15.22C Vancouver 15.22C VancouverOct 8, 2025 2:32 PM - The Canadian Press
ਨੋਵਾ ਸਕੋਸ਼ੀਆ ਦੇ ਪਿਕਟੋ ਕਾਊਂਟੀ ਵਿਚ ਦੋ ਮਈ ਤੋਂ ਲਾਪਤਾ 6 ਸਾਲਾ ਲਿਲੀ ਸਲੇਵਨ ਅਤੇ ਉਸ ਦੇ 4 ਸਾਲਾ ਭਰਾ ਜੈਕ ਸਲੇਵਨ ਦੇ ਗੁੰਮ ਹੋਣ ਦੇ ਮਾਮਲਾ ਰਹੱਸ ਬਣਿਆ ਹੋਇਆ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ ਹਾਲ ਹੀ ਵਿਚ ਖੋਜ ਵਿਚ ਲਗਾਏ ਗਏ ਕੈਡੇਵਰ ਡੌਗਜ਼ ਨੂੰ ਵੀ ਕੋਈ ਮਨੁੱਖੀ ਅਵਸ਼ੇਸ਼ ਨਹੀਂ ਮਿਲਿਆ ਹੈ।
ਬੁੱਧਵਾਰ ਨੂੰ ਇੱਕ ਨਿਊਜ਼ ਰਿਲੀਜ਼ ਵਿਚ ਨੋਵਾ ਸਕੋਸ਼ੀਆ ਆਰ.ਸੀ.ਐਮ.ਪੀ.ਨੇ ਕਿਹਾ ਕਿ ਦੋ ਡੌਗਜ਼ ਟੀਮ ਨੇ ਸਤੰਬਰ ਦੇ ਅਖੀਰ ਵਿਚ ਲੈਂਸਡਾਊਨ ਸਟੇਸ਼ਨ ਖੇਤਰ ਵਿਚ ਕੁੱਲ 40 ਕਿਲੋਮੀਟਰ ਇਲਾਕੇ ਵਿਚ ਖੋਜਬੀਨ ਕੀਤੀ ਹੈ,ਜਿਸ ਵਿਚ ਉਸ ਪ੍ਰੋਪਰਟੀ ਦੀ ਵੀ ਤਲਾਸ਼ੀ ਲਈ, ਜਿੱਥੋਂ ਬੱਚੇ ਲਾਪਤਾ ਹੋਏ ਸਨ ਅਤੇ ਜਿਸ ਏਰੀਏ ਵਿਚ ਲਿਲੀ ਦਾ ਗੁਲਾਬੀ ਕੰਬਲ ਮਿਲਿਆ ਸੀ।ਇੰਸਪੈਕਟਰ ਲੂਕ ਰੈਟੀ ਨੇ ਕਿਹਾ ਕਿ ਜਿਨ੍ਹਾਂ ਇਲਾਕਿਆਂ ਵਿਚ ਖੋਜ ਕੀਤੀ ਗਈ ਉਨ੍ਹਾਂ ਥਾਵਾਂ 'ਤੇ ਬੱਚਿਆਂ ਦੇ ਅਵਸ਼ੇਸ਼ ਲੱਭਣ ਦੀ ਸਭ ਤੋਂ ਵੱਧ ਸੰਭਾਵਨਾ ਸੀ ਪਰ ਉਹ ਨਹੀਂ ਮਿਲੇ।
ਆਰ.ਸੀ.ਐਮ.ਪੀ. ਪੁਲਿਸ ਡੌਗ ਸਰਵਿਸਿਜ਼ ਦੇ ਸਟਾਫ ਸਾਰਜੈਂਟ ਸਟੀਫਨ ਪਾਈਕ ਨੇ ਕਿਹਾ ਕਿ ਹਾਲਾਂਕਿ, ਇਹ ਉਨ੍ਹਾਂ ਖੇਤਰਾਂ ਵਿਚ ਅਵਸ਼ੇਸ਼ਾਂ ਦੀ ਮੌਜੂਦਗੀ ਨੂੰ ਪੱਕੇ ਤੌਰ 'ਤੇ ਰੱਦ ਨਹੀਂ ਕਰਦਾ ਜਿਨ੍ਹਾਂ ਦੀ ਖੋਜ ਕੀਤੀ ਗਈ,ਉਨ੍ਹਾਂ ਕਿਹਾ ਕਿ ਇਹ ਹੋ ਸਕਦਾ ਹੈ ਜਾਂ ਤਾਂ ਕੁੱਤੇ ਇਸ ਦਾ ਪਤਾ ਨਹੀਂ ਲਗਾ ਸਕੇ ਜਾਂ ਉਥੇ ਕੋਈ ਓਡਰ ਨਹੀਂ ਸੀ। ਪੁਲਿਸ ਨੇ ਕਿਹਾ ਕਿ ਉਹ ਇਨ੍ਹਾਂ ਭੈਣ-ਭਰਾ ਦੀ ਭਾਲ ਜਾਰੀ ਰੱਖੇਗੀ ਅਤੇ ਜਨਤਾ ਤੋਂ ਹੋਰ ਜਾਣਕਾਰੀ ਮੰਗਦੇ ਰਹਿਣਗੇ।
