21.43C Vancouver 21.43C VancouverJan 21, 2023 1:25 AM - Connect News
ਬਰਨਬੀ 'ਚ ਆਰ.ਸੀ.ਐਮ.ਪੀ. ਵੱਲੋਂ ਇੱਕ ਲਾਪਤਾ ਟੀਨੇਜਰ ਦੀ ਭਾਲ ਦੀਆਂ ਕੋਸ਼ਿਸ਼ਾਂ ਜਾਰੀ ਹਨ।
ਲਾਪਤਾ ਲੜਕੀ ਨੂੰ ਹਾਈ-ਰਿਸਕ/ਉੱਚ ਖਤਰੇ ਦੀ ਸ਼੍ਰੇਣੀ ਦਾ ਦੱਸਿਆ ਗਿਆ ਹੈ।
ਇਸ ਟੀਨੇਜਰ ਦੀ ਭਾਲ ਦੀ ਕੋਸ਼ਿਸ਼ ਬਾਰੇ ਸਭ ਤੋਂ ਪਹਿਲਾਂ ਸਾਨੀਚ ਵਿੱਚ ਜਾਣਕਾਰੀ ਜਾਰੀ ਕੀਤੀ ਗਈ ਸੀ ਅਤੇ ਦੱਸਿਆ ਸੀ ਕਿ ਉਸ ਨੂੰ ਮਿਊਨਿਸਪੈਲਿਟੀ 'ਚ ਆਖਰੀ ਵਾਰ 19 ਦਿਸੰਬਰ ਨੂੰ ਵੇਖਿਆ ਗਿਆ ਸੀ।
ਲੜਕੀ ਦੀ ਉਮਰ 17 ਸਾਲ ਅਤੇ ਉਸ ਦਾ ਨਾਮ ਜ਼ੇਨਾਏ ਐਡਵਰਡਸ ਹੈਲਗਾਸਨ ਦੱਸਿਆ ਗਿਆ ਹੈ।
ਲੜਕੀ ਦਾ ਕੱਦ ਕਰੀਬ 5'6" ਅਤੇ ਸ਼ਰੀਰਕ ਬਣਤਰ ਮੱਧਮ ਦੱਸੀ ਗਈ ਹੈ।
ਅੱਜ ਲੜਕੀ ਬਾਰੇ ਜਾਣਕਾਰੀ ਜਾਰੀ ਕਰਦਿਆਂ ਬਰਨਬੀ ਆਰ.ਸੀ.ਐਮ.ਪੀ. ਨੇ ਦੱਸਿਆ ਕਿ ਲਾਪਤਾ ਲੜਕੀ ਨੂੰ 10 ਜਨਵਰੀ ਨੂੰ ਵੈਨਕੂਵਰ ਡਾਊਨਟਾਊਨ ਈਸਟਸਾਈਡ ਇਲਾਕੇ 'ਚ ਵੇਖੇ ਜਾਣ ਦੀ ਸੂਚਨਾ ਮਿਲੀ ਸੀ ਅਤੇ ਹੁਣ ਪਤਾ ਲੱਗਿਆ ਹੈ ਕਿ ਵੀਰਵਾਰ ਨੂੰ ਉਸ ਨੂੰ ਬਰਨਬੀ 'ਚ ਵੀ ਵੇਖਿਆ ਗਿਆ ਸੀ।
ਪੁਲਿਸ ਨੇ ਅੱਜ ਫਿਰ ਤੋਂ ਲੜਕੀ ਦੀਆਂ ਤਸਵੀਰਾਂ ਜਾਰੀ ਕਰ ਲੋਕਾਂ ਤੋਂ ਮੰਗ ਕੀਤੀ ਹੈ ਕਿ ਕੋਈ ਜਾਣਕਾਰੀ ਹੋਵੇ ਤਾਂ ਦੱਸਿਆ ਜਾਵੇ।
ਲੜਕੀ ਦੀਆਂ ਤਸਵੀਰਾਂ ਕਨੈਕਟ ਐਫ.ਐਮ. ਦੇ ਫੇਸਬੁੱਕ ਪੇਜ 'ਤੇ ਵੇਖੀਆਂ ਜਾ ਸਕਦੀਆਂ ਹਨ।
ਪੁਲਿਸ ਨੇ ਇਸ ਤੋਂ ਪਹਿਲਾਂ ਮਾਮਲੇ 'ਚ ਇੱਕ ਆਦਮੀ ਦੀ ਵੀ ਜਾਣਕਾਰੀ ਜਾਰੀ ਕੀਤੀ ਸੀ, ਜਿਸ ਬਾਰੇ 7 ਜਨਵਰੀ ਨੂੰ ਦੱਸਿਆ ਗਿਆ ਸੀ ਕਿ ਉਸ ਕੋਲ ਲਾਪਤਾ ਲੜਕੀ ਦੀ ਜਾਣਕਾਰੀ ਹੋ ਸਕਦੀ ਹੈ।
ਆਦਮੀ ਦੀ ਬਰਨਬੀ 'ਚ ਇੱਕ ਹੋਟਲ ਦੀ 3 ਜਨਵਰੀ ਦੀ ਤਸਵੀਰ ਵੀ ਜਾਰੀ ਕੀਤੀ ਗਈ ਸੀ।
