25.37C Vancouver 25.37C VancouverNov 23, 2021 9:30 PM - The Canadian Press
ਬੁਲਗਾਰੀਆ ਵਿੱਚ ਵਾਪਰੇ ਇੱਕ ਭਿਆਨਕ ਬੱਸ ਕਰੈਸ਼ ਦੇ ਪੀੜਤਾਂ ਦੀ ਪਛਾਣ ਕਰਨ ਲਈ ਡੀ.ਐਨ.ਏ. ਟੈਸਟ ਕੀਤੇ ਜਾ ਰਹੇ ਹੈ।
ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਭਿਆਨਕ ਕਰੈਸ਼ 'ਚ ਘਟੋ-ਘੱਟ 45 ਲੋਕਾਂ ਦੀ ਮੌਤ ਹੋ ਗਈ ਹੈ।
ਇਸ 'ਚ ਕਰੀਬ ਇੱਕ ਦਰਜਨ ਬੱਚੇ ਵੀ ਸ਼ਾਮਿਲ ਦੱਸੇ ਗਏ ਹੈ।
ਇਹ ਬੱਸ ਟੂਰਿਸਟਸ ਨੂੰ ਨੌਰਥ ਮੈਸੀਡੋਨੀਆ ਲਿਜਾ ਰਹੀ ਸੀ।
ਕਰੈਸ਼ ਤੋਂ ਬਾਅਦ ਬੱਸ 'ਚ ਅੱਗ ਲਗ ਗਈ।
ਕਥਿਤ ਤੌਰ 'ਤੇ ਇਸ ਬੱਸ ਦੀ ਇੱਕ ਗਾਰਡਰੇਲ ਨਾਲ ਟੱਕਰ ਹੋਈ ਸੀ।
ਇਹ ਬੱਸ ਟਰਕੀ ਤੋਂ ਵਾਪਿਸ ਪਰਤ ਰਹੀ ਸੀ।
ਬੱਸ ਵਿੱਚ ਲੱਗੀ ਅੱਗ ਇੰਨੀ ਭਿਆਨਕ ਸੀ ਕਿ ਇਸ ਦੀਆਂ ਲਪਟਾਂ 'ਤੇ ਮੌਕੇ ਤੋਂ ਉਠਦਾ ਧੂਆਂ ਦੂਰ ਤਕ ਵੇਖਿਆ ਜਾ ਸਕਦਾ ਸੀ।
ਬੱਸ 'ਚ ਕੁਲ 52 ਯਾਤਰੀ ਸਵਾਰ ਦੱਸੇ ਗਏ ਹੈ।
ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਘਟਨਾ ਦੇ ਕਾਰਨ ਬਾਰੇ ਜਾਂਚ ਕੀਤੀ ਜਾ ਰਹੀ ਹੈ।
