹੈ।
ਇਸ ਤੋਂ ਇਲਾਵਾ ਸਰੀ ਪੁਲਿਸ ਬਜਟ 2020 'ਚ ਪੇਸ਼ ਕੀਤਾ ਗਿਆ ਆਪ੍ਰੇਟਿੰਗ ਬਜਟ, ਜੋ ਕਿ 189.6 ਮਿਲੀਅਨ ਡਾਲਰ ਦਾ ਸੀ, ਉਸ 'ਚ 5.5 ਮਿਲੀਅਨ ਡਾਲਰ ਦੇ ਘਾਟੇ ਦੇ ਨਾਲ 184.1 ਮਿਲੀਅਨ ਡਾਲਰ 'ਤੇ ਪੇਸ਼ ਕੀਤਾ ਗਿਆ ਹੈ।
