9.74C Vancouver 9.74C VancouverNov 16, 2021 10:58 PM - The Canadian Press
ਜਾਣਕਾਰੀ ਦਿੱਤੀ ਜਾ ਰਹੀ ਹੈ ਕਿ ਅੱਜ ਬੁਰਾਰਡ ਸਟ੍ਰੀਟ ਬ੍ਰਿਜ ਨੂੰ ਖੋਲ ਦਿੱਤਾ ਗਿਆ ਹੈ।
ਸਨਸੈਟ ਬੀਚ 'ਤੇ ਇੱਕ ਬੇਕਾਬੂ ਬਾਰਜ ਦੇ ਕਾਰਨ ਇਸ ਪੁਲ ਨੂੰ ਬੰਦ ਕਰ ਦਿੱਤਾ ਗਿਆ ਸੀ।
ਸਿਟੀ ਆਫ ਵੈਨਕੂਵਰ ਨੇ ਸੋਮਵਾਰ ਸ਼ਾਮ ਜਾਣਕਾਰੀ ਜਾਰੀ ਕੀਤੀ ਸੀ ਕਿ ਇੰਗਲਿਸ਼ ਬੇਅ ਕੋਲ ਇੱਕ ਬਾਰਜ ਦੇ ਬੇਕਾਬੂ ਢੰਗ ਨਾਲ ਪੁਲ ਵਲ ਵਧਣ ਕਾਰਨ ਪੁਲ ਨੂੰ ਬੰਦ ਕੀਤਾ ਗਿਆ ਸੀ।
ਸਾਵਧਾਨੀ ਵਰਤਦੇ ਹੋਏ ਪੁਲ ਨੂੰ ਸ਼ਾਮ ਕਰੀਬ 7 ਵਜੇ ਬੰਦ ਕਰਨ ਦਾ ਫੈਸਲਾ ਲਿਆ ਗਿਆ ਸੀ।
ਇਹ ਪੁਲ ਮੰਗਲਵਾਰ ਦੁਪਹਿਰ ਤਕ ਬੰਦ ਰਹਿਣ ਦੇ ਆਸਾਰ ਸਨ ਪਰ ਇਸ 'ਤੇ ਆਵਾਜਾਈ ਅੱਜ ਸਵੇਰ ਕਰੀਬ 8 ਵਜੇ ਤੋਂ ਫਿਰ ਸ਼ੁਰੂ ਕਰ ਦਿੱਤੀ ਗਈ ਸੀ।
ਯਾਦ ਰਹੇ ਵੈਨਕੂਵਰ ਦੇ ਤਟ ਦੇ ਕੋਲ ਕੱਲ ਇੱਕ ਬਾਰਜ ਦੇ ਪਹੁੰਚਣ ਨਾਲ ਲੋਕ ਦੰਗ ਰਹਿ ਗਏ।
ਤੇਜ ਹਨੇਰੀ ਅਤੇ ਮੀਂਹ ਵਿਚਾਲੇ ਸਮੁੰਦਰ ਅਤੇ ਦਰਿਆਵਾਂ ਦੀਆਂ ਉੱਚੀਆਂ ਛੱਲਾਂ ਵਿਚਾਲੇ ਵੈਨਕੂਵਰ ਦੀ ਸ਼ੋਰਲਾਈਨ ਕੋਲ ਇੱਕ ਬਾਰਜ ਪਹੁੰਚ ਗਿਆ।
ਮਾਮਲੇ ਦੇ ਕੁਝ ਵੀਡੀਓ ਅਤੇ ਤਸਵੀਰਾਂ ਵੀ ਸਾਹਮਣੇ ਆਈਆਂ ਹਨ।
ਇਲਾਕੇ 'ਚ ਵੱਡੀ ਗਿਣਤੀ 'ਚ ਲੋਕ ਵੀ ਇਸ ਬਾਰਜ ਨੂੰ ਕੰਢੇ ਦੇ ਬਿਲਕੁਲ ਨਾਲ ਬੇਕਾਬੂ ਹਾਲਤ 'ਚ ਝੂਲਦੇ ਤੇ ਰੁੜਦੇ ਵੇਖਣ ਲਈ ਪਹੁੰਚ ਗਏ ਸਨ।
ਕੁਝ ਵੀਡੀਓਸ ਵਿੱਚ ਵੇਖਿਆ ਜਾ ਸਕਦਾ ਸੀ ਕਿ ਬਾਰਜ ਬੁਰਾਰਡ ਸਟ੍ਰੀਟ ਬ੍ਰਿਜ ਵੱਲ ਵਧ ਰਿਹਾ ਸੀ।
