ਕੈਲਗਰੀ ਦੇ ਡਾਕਟਰ ’ਤੇ ਲੱਗੇ ਜਿਨਸ਼ੀ ਸ਼ੋਸ਼ਣ ਕਰਨ ਦੇ ਦੋਸ਼

ਕੈਲਗਰੀ ਦਾ ਇਕ ਡਾਕਟਰ ਕਈ ਮਰੀਜ਼ਾਂ ਨੂੰ ਜਿਨਸੀ ਸ਼ੋਸ਼ਣ ਕਰਨ ਦੇ ਦੋਸ਼ ਵਿਚ ਚਾਰਜਿਜ਼ ਦਾ ਸਾਹਮਣਾ ਕਰ ਰਿਹਾ ਹੈ। ਪੁਲਿਸ ਮੁਤਾਬਕ 2023 ਵਿਚ ਉਨ੍ਹਾਂ ਕੋਲ 4 ਵਿਅਕਤੀ ਆਏ ਸਨ, ਜਿਨ੍ਹਾਂ ਨੇ ਸ਼ਿਕਾਇਤ ਕੀਤੀ ਕਿ ਬ੍ਰੈਂਟਵੁੱਡ ਮੈਡੀਕਲ ਕਲੀਨਿਕ ਵਿਚ ਉਨ੍ਹਾਂ ਦੇ ਫੈਮਿਲੀ ਡਾਕਟਰ ਫੂ ਟਰੂੰਗ ਵੂ ਨੇ ਉਨ੍ਹਾਂ ਨਾਲ ਬਦਸਲੂਕੀ ਕੀਤੀ।

ਹਰ ਪੀੜਤ ਨੇ ਇਹ ਹੀ ਦੱਸਿਆ ਕਿ 2016 ਤੋਂ 2020 ਦੌਰਾਨ ਉਨ੍ਹਾਂ ਦੇ ਚੈੱਕਅਪ ਬਹਾਨੇ ਡਾਕਟਰ ਨੇ ਕਲੀਨਿਕ ਦੇ ਕਮਰੇ ਵਿਚ ਉਨ੍ਹਾਂ ਦਾ ਸ਼ੋਸ਼ਣ ਕੀਤਾ। 46 ਸਾਲਾ ਫੂ ਟਰੂੰਗ ਵੂ ਨੂੰ 3 ਦਸੰਬਰ ਨੂੰ ਅਦਾਲਤ ਵਿਚ ਪੇਸ਼ ਕੀਤਾ ਜਾਣਾ ਹੈ।

ਇਸ ਸਾਲ ਦੇ ਸ਼ੁਰੂ ਵਿਚ ਕਾਲਜ ਆਫ਼ ਫਿਜ਼ੀਸ਼ੀਅਨ ਤੇ ਸਰਜਨ ਐਲਬਰਟਾ ਨੇ ਜਾਂਚ ਦੌਰਾਨ ਉਸ ਦਾ ਅਭਿਆਸ ਪਰਮਿਟ ਰੱਦ ਕਰ ਦਿੱਤਾ ਗਿਆ ਸੀ। ਇਸ ਸਾਲ ਜੁਲਾਈ ਵਿਚ ਉਸ ਨੂੰ ਕਰੀਬ $10,000 ਦਾ ਜੁਰਮਾਨਾ ਲਾਇਆ ਗਿਆ ਸੀ।