17.21C Vancouver 17.21C VancouverFeb 23, 2022 10:21 PM - The Canadian Press
ਕੈਗਲਰੀ ਦੇ ਇੱਕ ਆਦਮੀ 'ਤੇ ਬੀ.ਸੀ. ਦੀਆਂ ਕਈ ਔਰਤਾਂ ਨਾਲ ਰੋਮਾਂਸ ਸੰਬੰਧੀ ਠੱਗੀ ਲਈ ਧੋਖਾਧੜੀ ਦੇ ਦੋਸ਼ ਲੱਗੇ ਹਨ।
ਕੈਲਗਰੀ 'ਚ ਪੁਲਿਸ ਦਾ ਕਹਿਣਾ ਹੈ ਕਿ ਮਾਮਲੇ 'ਚ ਦੋਸ਼ਾਂ ਦਾ ਸਾਹਮਣਾ ਕਰ ਰਹੇ ਵਿਅਕਤੀ ਦੀ ਉਮਰ 36 ਸਾਲ ਹੈ ਅਤੇ ਉਸ ਦਾ ਨਾਮ ਬ੍ਰਾਇਨ ਸਿਰੀਡਾ ਹੈ।
ਉਸ 'ਤੇ ਇੱਕ ਦਰਜਨ ਤੋਂ ਵਧੇਰੇ ਧੋਖਾਧੜੀ ਅਤੇ ਚੋਰੀ ਸੰਬੰਧੀ ਦੋਸ਼ ਲੱਗੇ ਹਨ।
ਇਸ ਸੰਬੰਧੀ ਸ਼ਿਕਾਇਤਾਂ ਲੈਂਗਲੀ, ਸਰੀ, ਡੈਲਟਾ, ਕੈਲਗਰੀ ਅਤੇ ਕੌਸ਼ਰੇਨ ਤੋਂ ਮਿਲੀਆਂ ਦੱਸੀਆਂ ਗਈਆਂ ਹਨ।
ਇਸ ਠੱਗੀ ਸੰਬੰਧੀ ਮਾਮਲੇ ਸਾਲ 2020 ਨਾਲ ਸੰਬੰਧਤ ਦੱਸੇ ਗਏ ਹਨ ਅਤੇ ਇਸ ਦੌਰਾਨ ਕੁਝ ਲੋਕਾਂ ਨੇ ਡਿਸਕਾਊਂਟ 'ਤੇ ਮਹਿੰਗੇ ਇਲੈਕਟਰੌਨਿਕਸ ਦੀ ਖਰੀਦਦਾਰੀ ਕੀਤੀ ਸੀ ਪਰ ਉਨ੍ਹਾਂ ਕੋਲ ਇਹ ਇਲੈਕਟਰੌਨਿਕਸ ਕਦੀ ਪਹੁੰਚੇ ਹੀ ਨਹੀਂ।
ਇਸ ਸੰਬੰਧੀ ਜਾਂਚ 'ਚ ਪਤਾ ਲੱਗਿਆ ਕਿ ਕੁਝ ਔਰਤਾਂ ਦੀ ਇੱਕ ਆਦਮੀ ਨਾਲ ਔਨਲਾਈਨ ਢੰਗ ਨਾਲ ਜਾਣ-ਪਛਾਣ ਹੋਈ ਸੀ ਅਤੇ ਫਿਰ ਉਨ੍ਹਾਂ ਨੂੰ ਮਹਿੰਗੀਆਂ ਆਊਟਿੰਗਸ 'ਤੇ ਲਿਜਾਇਆ ਗਿਆ ਜਿਸ ਕਾਰਨ ਔਰਤਾਂ ਨੂੰ ਲੱਗਿਆ ਕਿ ਉਹ ਦੱਸੇ ਇਲੈਕਟਰੌਨਿਕਸ ਖਰੀਦ ਸਕਦੀਆਂ ਹਨ ਅਤੇ ਉਨ੍ਹਾਂ ਨੇ ਆਪਣੇ ਪਰਿਵਾਰ ਅਤੇ ਦੋਸਤਾਂ ਨੂੰ ਵੀ ਅਜਿਹੀ ਖਰੀਦਦਾਰੀ ਲਈ ਜੋਰ ਪਾਇਆ।
ਪਰ ਇਹ ਇਲੈਕਟਰੌਨਿਕਸ ਕਦੀ ਮਿਲੇ ਹੀ ਨਹੀਂ ਅਤੇ ਪੁਲਿਸ ਨੂੰ ਸ਼ੱਕ ਹੈ ਕਿ ਔਰਤਾਂ ਦੀ ਮਹਿੰਗੀਆਂ ਆਊਟਿੰਗਸ ਲਈ ਵਰਤਿਆ ਗਿਆ ਪੈਸੇ ਵੀ ਪਹਿਲਾਂ ਦੀਆਂ ਠੱਗੀ ਵਾਲੀਆਂ ਸੇਲਸ ਤੋਂ ਹਾਸਿਲ ਕੀਤਾ ਗਿਆ ਸੀ।
