15.34C Vancouver 15.34C VancouverOct 31, 2025 6:21 PM - Connect Newsroom
ਸਾਊਥਈਸਟ ਕੈਲਗਰੀ ਵਿਚ ਵੀਰਵਾਰ ਦੁਪਹਿਰ ਉਦਯੋਗਿਕ ਖੇਤਰ ਵਿਚ ਇਕ ਟਰੈਕਟਰ ਨਾਲ ਟਕਰਾਉਣ ਮਗਰੋਂ 69 ਸਾਲਾ ਵਿਅਕਤੀ ਦੀ ਮੌਤ ਹੋ ਗਈ। ਇਹ ਟੱਕਰ ਦੁਪਹਿਰ ਕਰੀਬ 12:30 ਵਜੇ 43 ਐਵੇਨਿਊ ਸਾਊਥ ਈਸਟ ਨੇੜਲੇ ਹੇਸਟਿੰਗਜ਼ ਕ੍ਰੇਸੈਂਟ ਸਾਊਥ ਈਸਟ ਦੀ ਵਪਾਰਕ ਜਾਇਦਾਦ ਵਿਚ ਹੋਈ। ਦੱਸਿਆ ਜਾ ਰਿਹਾ ਹੈ ਕਿ ਇਸ ਨੂੰ 30 ਸਾਲਾ ਵਿਅਕਤੀ ਚਲਾ ਰਿਹਾ ਸੀ ਅਤੇ ਵਿਅਕਤੀ ਇਸਦੇ ਪਿੱਛਿਓਂ ਲੰਘ ਰਿਹਾ ਸੀ।
ਐਮਰਜੈਂਸੀ ਕਰੂ ਨੇ ਪੀੜਤ ਨੂੰ ਫੁੱਟਹਿਲਜ਼ ਮੈਡੀਕਲ ਸੈਂਟਰ ਵਿਚ ਦਾਖਲ ਕਰਵਾਇਆ ਪਰ ਉਸ ਨੂੰ ਬਚਾਇਆ ਨਾ ਜਾ ਸਕਿਆ। ਦੱਸਿਆ ਜਾ ਰਿਹਾ ਹੈ ਕਿ ਇੱਥੇ ਸਮਾਨ ਦੀ ਲੋਡਿੰਗ ਹੋ ਰਹੀ ਸੀ ਅਤੇ ਇਸ ਦੌਰਾਨ ਇਹ ਹਾਦਸਾ ਵਾਪਰਿਆ।
ਓਕਿਊਪੇਸ਼ਨਲ ਹੈਲਥ ਐਂਡ ਸੇਫਟੀ ਨੂੰ ਇਸ ਸਬੰਧੀ ਸੂਚਿਤ ਕਰ ਦਿੱਤਾ ਗਿਆ ਹੈ ਕਿਉਂਕਿ ਇਹ ਹਾਦਸਾ ਨਿੱਜੀ ਵਪਾਰਕ ਇਮਾਰਤਾਂ ਵਿਚ ਵਾਪਰਿਆ ਹੈ। ਫਿਲਹਾਲ ਇਹ ਜਾਣਕਾਰੀ ਨਹੀਂ ਮਿਲੀ ਕਿ ਵਿਅਕਤੀ ਇੱਥੇ ਕੰਮ ਕਰਦਾ ਸੀ ਜਾਂ ਇੱਥੋਂ ਲੰਘ ਰਿਹਾ ਸੀ। ਪੁਲਿਸ ਵਲੋਂ ਹਾਦਸੇ ਦੇ ਕਾਰਨਾਂ ਦੀ ਜਾਂਚ ਕੀਤੀ ਜਾ ਰਹੀ ਹੈ।
