23.32C Vancouver 23.32C VancouverJan 25, 2023 10:17 PM - Connect News
ਬਰਨਬੀ 'ਚ ਇੱਕ ਵਿਅਕਤੀ ਦੀ ਰੋਲੈਕਸ ਦੀ ਘੜੀ ਖਰੀਦਣ ਦੀ ਕੋਸ਼ਿਸ਼, ਉਸ ਦੇ ਲਈ ਨੁਕਸਾਨ ਦਾ ਕਾਰਨ ਬਣ ਗਈ। ਬਰਨਬੀ ਆਰ.ਸੀ.ਐਮ.ਪੀ. ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਔਨਲਾਈਨ ਮਾਰਕਿਟਪਲੇਸ ਖਰੀਦਦਾਰੀ ਮੌਕੇ ਧਿਆਨ ਰੱਖਿਆ ਜਾਵੇ।
ਬਰਨਬੀ ਦੇ ਇੱਕ ਵਿਅਕਤੀ ਨੇ ਲਗਜ਼ਰੀ ਘੜੀ ਖਰੀਦੀ ਪਰ ਬਾਅਦ 'ਚ ਪਤਾ ਲੱਗਿਆ ਕਿ ਘੜੀ ਤਾਂ ਨਕਲੀ ਹੈ।
ਮਾਮਲਾ ਬੀਤੇ ਸਾਲ ਨਵੰਬਰ ਮਹੀਨੇ ਦਾ ਦੱਸਿਆ ਗਿਆ ਹੈ।
ਇੱਕ ਖਰੀਦਦਾਰ ਨੇ ਕ੍ਰੈਗਸਲਿਸਟ 'ਤੇ ਐਡਵਰਟਾਈਜ਼ ਕੀਤੀ ਗਈ ਰੋਲੈਕਸ ਵਿੰਬੈਲਡਨ ਘੜੀ ਹਾਸਿਲ ਕਰਨ ਲਈ ਸੰਪਰਕ ਕੀਤਾ ਸੀ।
ਖਰੀਦਦਾਰ ਦਾ ਕਹਿਣਾ ਸੀ ਕਿ ਘੜੀ ਵੇਚਣ ਵਾਲੇ ਨੇ ਆਖਿਆ ਸੀ ਕਿ ਉਸ ਦੇ ਕੋਲ ਘੜੀ ਦੇ ਔਰਿਜਿਨਲ ਹੋਣ ਦੇ ਸਬੂਤ ਵਜੋਂ ਰਸੀਦ ਅਤੇ ਸਰਟੀਫਿਕੇਟ ਵੀ ਪਏ ਹਨ।
ਖਰੀਦਦਾਰ ਨੇ ਘੜੀ ਵੇਚਣ ਵਾਲੇ ਨਾਲ ਮੁਲਾਕਾਤ ਕੀਤੀ ਅਤੇ ਘੜੀ ਲਈ $10,000 ਪ੍ਰਦਾਨ ਕੀਤੇ।
ਹਾਲਾਂਕਿ ਖਰੀਦ ਤੋਂ ਬਾਅਦ ਉਸ ਨੂੰ ਸ਼ੱਕ ਹੋਇਆ ਅਤੇ ਜਲਦੀ ਹੀ ਉਸ ਨੂੰ ਪਤਾ ਲੱਗਿਆ ਕਿ ਘੜੀ ਨਕਲੀ ਹੈ।
ਰਸੀਦ ਅਤੇ ਸਰਟੀਫਿਕੇਟ ਬਾਰੇ ਵੀ ਸਪਸ਼ਟ ਹੋ ਗਿਆ ਕਿ ਇਹ ਨਕਲੀ ਸਨ।
ਬਰਨਬੀ ਆਰ.ਸੀ.ਐਮ.ਪੀ. ਵੱਲੋਂ ਧੋਖਾਧੜੀ ਸੰਬੰਧੀ ਜਾਂਚ ਕੀਤੀ ਜਾ ਰਹੀ ਹੈ।
ਬਰਨਬੀ ਆਰ.ਸੀ.ਐਮ.ਪੀ. ਨੇ ਅਜਿਹੇ ਧੋਖੇ ਦਾ ਸ਼ਿਕਾਰ ਬਣੇ ਹੋਰ ਲੋਕਾਂ ਨੂੰ ਵੀ ਅਪੀਲ ਕੀਤੀ ਹੈ ਕਿ ਇਸ ਦੀ ਜਾਣਕਾਰੀ ਪੁਲਿਸ ਨੂੰ ਦਿੱਤੀ ਜਾਵੇ।
