17.98C Vancouver 17.98C VancouverMay 12, 2021 3:38 PM -
ਮਿਸ਼ੀਗਨ, ਓਹਾਇਓ ਅਤੇ ਵਿਸਕੌਂਸਿਨ ਦੇ ਬਿਜ਼ਨਸ ਆਗੂ ਆਪਣੇ ਕਨੇਡੀਅਨ ਹਮਰੁਤਬਿਆਂ ਨੂੰ ਲਾਈਨ 5 ਪਾਈਪਲਾਈਨ ਨੂੰ ਚਲਦਿਆਂ ਰੱਖਣ ਲਈ ਕਾਨੂੰਨੀ ਲੜਾਈ ਵਿੱਚ ਸਮਰਥਨ ਪ੍ਰਦਾਨ ਕਰ ਰਹੇ ਹਨ।
ਮਿਸ਼ੀਗਨ ਦੇ ਯੂ.ਐਸ. ਡਿਸਟ੍ਰਿਕਟ ਕੋਰਟ ਵਿੱਚ ਦਾਇਰ ਨਵੇਂ ਕਾਨੂੰਨੀ ਬ੍ਰੀਫ ਵਿੱਚ ਅਮਰੀਕੀ ਅਤੇ ਕਨੇਡੀਅਨ ਚੈਂਬਰ ਆਫ ਕੌਮਰਸ ਵੀ ਸ਼ਾਮਲ ਹਨ।
ਕੱਲ ਫੈਡਰਲ ਲਿਬਰਲ ਸਰਕਾਰ ਵਲੋਂ ਅਜਿਹਾ ਹੀ ਬ੍ਰੀਫ ਦਰਜ ਕੀਤਾ ਗਿਆ ਸੀ ਜਿਸ ਵਿੱਚ ਪਾਈਪਲਾਈਨ ਨੂੰ ਚੱਲਦਾ ਰੱਖਣ ਦੀ ਅਪੀਲ ਕੀਤੀ ਗਈ ਸੀ।
ਚੈਂਬਰਜ਼ ਅਨੁਸਾਰ ਜੇ ਇਹ ਪਾਈਪਲਾਈਨ ਬੰਦ ਕਰ ਦਿੱਤੀ ਜਾਂਦੀ ਹੈ ਤਾਂ ਇਸ ਦੇ ਰਾਸ਼ਟਰੀ ਅਤੇ ਅੰਤਰਰਾਸ਼ਟਰੀ ਪੱਧਰ ’ਤੇ ਗੰਭੀਰ ਨਤੀਜੇ ਹੋਣਗੇ।
ਉਨ੍ਹਾਂ ਦਾ ਕਹਿਣਾ ਹੈ ਕਿ ਕੈਲਗਰੀ ਵਿੱਚ ਸਥਿਤ ਐਨਬ੍ਰਿਜ ਨਾਂ ਦੀ ਕੰਪਨੀ ਦੀ ਇਹ ਪਾਈਪਲਾਈਨ ਯੂ.ਐਸ. ਮਿੱਡਵੈਸਟ ਲਈ ਆਰਥਕ ਤਰੱਕੀ ਅਤੇ ਊਰਜਾ ਦਾ ਮਹੱਤਵਪੂਰਨ ਸਰੋਤ ਹੈ।
ਜ਼ਿਕਰਯੋਗ ਹੈ ਕਿ ਕੱਚੇ ਤੇਲ ਦੀ ਇਸ ਮਹੱਤਵਪੂਰਨ ਪਾਈਪਲਾਈਨ ਨੂੰ ਬੰਦ ਕਰਨ ਲਈ ਮਿਸ਼ੀਗਨ ਵੱਲੋਂ ਦਿੱਤੀ ਬੁੱਧਵਾਰ, 12 ਮਈ ਦੀ ਮਿਆਦ ਤੋਂ ਪਹਿਲਾਂ ਕੈਨੇਡਾ ਨੇ ਮੰਗਲਵਾਰ ਨੂੰ ਇਸ ਕਦਮ ਬਾਰੇ ਹੁਣ ਤੱਕ ਦੀ ਸਭ ਤੋਂ ਸਖ਼ਤ ਟਿੱਪਣੀ ਜਾਰੀ ਕਰਦਿਆਂ ਚਿਤਾਵਨੀ ਦਿੱਤੀ ਹੈ ਕਿ ਅਜਿਹਾ ਕਰਨ ਨਾਲ ਅਮਰੀਕਾ ਅਤੇ ਕੈਨੇਡਾ ਦੇ ਸਬੰਧ ਵਿਗੜ ਸਕਦੇ ਹਨ।
ਵਾਤਾਵਰਣ ’ਤੇ ਪੈਣ ਵਾਲੇ ਪ੍ਰਭਾਵ ਦਾ ਹਵਾਲਾ ਦਿੰਦਿਆਂ ਮਿਸ਼ੀਗਨ ਦੇ ਗਵਰਨਰ ਗਰੈਚਨ ਵਿਟਮਨ ਨੇ ਐਨਬ੍ਰਿਜ ਤੋਂ ਲਾਈਨ 5 ਪਾਈਪ ਲਾਈਨ ਨੂੰ ਬੰਦ ਕਰਨ ਦੀ ਮੰਗ ਕੀਤੀ ਹੈ।
