19.36C Vancouver 19.36C VancouverDec 17, 2025 2:51 PM - Connect Newsroom - Jasmine Singh
ਬਰਨਬੀ ਵਿਚ ਪੁਲਿਸ ਨੇ ਡਾਕ ਚੋਰੀ ਦੀ ਜਾਂਚ ਦੇ ਸਬੰਧ ਵਿਚ ਇੱਕ ਵੱਡੇ ਗਿਰੋਹ ਦਾ ਪਰਦਾਫਾਸ਼ ਕਰਦਿਆਂ 5 ਵਿਅਕਤੀਆਂ ਵਿਰੁੱਧ 25 ਅਪਰਾਧਿਕ ਮਾਮਲੇ ਦਰਜ ਕੀਤੇ ਹਨ। ਇਹ ਗਿਰੋਹ ਸੈਂਕੜੇ ਆਈ.ਡੀ., ਬੈਂਕ ਕਾਰਡ ਅਤੇ ਕਈ ਡਾਕ ਚੋਰੀ ਕਰਨ ਵਿਚ ਸ਼ਾਮਲ ਸੀ।
ਬਰਨਬੀ ਆਰ.ਸੀ.ਐਮ.ਪੀ. ਨੇ ਕਿਹਾ ਕਿ ਇਹ ਕਾਰਵਾਈ ਪਿਛਲੇ ਸਾਲ ਅਕਤੂਬਰ ਵਿਚ ਇੱਕ ਅਪਾਰਟਮੈਂਟ ਬਿਲਡਿੰਗ ਵਿਚ ਹੋਈਆਂ ਦੋ ਸੰਨ੍ਹਮਾਰੀ ਦੀਆਂ ਘਟਨਾਵਾਂ ਦੀ ਜਾਂਚ ਤੋਂ ਬਾਅਦ ਅਮਲ ਵਿਚ ਲਿਆਂਦੀ ਗਈ ਸੀ ਅਤੇ ਦੋ ਮਹੀਨੇ ਬਾਅਦ ਦਸੰਬਰ ਵਿਚ ਇੱਕ ਛਾਪੇਮਾਰੀ ਦੌਰਾਨ ਪੁਲਿਸ ਨੇ ਮੁਲਜ਼ਮਾਂ ਕੋਲੋਂ 346 ਆਈ.ਡੀ. ਡਾਕੂਮੈਂਟ, 496 ਬੈਂਕ ਕਾਰਡ ਅਤੇ 576 ਡਾਕ ਦੀ ਬਰਾਮਦਗੀ ਕੀਤੀ।
ਬਰਨਬੀ ਆਰ.ਸੀ.ਐਮ.ਪੀ. ਦੇ ਸਾਰਜੈਂਟ ਜੈਮੀ ਬੇਲੇਵਿਲ ਨੇ ਦੱਸਿਆ ਕਿ ਇਹ ਜਾਂਚ ਬੇਹੱਦ ਬਾਰੀਕੀ ਵਾਲੀ ਸੀ ਅਤੇ Prolific Offender Suppression Team ਨੇ ਇਸ ਜਾਂਚ ਨੂੰ ਸੰਭਾਲਿਆ ਤੇ ਇਸ ਨੂੰ ਮੁਕਾਮ ਤੱਕ ਪਹੁੰਚਾਇਆ। ਬਰਨਬੀ ਆਰ.ਸੀ.ਐਮ.ਪੀ. ਮੁਤਾਬਕ, ਡਾਕ ਚੋਰੀ ਦੀ ਜਾਂਚ ਵਿਚ ਚਾਰਜ ਕੀਤੇ ਗਏ ਮੁਲਜ਼ਮਾਂ ਦੀ ਉਮਰ 25 ਤੋਂ 36 ਸਾਲ ਹੈ। ਪੁਲਿਸ ਵਲੋਂ ਉਨ੍ਹਾਂ ਦੀ ਪਛਾਣ ਵੀ ਜਾਰੀ ਕੀਤੀ ਗਈ ਹੈ।
