12.46C Vancouver 12.46C VancouverMay 13, 2025 5:42 PM - Connect Newsroom
ਬਰਨਬੀ ਹਸਪਤਾਲ ਵਿਚ ਸ਼ੁੱਕਰਵਾਰ ਰਾਤ ਸਟਾਫ ਮੈਂਬਰਜ਼ ਨੂੰ ਇਕ ਮਰੀਜ਼ ਵਲੋਂ ਹਥਿਆਰ ਨਾਲ ਧਮਕਾਇਆ ਗਿਆ, ਜਿਸ ਦੇ ਬਾਅਦ ਬੀਸੀ ਹਸਪਤਾਲ ਇੰਪਲਾਈਜ਼ ਯੂਨੀਅਨ ਨੇ ਚਿਤਾਵਨੀ ਜਾਰੀ ਕੀਤੀ ਹੈ। ਯੂਨੀਅਨ ਮੁਤਾਬਕ ਇੱਥੇ ਸਕਿਓਰਟੀ ਗਾਰਡ ਦੀ ਕਮੀ ਕਾਰਨ ਇਹ ਵਾਰਦਾਤ ਵਾਪਰੀ ਹੈ। ਹਾਲਾਂਕਿ ਇਸ ਦੌਰਾਨ ਕਿਸੇ ਦੇ ਵੀ ਜ਼ਖਮੀ ਹੋਣ ਤੋਂ ਬਚਾਅ ਰਿਹਾ ਪਰ ਸਟਾਫ ਦੀ ਸੁਰੱਖਿਆ ਚਿੰਤਾ ਦਾ ਵਿਸ਼ਾ ਬਣ ਗਈ ਹੈ।
ਯੂਨੀਅਨ ਦਾ ਕਹਿਣਾ ਹੈ ਕਿ ਸੂਬੇ ਵਿਚ ਡਾਕਟਰਾਂ, ਨਰਸਾਂ ਦੀ ਭਰਤੀ ਦੇ ਨਾਲ-ਨਾਲ ਸਕਿਓਰਿਟੀ ਗਾਰਡਾਂ ਦੀ ਭਰਤੀ ਵੀ ਜ਼ਰੂਰੀ ਹੈ। ਉਨ੍ਹਾਂ ਕਿਹਾ ਕਿ ਇਸ ਇਲਾਕੇ ਦੇ ਕਈ ਹਸਪਤਾਲਾਂ ਵਿਚ ਇਸ ਤਰ੍ਹਾਂ ਦੀਆਂ ਵਾਰਦਾਤਾਂ ਵਾਪਰੀਆਂ ਹਨ, ਜਿਸ ਕਾਰਨ ਸਟਾਫ ਆਪਣੀ ਸੁਰੱਖਿਆ ਨੂੰ ਲੈ ਕੇ ਚਿੰਤਤ ਹੈ।
ਸਰਵੇ ਮੁਤਾਬਕ ਹਫਤੇ ਵਿਚ ਇਕ ਵਾਰ 67 ਫੀਸਦੀ ਸਟਾਫ ਦੀ ਕਮੀ ਦਾ ਸਾਹਮਣਾ ਕਰਨਾ ਪੈਂਦਾ ਹੈ ਅਤੇ ਕੁਝ ਇਲਾਕਿਆਂ ਵਿਚ ਹਫਤੇ ਵਿਚ ਇਕ ਤੋਂ ਵੱਧ ਵਾਰ ਅਜਿਹਾ ਹੁੰਦਾ ਹੈ। ਯੂਨੀਅਨ ਨੇ ਅਪੀਲ ਕੀਤੀ ਕਿ ਸਿਹਤ ਅਧਿਕਾਰੀਆਂ ਨੂੰ ਸਟਾਫ ਅਤੇ ਮਰੀਜ਼ਾਂ ਦੀ ਸੁਰੱਖਿਆ ਲਈ ਸਕਿਓਰਟੀ ਸਟਾਫ ਦੀ ਭਰਤੀ ਜਲਦੀ ਕਰਨੀ ਚਾਹੀਦੀ ਹੈ।
