14.15C Vancouver 14.15C VancouverOct 27, 2025 4:41 PM - Connect Newsroom
ਕੈਲਗਰੀ ਦੇ ਰਹਿਣ ਵਾਲੇ ਸੂਰਜ ਸਿੰਘ ਸਲਾਰੀਆ 'ਤੇ ਨਸ਼ੀਲੇ ਪਦਾਰਥਾਂ ਨੂੰ ਇੰਪੋਰਟ ਕਰਨ ਦੀ ਕੋਸ਼ਿਸ਼ ਦੇ ਚਾਰਜਿਜ਼ ਲੱਗੇ ਹਨ। ਕੈਨੇਡਾ ਬਾਰਡਰ ਸਰਵਿਸ ਏਜੰਸੀ ਦੇ ਅਧਿਕਾਰੀਆਂ ਨੇ ਪਿਛਲੇ ਮਹੀਨੇ 28 ਸਾਲਾ ਸਲਾਰੀਆ ਨੂੰ ਚਾਰਜ ਕੀਤਾ ਹੈ।
ਪੁਲਿਸ ਨੇ ਕਾਉਟਸ ਬਾਰਡਰ ਕੋਲੋਂ 25 ਸਤੰਬਰ ਨੂੰ ਉਸ ਦੇ ਕਮਰਸ਼ੀਅਲ ਟਰੱਕ ਵਿੱਚੋਂ ਲਗਭਗ 77 ਕਿਲੋ ਕੋਕੀਨ ਜ਼ਬਤ ਕੀਤੀ, ਜਿਸ ਦੀ ਸਟ੍ਰੀਟ ਕੀਮਤ ਲਗਭਗ $7 ਮਿਲੀਅਨ ਦੱਸੀ ਜਾ ਰਹੀ ਹੈ। ਉਸ 'ਤੇ ਨਿਯੰਤਰਿਤ ਦਵਾਈਆਂ ਅਤੇ Substances Act ਤਹਿਤ ਕਈ ਦੋਸ਼ ਲਾਏ ਗਏ ਹਨ।
ਉਸ ਨੂੰ ਨਿਯੰਤਰਿਤ ਪਦਾਰਥਾਂ ਨੂੰ ਇੰਪੋਰਟ ਕਰਨ, ਤਸਕਰੀ ਲਈ ਪਾਬੰਦੀਸ਼ੁਦਾ ਪਦਾਰਥਾਂ ਨੂੰ ਆਪਣੇ ਕਬਜ਼ੇ ਵਿੱਚ ਰੱਖਣ ਅਤੇ ਪਾਬੰਦੀਸ਼ੁਦਾ ਵਸਤਾਂ ਨੂੰ ਐਕਸਪੋਰਟ ਕਰਨ ਦੀ ਕੋਸ਼ਿਸ਼ ਕਰਨ ਲਈ ਚਾਰਜ ਕੀਤਾ ਗਿਆ ਹੈ।
ਇਸ ਮਾਮਲੇ ਦੀ ਜਾਂਚ ਏਕੀਕ੍ਰਿਤ ਬਾਰਡਰ ਇਨਫੋਰਸਮੈਂਟ ਟੀਮ ਵੱਲੋਂ ਕੀਤੀ ਜਾ ਰਹੀ ਹੈ, ਜਿਸ ਵਿੱਚ ਆਰ.ਸੀ.ਐਮ.ਪੀ., ਸੀ.ਬੀ.ਐਸ.ਏ. ਅਤੇ ਕੈਲਗਰੀ ਪੁਲਿਸ ਸਰਵਿਸ ਸ਼ਾਮਲ ਹਨ। ਸਲਾਰੀਆ ਨੂੰ ਅੱਜ ਲੈਥਬ੍ਰਿਜ ਪ੍ਰੋਵਿੰਸ਼ੀਅਲ ਕੋਰਟ ਵਿੱਚ ਪੇਸ਼ ਕੀਤਾ ਜਾਣਾ ਹੈ।
